¹ Lakhini uveve ukachovake kala kekiyendana na mavulicho kakhuaminikha. ² Avasehe vavechake ni khiasi, ni heshima, ni busala, nulufuvo ulunofi, nulukhelo numuvufumilifu. ³ Deni deni na vamwayuva avasehe lasima msikha kwoha vivonesake vavene ngita vikhiheshimu,yesivavele vahesi, lasima vasiyo khuva vatumwa va filefi. ⁴ Vitakhiwa ukhuvulicha kekavele manofi nekhe vavayandae avahinja khwa busala ukhukhela avakosi vavo na vana vavo. ⁵ Vitakhiwa ukhuvavulicha vavechake ni busala, vasafi, yevitunja vunofi inyumba chavo, na yeviyidikha khwa vakosi vavo, vilasimikha ukhufanya amambo aka nekhe ilicho lya Nguluvi lisiyo khulikwa. ⁶ Khwa njila yiyo tuvatiyake umoyo avadimi nekhe vave ni busala. ⁷ Munjila chondi mwivikhake yunye khuva filongochi mukhaasi inofi; na pemwivulicha, muvonesake uvuadilifu ni heshima. ⁸ Mlongelake imola chechivele nuvusima, ni chechisivele ni dosali, nekhe yeyoha yeipinga ipulikhe soni pakhuva hana lya khulongela ukhuhusu uwewe. ⁹ Avatumwa vavapulihake avabosi vaavo khwa kila khinu.Vitakhiwa ukhupendesa, vasiyo khubishana navo. ¹⁰ Visitakhiwa ukhuva vahiichi, badala yakhe vitakhiwa ukhuvonesa ulufuvo lwavo ulunofi na mavulicho ketu ukhuhusu umkombochi vetu. ¹¹ Khwakhuva ulukano lwa Nguluvi luvonikhe khwa vaanu voha. ¹² Yakhatuvulicha ukhubela kekasivele ka Nguluvi,ni tamaa cha pa inyi, nukhutuvulicha ukhuishi khwa luhala ni haki, munjila cha Nguluvi khwa msikha uku. ¹³ Umsikha khetwilonda ¹⁴ Uyesu itolye mwene khwa njila yetu, ili atukhommbole ukuhuma mumabaya nukhutuvikha mvunofi. ¹⁵ Uchovake nukhupulihicha ilicho ili ukhunyelake khwa mamulaka koha.Utane ukhukubali umunu yeyoha ukhukhusalavu.