1 U Paulo, umufanyakasi va Nguruvi au mseng'wa va Yesu Kristo,khwa lufuuvo lwa vachaakule va Nguluvi nuvuelewa waswalweesi wewileta ulwimiko khwa Nguluvi. 2 khwa khutekemela uvuumi wa khudumu we aaidile uNguluvi yesiwesa ukhuchova uvudesi. 3 Khwa msikha kwakhe uNguluvi umpaasi veetu avikhile waasi ilicho lya mweene lye aamelye ndilitangasake khwa malakicho ka mweene. 4 Khwako Tito vemwana vaangu mulufuuvo lwetu ulukano nu lusungu, ni amani yeyihuuma khwa Nguluvi ubaba veetu nu Yesu Kristo umuukombochi veetu fiveechake nave. 5 Ndyo maana ndakhulekhile khu Krete iili ukaviikhe vunofi amaambo kekasiike nu khuviikha avasekhe va kanisa khwa khila khivuta ngita shenda khulakiche. 6 Umusehe va kanisa yitakhiwa avechake yeisisutwa khwa lyalyonda avechake mkoosi vamdala yu mwinga. Na vaanayevisichowa khwa mabaya au yevasivele nii adabu. 7 Yitakhiwa umwangalichi, kama msimamiisi va nyumba iya Nguluvi, alekhe khuuva msutwa va lyalyoha, alekhe ukhuuva muunu umunya lyoove, au yeasikhisuvila. Yitakhiwa alekhe ukhu dada ng'aning'ani, alekhe ukhuva mkaachi, alekhe ukhuva nii njocho wala uvuloho. 8 Badili yakhe: aveechake muunu mfuuchi, yeikhela ulukano. Yitakhiwa aveechake muunu umunyaluhala, ulu nofi yeitenda ihaki nuhumwokopa uNguluvi nukhwitawala yumwene. 9 Yeiwesa ukhwimila amavulicho khasalwesi kekavulichwe, nekhe avapele umoyo khwa mavulicho amanofi nu khuviikhawasio avabishi voha. 10 Khwa khuva huna vayanangifu volofi,hasa vala va tohala. Maacho khavo ka vupulusi. Vahavachanga nukhuvapotosa avaanu uvupulusi. 11 Yevele lasima ukhuvasuvila avo.Vifundiswa khala kekisitahiwa khwa faida cha soni nukhuwananga ifamilia chavo. 12 Yumwinga vavo umuunu umunya busala,achovile,"wakrete vana vudesi wesivuna mwisho,vabaya na vanyama va hatali,vakhata na valoho." 13 Amaeleso aka kasalwesi, khwa hiyo uvasule khwa ngufu ili kwamba vawese ukhuchova salwesi mu lufuvo. 14 uveeve ulekhake ukwiyingicha simo ichafudesi ichavayahudi au amalakicho kavanu,yevikomosa khumbele isalweli. 15 Hwa voha yevavele vanofu,vyoha fieveele vunofu,lakhini khwa vakhata voha nayevisifuwa, sikhwekhili she khiveele khinofi.Pakhuva amahocho kaavo ninumbula chaavo chichafwikhe. 16 Vichova vamumanyile unguluvi,lakhini khwa kevifanya vakhambela.Vaveele vakhata khaangi vasinakhipulikho.Sivavikhilwe kwa lichengo lyolyoha ilinofi.