1 Khwahiyo vakhelwa vangu, ambao ndilonda, ambao yivele lukhelo ni taji yangu. Mwimake imala mwa Mutwa, unye va lafiki vakhelwa. 2 Ndikhakhunyilikha uveve Eudia, pia ndikhakhunyilikha uveve Sintike, mkomose amahusiano ka lutengamaso kati yenyo, khasababu unyenye, nyevoha vavili mwaungine nu Mutwa. 3 Khwa salwesi ndikhavanyilikha pia unyenye vatenda khasi vayangu, muvatange avadala ava khwa khuva vatumikhe pamonga nu nene mu khuenesa ienjili ya Mutwa tungava nu Kelementi pamonga na vafanyakhasi avangi va Mutwa, ambao amatawa kavo kayandikhilwe mu khitabu sha vuumii. 4 Mwa Mutwa sikhu choha. khangi achandichova, mwikhelake. 5 Uvupole wenyo na vujulikhane khwa vaanu voha. Mutwa avele kalibu. 6 Mtaneukhwisumbula khwa lijambo lyolyoha. Badala yakhe, mufanyake amambo kenyo koha khwa njila ya khusali, khunyilikha nukhusengucha.Na mahitaji kenyo kajulikhane khwa Nguluvi. 7 Basi itengamaso ya Mutwa yeyivele ngomi khulikho uvumanyi woha achayikhatulinda inumbula na mahocho kenyo khwa musada kwa Khilisiti uYeesu. 8 Hatima yakhe, valongo vangu; mukahochake necho amambo koha akanya vusalwesi, iheshima, haki uvusafi,lukhelo, na kala akanya mola nofi kanya busala, pamwinga na kala kekilonda ukhusifiwa. 9 Mukatelesake amambo kala kemwifunjiche, kemwayanushe kemwapulikhe na kala kemwakawene khwangu nu baba vetu va tengamaso yaiva nanye. 10 Ndilinalwe ulukhelo lukhomi necho juu yenyo mwa Mutwa khwa khuva unyenye muvonesiche khangi inia ya khwihusisha khwenyo juu ya mahitaji kangu khwa salwesi, pamwanjo apo mwalondaka khundijali khwa mahitaji kangu japo simwapatili inafasi ya khunditanga. 11 Sindichova ewenekhe ndipate khinu khwaajili ya mahitaji kangu. khwani ndifunjiche ukhulisikha mu hali choha. 12 Ndimanyile ukhuishi mu hali ya khupungukhiwa na pia mu hali ya khuva ni fyolofi. Mu mazingila koha aka unene ndifunjiche isili ya namuna ya khulya musikha kwa shibe na jinji ya khulya musikha kwa njala, yani fyolofi nu khuva muhitaji. 13 Ndiwesa ukhufanya aka khwa khuweseshwa nu mwene yeakhanditiya ingufu. 14 Hata ewe mwafanyile vunofi ukhushiliki nane mu shida changu. 15 Unyenye vafilipi mumanyile khutyamwanjo kwa enjili pendaheekile khu Makedonia, sikhwelili ilikhanisa lyelyandiwesechiche mu mambo kekihusu uvutoaji nukhuyanukhila isipokuwa unyenye nyevene. 16 Hata pendaveele khu Tesalonike, unyenye mwanditumye umusada zaidi ya mala kha mwinga kwaajili ya mahitaji kangu. 17 Sindimaanisa kwamba ndilonda umusada. Bali ndichova nekhe mupate amatunda kekileta ifaida khwenyo. 18 Ndiyanushe ifinu fyoha, na lino ndijasichwe ni finu fyolofi. Ndiwanushe ifinu fyenyo khuhuma khwa Epafladito.Fivele finu finofi finya khunung'ilila ngita manukato,kanga khukhubalikha ambafyo fyoha yivele sembe yeyikhamukhelecha uNguluvi. 19 Khwaajili iyo, Nguluvi vangu achaakhavajasa amahitaji kenyo khwa vutajili wa vuvalache wakhe mu Yeesu khilisiti. 20 Lino khwa Nguluvi nu Baba yetu vuve vuvalache milele na milele. Amina. 21 salamu changu chimuikhile khila muumini mwa Khilisiti Yeesu. Vakhelwa yendivele navo apa vakhavahungila. 22 Pia vaumini voha apa vakhavahungila,hasahasa vala va familiya ya Kaisali. 23 Na lino ulukano lwa Mutwa vetu uYeesu Khilisiti yivake ni numbula chenu.