Vafilipi 3

1 1 Hatima yakhe, valongo vangu mwikhelake mwa Mutwa. simndivona uvusumbufu khuvayandikhiila khangi amacho kakala. Amambo aka yaakakhavapela uvusalama. 2 Mwiyangalilake ni libwa. Mwiyangalilake na vatenda khasi avabaya. Mwiyangalilake na vala yevikhing'enya imivili kyavene. 3 Khwa khuva uwewe ndyo tohala. Uwewe ndyo twatwiva tukhamwimikha uNguluvi khwa musada kwa Umubepo. Twikhifunila mu Khilisiti uYeesu na ambao situveli nuvujasilimu muvili. 4 Hata ewe, kama khakhuvechake nu munu va khukutemela umuvili uku, unene ngalindiwesa ukhufanya ewe zaidi. 5 Khwani ndatahiliwe isikhu ya nane, ndasaliwe mu likabila lya Vaisilaeli. Ndivele va kabila lya Benjamini. Avele Mweblania va vaeblania. Mu khuyitimisa ihaki ya shelia ya Musa, ndaavele Falisayo. 6 Khwa juhudi changu ndaalipumwise ilikhanisa. khwa khuyitii ihaki ya shelia, siindaveli ni lawama khishelia. 7 Lakhini mu mambo koha keendakawene khuva faida khwangu unene, ndakavalye ngita takhatakha khwasababu ya khumumanya ukhilisiti. 8 Khwa salwesi, ndikhakavalila amambo koha khuva hasala ukhuhumana nu vubola wa khumumanya ukhilisiti Yeesu Mutwa vangu. Khwajili yakhe ndikalekhile amambo koha ndikhakavalila ngita takhatakha nekhe ndimupate uKhilisiti. 9 na ndivonekhane mukati mwakhe.sindina haki yangu binafusi ukhuhuma mu shelia, bali ndilinayo ihaki yila yeyipatikhana khwa lufuvo. 10 Lino ndilonda ukhumumanya umwene ni ngufu ya uvufufukho wakhe nu vushilika wa mapukho kakhe. Ndilonda ukhubadiliswa nu khilisiti mu mufano kwa khifo shakhe, 11 angalavu ndiwese khuva na matekemelo mu vufufukho wa vafwe. 12 Salwesi ndali kwamba tayali mendikapatile amambo ako, au kwamba ndivele mkamilifu mu ako. Bali ndikhitanga nekhe ndiwese ukhupata khila sheshapatikhine nu Yeesu Khilisiti. 13 Valongo vangu sindifikhilila kwamba ndimalile ukhupata amambo aka. Bali ndifanya ilijambo limonga: ndisemwa kahumbele ndilolela akakhuvulongolo. 14 Ndikhitanga ukhufikhila ililengo nekhe ndipate tuzo ya khushanya ya lukhemelo lwa Nguluvi mwa khuilisiti Yeesu. 15 Twevoha yetukhulye uvukhombochi, twitakhiwa ukhuhocha kwa namuna iyi. Na yingava uyungi achaihocha khwa namna yeyiveletafauti ukhuhusu jambo lyelyoha Nguluvi pia achaifunula ilyo khwenyo. 16 Hata ewe, hatua yeyifikhe na tuyenendenake mu mutindo ukwe. 17 Valongo vangu, mundiwikake unene. Muvalolake khwa makini vala yeviyenenda khwa mufano kwekuvele kwa jinsi yetu. 18 Volofi yeviishi vevala ambavo mala kholofi ndivachovyele, na lino ndikhachovela khwa manyochi -volofi viishi kama maaudui va msalaba kwa Khilisiti. 19 Mwisho kwavo vuvele vuhalibifu. Khwa khuva uNguluvi vavo lileme, na khibuli shavo khivele mu soni chavo. Vihocha mambo ka khidunia. 20 Bali uvulaia wetu vuvele khushanya, ambakho twitekemela mkhombochi vetu uYeesu Khilisiti. 21 Achaibadilisa imivili kyetu saifu khuva ngita muvili kwakhe kwa vuvalache; khwa vuwesa vuvula wevukha muwesesha ukhusibiti finu fyoha.


1vafilipi