¹ Ya vechike yisila Isabato, Mariamu Magdalena nu Mariamu mama vamwwene nu Yakobo na Selome vagulile amanukato manofi, vawese uhwicha nukhubakha amafuta mumuvili kwa Yeesu khwa aajili ya masiko. ² Palukhela sana isikhu ya khwanja ya juma, vahele khukabuli uwakati ilichuva lihumile. ³ Vachovine vavene khwa vene, "Yuyani hacha ifilingisa iliganga khwaajili yetu ili tuyingile mukabuli?" ⁴ Uwakati vilola, vamuwene muunu veafilingise iliganga, lyelyavele likomi necho. ⁵ Vayingye mu kabuli nukhumuvona ukhijana afwalile ilikwanda livalafu, atamile ilivokho lya hulyando, nukhushangaswa. ⁶ Avachovye, 'musiyo khuyokopa. muhamutemula u Yeesu, vahu Nazareti yeasulubiwe. Afufwikhe! sipuyuli apa. Mlole peakhavele pala pevakhamuvimbile. ⁷ Mbitake, muhavachovele avanyasule vamwene nu Petulo ukhuva avalongwe uhu bita hu Galilaya. Ukhwe muhamuvona, ngita sheavachovye." ⁸ Vahekile nukhunyila ukhuhuma khukabuli; vatetemikhe nukhushangaa. Sivachovile sheshondi khwa muunu yeyondi sababu vayokwipe sana. ⁹ (Singatilake: Nakala cha hatali sichina Maluko 16:9-20) Mapema isikhu ya khwanja ya lijuma bada ya khufufuha, amuhumie khwanja Mariamu Magdalene, ambaye ukhuhuma khwa mwene amuhechiche majini Saba. ¹⁰ Ahekile nu huvachovela yevavechinye pamonga nu mwene, pevahusunihakha nukhuhecha amanyochi. ¹¹ Vapulikhe uhutya musima na avonikhe nave, lakhini sivamwaminili. ¹² (Singatilake: Inakala ya hatali siyina Maluko 16:9-20) Bada ya ako, ahumaniche khwa namna tofavuti khwa vaanu vangi vavili, pevavele vikenda ukhukhuma mu inyi. ¹³ Vahele nukhumuchovela avanyasule avangi vevasike, lakhini sivaaminili. ¹⁴ (Singatilake: Inakala cha hatali hazina Maluko 16:9-20) Yeesu baadaye ahumaniche pa vala lichumi na yumonga pevayegime mmesa, na avabechiche khwa khuto huamini khwavo nuvugumu wa numbula chavo, khwasababu sivava aminili vala vevamuwene baada ya khufufukha khukhuma khu wafu. ¹⁵ Avachovye, "mubitake hulimwengu kwote muhatangase iinjili khwa fiumbe fyondi. ¹⁶ Yeyondi yeiamini nukhuchabikhwa hacha iokolewa, nayula yesiiamini hacha ihukumiwa. ¹⁷ (Singatilake: Inakala cha hatali sichina Maluko 16:9-20) Ishala ichi chiambatana na vondi veviamini. Khwalitawa lyangu hacha vihecha lijini. Hacha vichova khwa luha mpya. ¹⁸ Vikhamula iliyokha hwa mavoho khavene, na hata vanywe khinu shoshondi sha hufisha sihacha khihavazulu. Vivimba amavoho hwa vatamu, navo yeviva vasima." ¹⁹ Bada ya Bwana ukhuchova navo, ategulilwe hushanya humbinguni na atamile livoho lya hulyando lya Nguluvi. ²⁰ Vanyasule vahekile nukhubita khutangasa khila sehemu, uwakati Bwana ifanya ikhasi navo nukhusibitisa ilicho khwa miujiza ni ishala chifwatana navo.