1 Baaba ya Yeesu uhumala khila khinu sheachovaka khwa vaanu vevampulihiche, ayingye hu Kapernaumu. 2 Mseng'wa yumwingwa va akida, ye avele va samani necho khwa mwene,avele mtamwa necho na avele jilani uhufwa. 3 Lakhini avele ipuliha uhuhusu u Yeesu,Akida yula amtumile ukhiongosi va khiyahudi, uhumnyiliha ayiche khumuokola umseng'wa vamwene nekhe asiyo hufwa. 4 Vavevifiha jilani nu Yeesu,vamusihi khwa bidii nuhuchova,"Akhastahili yatakhiwa akhite ewe khwaajili ya mwene, 5 khwa sababu ahali inokwa ilitaifa lyetu,na ndyo ye achengile ilisinagigi khwaajili yetu." 6 U Yeesu ayendelye ni safari ya mwene pamwinga navo.Lakhini kabla sina abita hutali ni nyumba,Afisa yu mwinga avaseng'ile avalafiki va mwene hulongela nave." Bwana usiyo khwichosa yuve khwasababu unene sinditakhiwa uveve uhuyingila mudali yangu. 7 Khwa sababu iyi sindawasiche hata yuve mwene uhuva ndifaa ukhu yicha khwaho,lakhini chove licho tu nu mutumishi vangu hacha ipona. 8 Khwani unene ndili muunu yendivinhilwe mumamulaka na ndili na va Askali mgati mwangu.Yichovwa hwa uyu" Helelake" na huhelela, na khwa yungi, "yiche" na yumwene iyicha, na khwa mtumisi vangu"fanye ihi,na yumwene ifanya." 9 Yeesu peapulikhe aka ashangaile,na huvapinduhila amakutano vavele vyahamfwata nuhuvachovela."Ndihavachovela hata katika Israeli,sinandiwahi uhumuvona umuunu umunyaluvo kama uyu. 10 Nekhe vala vavele vatumilwe vakomwihe hunyuumba nuhumuvona umutumishi avele msima. 11 Fulani baada ya aka,yahumye u Yeesu avele isafili hubita khuhivuta sheshakemelilwe.Naini vanasule nu vumati wa vaanu. 12 Avechike ifiha jilani ni lilango lya khi jiji,u muunu ye afwele avele,ababilwe, na nyo mwana va hipekee khwa mama vamwene. 13 Peamuwene,Mutwa,amsogelye khwa huluma ngomi necho juu ya mwene na amchovye,"usiyohuvemba." 14 Nekhe asogele pavulongoloaligusiche ilijenesa lyevatolye umuvili,na vala vavamutolile vayimile ahachova"khija nditike lamukhe. 15 Mfu awinwihe nuhutama panyi nuhuvanga hulongela.Nekhe uYeesu amkhabisichekhwa mama vamwene. 16 Nekhe ihofu yavamemile voha.Vayendelye uhumtukusa u Nguluvi vatye "Mvilisi Mkomi awinuliwe mumiongoni mwetu"na"Nguluvi avalolile vaanu vamwene". 17 Ihabali ichi nofi cha Yeesu chaenie Yudea yoha na khwa mikoa kyoha kya jilani. 18 Vanyasule va Yohani vamchovye aka khoha. 19 Apo u Yohani avakemelye vavili vanyasule vamwene nuhuvatuma khwa Mutwa huchova "uveve ndyo yula yeiyicha,au huna muunu yungi tumulangake."? 20 Vavechike vifiha jilani nu Yeesu ava vachomvile,"u Yohani mchabihaji atumile ukhwaho huchova," uveve ndyko yula yeiyicha au huna muunu yungi tumlolele?" 21 Khwa musikha ukwe yeavaponiche avaanu volofi uhuhuma mumatamu na mapumuho,uhuhuma khwa umbepo mchafu, na khwa vaanu vevanyaupofu, avapelye uhulola. 22 U Yeesu avajibwe nuhuchova khwavo. 'Baada ya huva muhele hwemuhumile hacha muhampulihicha u Yohani shemuhiwene nuhupuliha.Avabofu hacha vikenda,avanyavukoma vitakasiha,vesivipuha hacha vipuliha,avafwe hacha vifufuha nuhuva hai tena,avamasihini hachavichovelwa ihabali inofi. 23 Na umuunu ye hacha siihilehelwa uhuniamini hwasababu ya matendo kangu abalihiwe." 24 Baada ya vala vevatumilwe nu Yohani hugomoha hwevahumile, u Yeesu avangile uhuchova mumakusanyiho juu ya Yohani,"muhakhele hwivala hulola hin, ililanzi pelitikiswa ni ng'ala? 25 Lakhini muhahele hwivala hulola hina, muunu yeafwalile finofi? lange vala vaanu vevafwalile amagwanda ka mutwa nu huishi amaisha ka stalehe vavele munafasi cha mutwa. 26 Lakhini mwibita hwivala hulanga hina,mvilisi? Ena,ndichova uhwenyo na saidi necho huliho muvilisi. 27 Uyu ndyo yeayandihilwe, "Lange,ndihamutuma umujumbe vangu pavulongolo pa miho kenyo,yehacha iandaa injila hwaajili yangu, 28 ndichova uhwenyo,kati ya vala vevasaliwenu mudala,hakuna mukomi ngita Yohani,lakhini umuunu atane huva muhimu nechoyehacha iishi nu Nguluvi mahali peavele umwene,hacha iva mkomi huliho u Yohani." 29 Na vaanu voha vavechake vapulihe aka pamwinga na vatoza ushulu,vatangasiche uhuva Nguluvi ye munya haki.Vavele kati ya vala vevachbihilwe hwa vuchabihwa wa yohani. 30 Lakhini mafalisayo na vataalamu va shelia cha hiyahudi,ambavo sivachabihilwe nu mwene vabelile ihekima cha Nguluvi hwaajili yavo vavene. 31 Tena ndiwes uhuvalinganisa na hina vaanu va hisasi ihi? vavele vuli hasa? 32 Viwanana na vaana vevikiina mulieneolya lisokho, vevi tama nu hwikemela yumwinga baada ya yungi vachovaka, 'Tupulile ifilimbi hwa ajili yenyo,na simuhakinile. Tuombolise na simuhavembile.' 33 Yohani muchabihaji ayichile sialyeli umukate wala hunywa idivai, na muhachole"analijini. 34 Mwana va munu ayichile alyele nu hunywa na muhachovile, "aapivele muloho na mugachi lafiki va vatosa ushulu na vaanya saambi! 35 Lakhini hekima yitambulikhe huva yina haki hwa vaana va mwene vote." 36 Yumwinga va mafalisayo amunilihe u Yeesu abite hulya pamwinga. Baadaya ya Yeesu huyingila munyuumba ya Falisayo,ayegamye mumesa ili alye. 37 Langake hwavele nu mudala yumwinga mulijiji ilyo avele nisaambi. Ahagundula uhutya avele atamile munyumba ya falisayo,aletile ichupa ya manukato. 38 Ayimile hunyuma ya mwene kalibu na magulu ka mwene huno ivemba.Halafu avangile uhutomya amagulu kamwene hwa manyochi , nu hufuta hwa njwili cha mutwe kwa mwene,ibusu amagulu ka mwwene nu hubaha amanukato. 39 Na yula falisayoye avele amunyilihe u Yeesu ave alolile ewe awasiche yumwene achovile,"kama umuuunuuuyu hali ave muvilisi,hali ielewa uyu ye nanani na ni aina gani ya mudala ye ahamugusa,pahuva anasaambi. 40 Yeesu ajibwe nu humuchovela,"Simoni ndina hinu shahuhuchovwela. "Ahachova" "hichove tu mwalimu!" 41 Yeesu ahachova, "hwavele na vadaiwa vavili hwa mkossaji yumwinga . Yumwinnga adaiaka dinali mia ta no na vahavili adaiwaka dinali hamusini. 42 Na pevavele sivasendi ya humulipa avasamehile voha.Lino yenani yehacha ahvanokwa necho? 43 Simoni ajibwe nu huchova, "Nazani yeasamehilwe necho. "Yeesu amuchovye, "umehukumu hwa vusahihi." 44 Yeesu amugevushe umudsla nu huchova hwa Simoni, "uhamuvona umudala uyu. Ndiyingye munyumba yaho. Siwandipelyi amagasi hwaajili ya magulu kangu,lakhini uyu,hwa manyochi ka mwene,atomiche amagulu kangu nuhufuta hwa njwili cha mwene. 45 Hukunibusu, lakhini umwene,tangia peayingye umu siahilekhilwe uhubusu amagulku khangu. 46 Siwabahile amagulu khangu amafuta,lakhinin abahile amagulu khangu hwa manukato. 47 Hwa licho ili,ndahuchovela uhutya avele nisaambi njolofina asamehilwe necho,na tena apendilwe necho.Lakhini yeasamehilwe khidogo,ipendwa khidogotu." 48 Baadaye amuchovye umudala, "sambi chaho chisamehilwe" 49 vala vevatamile pamesa pamwinga nave vavangile uhuchovana vavene hwa vene, "uyu ye nani mbaha isamehe isaambi?" 50 Nu Yeesu amuchovye umudala, "lufuvo lwaho luhuokwe.ubitake hwa amani."