1 Basi yahumye umsikha avaanu pevakusanyihe uhumsunguha u Yeesu nuhupulihicha ilineno lya Nguluvi, pe awimile mulubali lwa lichiva Genesareti. 2 Awene imitumbwi kivili kilutye inanga mulubali lwa lichiva. Avavuvi vavele vahumile na vakalafyike inyafu chavo. 3 U Yeesu mulimwinga lyavo mu mitumbwi kila, kyekyavele kya Simoni nuhumunyiliha asindihe hu makhasi hutali hidoko nu hukafu.Nekhe atame nuhufundisa uhuhuma hu mitumbwi. 4 Uhuchova, ahamchovela u Simoni, "Usindikhe umutumbwi kwaho mbaha huhilindi sha lulenga nuhuwisa inyafu chaho ili uhulova isomba." 5 U Simoni ajibwe nuhutikila, Bwana, tufanyile ikhasi ikhilo yokha, na situkhamwe sheshokha, lakhini khwalineno lyaho, ndiwisa inyafu. 6 Pevakhitile ewe vakhusanyiche ikhiasi hikomi sha somba ni nyafu chavo cha demwihe. 7 Nehe vavapalile avashiliki vavo mu mtubwi kungi nekhe vayiche huvatanga. Vayichile vahamemya i mitumbwi khoha, ihiasi sha huvanga uhusama. 8 Lakhini u Simoni Petro, pe awene ewe, adimye mu mafukamilo ka Yeesu ahatila,"Uhume uhwangu, khwa sababu unene ndili munu mna njanangifu mutwa." 9 Khwa sababu ashangasichwe, na voha ye vavele pamwinga nave, khwa vufufi wa samaki vevale vavufanyile. 10 Ili lya vajumulishe u Yokobo nu Yohani vana va Zebedayo,vavele vashiliki va Simoni. Nu Yeesu avachovye Simoni, "usiyohuyokopa,khwasababu uhuvangila isaichi nu hwendelela hacha wifula avaanu." 11 Pevavele vachiletile imashua chavo inchi kafu,valekhile khila khinu humufuata umwene. 12 Yahumye peavele mu khivuta khimwinga,umunu yeavele amemile uvukoma avele uho. Umusikha peamuwene u Yeesu,ayinamise uuso hwamwene mbaha panyi nu humunyiliha,achovile, "Mutwa,ndeyive wisaha,wiwesa uhunitakasa." 13 Nekhe u Yeesu anyosiche ilivoho lya mwene nuhumgusa, huno ichova, "Ndisaha. Takasihe." Ni lisaa lilyo uvukoma wamulekhile. 14 "Amulagichiche asiyo humuchovela muunu yeyoha,lakhini amuchovye, "ubitake,na uhahivonese hwa makuhanina uhumye uvusembe wa vutakaso waho,sawasawa na khila Musa sheahimulu, hwa vushuhuda hwavo." 15 Lakhini ihabali uhukhusu umwene cha enie hutali necho,nu vumati vukomi wa vaanu wayichile pamwinga humupulihicha sheifundisa nuhuponywa amatamu kavo. 16 Lakhini mala khwa malaahitengile falaghani nu huomba. 17 Yahumye sikhu yimwinga kati ya icho sikhu yeavele ifundisa,na vavelpo amafalisayo na vaalimu va shelia vavele vatamile apo vevavele vayichile huhumila hufijiji fyolofi tofauti mu mikoa gya Galilaya na Yudea,na tena huhumila mukhivuta sha Yelusalemu.Ngufu ya mutwa yavele pamwinga nave huponya. 18 Avaanu kazaa vayichile,vamubabile mumukekha umuunu yeapolile,na vatemwe injila ya humwingicha mkhati ili humukhonekha pasi pavulongolo pa Yeesu. 19 Sivapatile injila ya humwingicha mukhati hwa sababu ya vumati,apo vayinwihe hushanya mupaa ya nyuumba nu humuwisa umunu yula pasihulutila mufigae,hushanya mkeha kwa mwene katikati ya vaanu,pavulongolo kabisa pa Yeesu. 20 Uvone alole iimani yavo,u Yeesu achovile, "lafiki,injanangifu chaho usamehilwe." 21 Avaandishi na mafalisayo vavangile uhuhoji ilyo,vatye, "uyu ye nani yeichova makufulu? ye nani ye iwesa uhusamehe injanangifu ila Nguluvi mwene?" 22 Lakhini u Yeesu, atambwe hinu hina shevafikililaka,avajibwe nu huvachovela, "hwa nini mwihivucha ili munumbula chenyo? 23 khilikhwi shihivele lahisi huchova, 'njanangifu chaho chisamehilwe'au huchova 'si ulimama ukendake?' 24 Lakhini mmanyake uhutya umwana va Adamu alinako amamulaka mu duniani ka husamehe injanangifu,ndahuchovela uveve, 'Lamuhe,tekule umukeha kwaho na ubitake hunyumba yakho." 25 Umusikha kukwe alamwikhe mbele chavo na atekwe umukeha kwa mwene kweavele igonela. Nekhe akomokhe hunyumba yamwene huno ahamtukusa u Nguluvi. 26 Khila yumwinga ashangasichwe na vamutukusiche u Nguluvi. Vamemichwe ni hofu,vachoka, "Tukawene amachokekavele sikakawaida." 27 Baada ya macho akha huhumila,Yeesu ahumile uho na amuwene umutoza ushulu yeakemelilwe Lawi atamile mulihala lya hukkusanyila ikodi. Amuchovye ," 28 Ndifwatake." Apo Lawi awinwihe nu humufwata,akhilehile kkhila hinu hunyuma. 29 Nekhe u Lawi aandayile ikalamu ngomi hunyumba ya mwene khwa aajili ya Yeesu.Vavelepo avatoza ushulu volofiukhu na vaanu veva tamile pamesa valyakha pamwinga nave. 30 Lakhini amafalisayo na vaandishi vavo vavele vinung'unikhila hwa vanyasule,vachovaka, "Hwanini mwilya nu hunywa na vatoza ushulu pamwinga na vaanu vangiavanya njananifu?" 31 Yeesu avajibwe, "avanu vevavele ni afya inofi sivisaha uhutibiwa,vala tu vevilwala ndyo vehacha vahamsaha yumwinga. 32 Sindawichile huvakemela avaanu avanya hakivapate uhuhongecha,bali huvakemela avanya njanangifu vapate uhuhongecha." 33 Vamuchovye, "avanyasule va Yohani mala holofi hufunga nu huomba,na vanyasule va mafalisayo navo vifanya ewe. Lakhini vanyasule vakho vilya nu hunywa." 34 Yeesu avachovye, 'yiwesehanamuunu yeyoha ahavafanya vevahuzulye ihalusi ya Mutwa halusi yifungwa umusikha umutwava alusi bado bado alipamwinga navo? 35 Lakhini sikhu hacha chiwicha umusikha mutwa va Alusi pehacha ihechwa uhwavo,apo mu sikhu icho hacha vifunga." 36 Nekhe u Yeesu alongelye tena khwa mfano. "sihweyuli yeidemula ihi pande sha mwena huhuma mulifasi ilipya nu hukhitumila hulekebisa ilivazi lya hatali. Ngita akhite ewe,hacha idemula umwenda umupya,ni hipande sha mwenda huhuma ilivasi ilipya ngali silifaa uhutumihanu mwenda kwa livasi lya hatali. 37 Tena, hamuna muunu yeivimba idivaimpya mu filliba fikuukuu. Ngita afanye ewe,divai mpya halliyipasula ishombo khila,ni divai ngali yimwagiha,ni filiba ngali fihalibiha. 38 Lakhini divai mpya lasima yivimbwemufiliba fipya. 39 Nahakuna muunu baada ya ya hunywa idivai ya hatali,sihachawisaha imupya,khwasababu vitya, 'ya hatali ndyo bola."