Isula ya 12

1 Khwa musikha ukwe,maelfu molofi ka aanu vakusanyihe pamwinga,khiasi sha huvanga uhudadikha,avangile uhuhova na vanyasule vamwene hwanja, "mwihazalake ni chachu ya mafalisayo ambayo yivele ya vunafiki." 2 Na hacha sipivepo ni sili yeyifihime ambayo sihacha yifunuliwa,wala licho ambalyo lifihime sihacha lijulihana. 3 Na lyolyoha lye muchovile mu gisa,hacha lipilisiha mu mwanga. Na kokoha kemuchovile mu mbuluhutu mkati mwa fyumba fyenyo fya mkati fyefifungilwe hacha kitangaswa juu ya paa lya nyuumba. 4 Ndihavachola lafiki vangu,musiyo huvayokopa vala vevibbuda imivili halafu sivana hinu hingi sha hufanya, 5 Lakhini ndihavaonya yehacha muhamuyokopa.Mumuyokopake yula yehacha iva abudile,anamamulakaka hutakwa hujehanamu. Ndyo, ndihavachovela unyenye,mumuyokopake uyo. 6 Je shomolo vahano sivigudzwa hwa salafu chivili? hata ewe hakuna hata yumwinga vavo yehacha isemwa pavulongolo pa Nguluvi. 7 Lakhini mumanyake uhuva,ufwili cha mitwe kwenyo fivalililwe. Msiyohuyokopa. Unyenye mvele va samani ngomi hulikho shomolo volofi. 8 Ndihavachovela,yeyoha yehacha iva amenikili unene paulongolo pa vaanu,Mwana va Adamu hacha ahamkili mbele yavamalaika va Nguluvi. 9 Lakhini yeyoha yehacha ahanikana mbele cha vaanu nayumwene hacha ikanwa mbele ya vamalaika va Nguluvi. 10 Yeyoha ye hacha ilongela llicho libaya juu ya mwana va Adamu,hacha isamehewa,lakhini yeyoha yehacha ahamkufulu Umbepo umwimikhe,sihacha isamehewa. 11 Yahacha vahavasindiha mbele cha vakuu va masinagogi,vatavala,na vanyamamlaka,msiyo huyokopa hushanya na namna ya hulongele juu yahwitetela aua hinu hina shehacha mwichova, 12 Hwahuva Umbepo umwimike hacha ahavafundisa namna shehacha mwichova hwa musikha ukwe." 13 Muunu yumwinga mulikusanyikho amuchovye, "Mwalimu,muchovele umulongo vangu andigavile isehemu ya vulithi wangu." 14 Yeesu amujibwe,yuyani yeandivimbile uhuva mwamusi na mpatanisi kati yenyo.? 15 Apo avachovye,mwihazalake ni khila namna ya tamaha,Hwasababu uvusima wa muunu sivuveli mu wolofi wa finu fyeavele nafyo." 16 Yeesu avachovye mfano,achovile,lihala lya muunu yumwinga tajili lya babile necho, 17 na ivuchiche mkati mwahe,achovile,ndikita vuli hwahuva sindina pa huvimba amazao khangu? 18 Achovile,hachandikhita de. Hacha ndidenya ihisanji shangu ihidebe ndichenga ikhikomi,nu huvimba amazao khangu koha ni finu fingi. 19 Ndihayichovela inasi yangu, "Nafsi,wivimbye akiba ya finu fyolofi hwa miaha myolofi. Pumusikhe,ulye,unywe nuhustarehe." 20 Lakhini u Nguluvi amulongye,uve munu mpumbafu,ikilo ya lelo vihitaji umbepo huhuma uhwaho,ni finu fyoha fyeuandayile fiva fyahina? 21 Ndyo shehacha yiva hwa khila munu ye ihivimbila imali na si hwitajilisa hwa ajili ya Bwana. 22 Yeesu avachovye avanyasule vamwene,hwahiyo ndihavachovela msiyo huhofu juu ya maisha kenyu__ya huva hacha mwilya hina au juu y amivili kwenyu__ya huva mwifwala hina. 23 Hwahuva maisha ni saidi ya shahulya,na umuvili ni saidi ya mafasi. 24 Mlangake ifideke fya huangani,sifilima wala sifivambula. Sifina shumba wala hisanji shahuhifadhila,lakhini Baba venyo ahavallisa. Unyenye si bola saidi hulikho ifideke! 25 Ye yulihwi kati yenyu ambaye uvone isumbule hacha iwesa uhuyongelecha idhiraa mumaisha kamwene? 26 Ikiwa basi simwiwesa uhufanya isho hinu hidogo shehivele laisi hwaninibasi husumbuhila ako kangi?. 27 Mlangake amauwa_shekimela.Sikifanya ikhasi wala sikisokota. Lakhini ndihavachovela,hata usulemani muvutukufu wa mwene woha siafwihilwe ngita mojawapo ya aka, 28 ngita u Nguluvi ifwiha vunofi amasoli ka mukondeni,ambako ilelo pekali,na hilavonkitakwa humwoto. je si zaidi hacha ahavafwiha unyenye? unye yemunya imani haba! 29 Msiyo husumbuha juu ya hutya hacha mwilya hina au hha mwinywa hina,wala msiyo huva ni hofu. 30 Hwahuva mataifa koha ka dunia kisumbuhila amaacho kavo.Nayu Baba venyu iyelewa uhuva muhakasumbuhila ako 31 Lakhini mtemulake uvutwa wa mwene hwanja, na ako akangi hacha mwisidisiwa, 32 msiyohuyokopa,enyi likundi lidebe, hwasababuBaba venyu afulahile uhupata unyenye uvutwa uwe. 33 Mguchake imali chenyo na muhavapele avamasikhini,mwifanyile imifukho kwesikiisiwa__hazina ya humbinguni yesiyikoma,sehemu ambapo avahichi sihachavikalibila wala nondo sihacha yihalibu. 34 Hwahuva pepavele ni akhiba yakho,ndyo ni umbepo yaho pehacha yivepo. 35 Imyenda kyenyo mitali kivechake kifungilwe hwa mikandala,ni tala chenyo chihakikiswe chiyendelela uhuwaha, 36 na muve ngita vaanu vevahamtasamila Bwanavavo huhuma hushelehe ya harusi,neghe uhutya yeiyicha nuhuhodecha,hacha viwesa uhumufungulila umulyango shang'ani. 37 Vabalikiwe vala avatumisi,ambavo bwana hacha ahavavona vavele mikho. Hakika hacha ifunga imyenda kwa mwene mtali hwa mkandala,neghe avatamihe panyi hwa shahulya nuhuvahudumila. 38 Kama bwana hacha iyicha hwa samu ya havili ya vulinzi ya pakilo,au hata zamu ya hadatu ya vulinzi,nuhuvavona vavele tayali,hacha yiva heli hwa avo avatumisi. 39 Saidi ya ako,mmanyake ili,ngita u Bwana umunya nyumba hali amanyake ilisaa ambalyo umuhichi iyicha,halisiahaluhusu inyumba ya mwene yidenywe. 40 Muvake tayali pia hwani simwiyelewa ni musikha kani mwana va Adamu hacha ikomoha 41 Petro achovile, "Bwana,muhatuchovela yuwe veneimifano iki,au uhamuchovela khila munu.? 42 Bwana avachovye, "Yuyani mseng'wa muaminifu au umunya hekina ambaye bwana wake hacha ahamuvimba hushanya hwa vatumisi avangi,ili avakavile ishahulya shavo hwa musikha mwafaka? 43 Akinikhilwe umutumisi yula,ambaye ubwana vamwene yeiyicha hacha ahamuvona ikhita kala kealakichilwe. 44 Hakika ndihavachovela unyenye uhuva hacha ahamuvimba ushanya hwa mali ya mwene yoha. 45 Lakkini umutumisi yula achovile munumbula ya mwene, "bwana vangu ichelewa uhukomoha;apo avangile uhuvaova avaseng'wa vala vahidala na higosi,neghe avange uhulya, uhunywa nuhukhala, 46 bwana vamweneyula mseng'wa hacha iyicha mu sikhu yesiatekemyi ni saa yesiayimanyile,nayumwene hacha ahang'enya fipande nuhumuvimba sehemu yimwinga na vesivavele vaaminifu'' 47 Mseng'wa,yeyelewa amapenzi ka bwana va mwene,nayumwene siiandayile wala siafanyile sawasawa na mapenzi kamwene,hacha itowa fiboho fyolofi. 48 Lakhini mseng'wa yesiiyelewa amapenzi ka bwana vamwene,lakhini ahafanya kekahastahili iazabu,hacha itowa fiboho fichache. Hahuva umwene yeapevilwe fyolofi, fyolofi fidayiwa huhuma hwamwene, nu mwene yeaaminilwe hwa fyolofi,hwa mwene hacha fidayiwa fyolofi necho 49 Ndiyichile huwasa umwoto pa duniani,nditamaniyive vekuwahile, 50 Lakhini ndina luchabikho ambao ndichabihwa ,na ndina husuni mbaha pehacha wikamiliha! 51 Je mwifikilila uhutya ndiyichile huleta iamani pa duniani? Hapana,ndihavachovela,badala yakhe ndiletile mgavanyikho. 52 Tangulino nuhwendelela hacha hwiva na vaanu vahano mu nyumba yimwinga vagavanyikhe,na vadatu viva hinyume na vavili,na vavili hacha viva hinyume na vadatu. 53 Hacha vigavanyiha,baba hacha iva hinyume nu mwana vamwene,nu mwana va mwene hacha iva hinyume nu baba vamwene,mama hacha iva hinyume nu binti vamwene,nu binti hacha iva hinyume nu mama vamwene,mama mkwe hacha iva hinyume nu mukwe vamwene na yumwene umukwe hacha iva hinyume nu mama mukwe va mwene. 54 Yeesu avele ahavachovela makutano pia, "mala pemwilola amawingu kihumila humaghalibi,mwichova nyakati cha ndonya chifihe;na ndyo she yiva, 55 Nu vupepo wa kusini ukivuma,mwichova,hacha pivepo ni joto kali,na ndyo sheyiva. 56 Enyi wa nafiki,mwiwesa uhutafsili umuvonehano kwa nchi ni anga, lakhini yivavulisimwiwesa uhutafsili umusikha kwekuvelepo? 57 Hwanini khila yumwinga venyo asimbambanule lyelivele sahihi hwamwene hulifanya umusikha ambako bado ananafasi ya hukhita ewe? 58 maana uvone mbite numudayi vakho mbele ya hakimu,witangake uhupatana nu mdayi vaho mungali munjila asije ahahusindiha hwa hakimu,na hakimuahusindiha hwa ofisa,nu ofisa ahahutaka huligelesa. 59 Ndihuchovela ,siwihuma uhwe hadi ulipe mbaha isendi ya mwisho.