Isula ya 11

1 Yahumye umusikha u Yeesu avele mumanyilikho mahala fulani,yumwinga va vanyasule va mwene amuchovye, "Bwana,tufundise unefwe uhuomba ngita u Yohani sheavafundisiche avanyasule vamwene." 2 Yeesu avachovye,pemwisali, 'Baba,litawa lyaho litakaswe. Uvutwa waho wiche. 3 Utupele umukate kwetu kwa kila sikhu. 4 Utusamehe amakosa ketu, ngita unefwe shetuhavasamehe voha vevatukosye. Usiyohutulongocha mu majalibu." 5 Yeesu avachovye, "Yuyani uhwenyu hacha iva lafiki,ambaye hacha ahamuhelelela pa kilo,nu humuchovela, lafiki ndiwachimye mikate khidatu. 6 Hwasababu lafiki vangu andiyiche isaichi huhuma husafali, nayune sindashahumuandayila.' 7 Na yula ye avel mukhati amujibwe,usiyo hunitaabisa,Mlyango vekufungilwe,na vaana vangu,pamwinga nunene vetugonile pahitanda.Sindiwesa uhulamuha nuhuhupela uveve imikate. 8 Ndihavachovela,japo siilamuha nuhuhupela imikate ngita lafiki vamwene,hwasababu ya huyendelela humugongela bila ayibu,hacha ilamuha nuhuhupela fipande fyolofi fya mikate hulingana na mahitaji kaho. 9 Nayune ndihavachovela,munyilihake,nayunye hacha mwipewa;mtemulake,nayunye hacha mwipata,mhodechake nayunye hacha mwifunguliwa. 10 Hwahuva khila yumwinga yeinyiliha hacha iyanuhila,na kkhila yumwinga yeitemula hacha ipata,na khila muunu yeihodecha,mlyango hacha kwifungulwa hwamwene. 11 Ye baba yulikwhi miongoni mwenyo,mwana vamwene amunyilikhe isamaki ahampela iliyoha badala yakhe.? 12 Au amunyillikhe ilikang'a ahamupela inge badala yakhe?. 13 Hwahiyo,nde yive unyenye ye mulivaofu mumanyile uhuvapela avaana venyo isawadi nofi,je si zaidi sana baba venyo va humbinguni uhtya ahavapela Umbepo umwimikhe avo vevahamunyilikha?" 14 Baadaye,u Yeesu avele ikemea amajini,na umunu umunya lijini avele bubu. Yavele ilijini lyave lihumile,umunu uyo awesiche uhulongela. Mkusanyikhonkwa shangayile sana. 15 Lakhini avaanu avangi vachovile,uyu ihecha amajini hwa Beelzebul,mkomi va majini 16 Avangi vamjalibwe nu humusaha avavonese iishala huhuma humbinguni. 17 Lakhini Yeesu akatambwe amawaso kavo nuhuvachovela, ''khila vutwa wehacha wigawanyikha yiva uvone uve, na ni nyumba yeyigavanyikhe hacha yidima. 18 Ngita usetano hacha iva agavanyihe,uvutwa wa mwene hacha wiyima vuli? Hwasababu mwichova ndihecha amajini hwa Belzebuli 19 Kama unene ndihecha amajini hwa belzebuli,je avayenyo vihecha amajini hwa njila gani? Khwasababu iyi,avene hacha vahavahukumu unyenye. 20 Lakhini, kama ndihecha amajini hwa hikonje sha Nguluvi,basi uvutwa wa Nguluvi vuwadye. 21 Umuunu umunya ngufu yeavele ni silaha avele ilinda inyumba ya mwene, finu fyamwene hachafitama salama. 22 Lakhini uvone afamiwe nu muunu umunya ngufu necho,Umunu yula hacha ahamunyaka isilaha chamwene, nuhuchitekula imali cha mwene choha. 23 Umwene yesiaveli pamwinga nu nene,nu mwene yesiikusanya pamwinga nu nene itapanya. 24 Pepo mchafu peihuma hwa muunu,vibita nuhutemula mahali pesipaveli na makasi ili apumusikhe. Yaiva akosiche,ichova, 'ndikomoha pendihumile. 25 Yaikomoha nuhuvona inyumba yifyagiliwe na yitamile finofi. 26 Apo ibita nuhutemula amajini saba kekavele mabaya hulikho umwene yumwene nuhuvaleta viche vatame mahali pala. Ni hali ya muunu uyo yiva mbaya hulikho sheyihavele imala ya hwanja. 27 Yahumye uhutya peachovaka amaacho ako,mdala fulani apasiche isauti ya mwene saidi ya voha pa mukusanyiho kwa vaanu nuhuchova "Likhinihilwe lileme lyelyahubabile na manyonyo ke wanyonyile" 28 Lakhini umwene uvone achove,wakinihilwe vala vevipulikha ilicho lya Nguluvi nuhulitunza. 29 Umusikha uvumati wa vaanu vakusanyihe nu huyongeseha, Yeesu avangile uhuchova "ihisasi ihi hissasi sha vuofu. Hutemula iishala, na hakuna ishala yehacha vipewa saidi ya ishala yila ya Yona. 30 Maana kama u Yona avele ishala hwa vaanu va Ninawi,nyo nu mwana va Adamu shehacha iv ishala hwa hisasi ihi. 31 Malayikha va kusini hacha iyima isikhu ya hukumu na vaanu va hisasi ihi nuhuvahukumu avene, hwani umwene ahumile mu kwa nchi neghe ayiche apulihiche ihekima cha solomoni, na apa peyuli yeavele mkuu hulikho u Solomoni. 32 Avaanu va Ninawi hacha viyima muhukumu pamwinga na vaanu va hisasi ihi sikhu ya hukumu hacha vihukumu, hwani avene vitubu hwa mahubili ka Yona,na langake, apa peyuli yeavele mkuu hulikho u Yona. 33 Sihuna muunu yeyoha,yeiwasa itala nuhuvimba sehemu ya panyi iyinya gisa yesiyivoneha au panyi pahikapu,ila viwasa nuhuvimba pashanya pahinu ili khila muunu ye iyingila awese uhukuvona umwanga. 34 Ilikho lyakho yivele tala ya muvili. Ilikho lyakho live linofi basi umuvili kwaho kwote hacha kwiva humwanga. Lakhini ilikho lyaho uvone live libaya basi umuvili kwaho kwote hacha kwiva mu gisa. 35 Hwahiyo, mwihazalake ili umwanga kwekuvele mukati mwenyo gusiweyohusopwa igiza. 36 Ewe basi,ngita muvili kwaho kwote khuvele mumwanga, na hakuna sehemu yeyivele mugisa, basi umuvili kwaho hacha kwiva sawa ni tala yeyiwaha nuhuhecha umwanga uhwenyo." 37 Aveamalile uhulongela, Falisayo amualike ahalye ishahulya hunyumba ya mwene,na yu Yeesu ayingye mkati nu huva pamwiga navo. 38 Na mafarisayo vashayile uhutya hakuna uvahwanja kabla ya shahulya ishapamihe. 39 Lakhini Bwana avachovye, "unyenye mafalisayo mwikalafya hwivala mwa hikombe ni bakhuli,lakhini mkati mwenyo mmemile tamaha nu vuofu. 40 Unyenye vaanu yesimuna fahamu, je umwene yeavumbile hwivala siavumbile na mkati pia? 41 Muvapelake avamasikhini kekavele mgati,na maacho kote hacha kiva safi uhwenyo. 42 Lakhini ole wenyo mafalisayo, hwani mwihecha izaka ya mnanaa nu muchicha na khila ayina ya mboga ya bustani. Lakhini mkalekhile amacho ka haki nuhunokwa u Nguluvi, bila huleha uhukhita na ako khangi tena. 43 Ole wenyo mafalisayo,hwa huva mwinokwa uhutama mufideko fya pavulongolo pamasinagogi nuhulamukhilwa hwa salamu cha heshima husokoni. 44 Ole wenyo,hani mwiwanana na makabuli kesikkana alama ambayo avaanu vikenda juu yamwene bila huelewa.' 45 Mwalimu yumwinga va shelia cha hiyahudi amujibwe nuhumuchovela, "Mwallinu,shewichova,hihatuusi unefwe pia." 46 Yeesu achovile, "Ole wenyo,vaalimu va shelia! hwani muhavapela avanu michiko mikomi gyesiviwesa uhuaba, walakini unyenye simwigusa imichiko ikyo hata hwa hikonje shenyo himwinga. 47 Ole wenyu, whasababu mwichenga nuhuvimba ikumbukumbu mumakabuli ka vavilisi' ambavo vafwele navakuhu venyo. 48 Ewe unyenye mwishudila nuhukubaliana ni khasi chevafanyile avakuhu venyo, hwasababu hakika vavadudile avavilisi ambao mwichenga ikumbu kkumbu mumakabuli kavo. 49 Hwasababu iyo pia,hekima ya Nguluvi yichova, 'ndihavatumila avavilisi na mitume navo hacha vahavatesa nuhuvabuda baazi yavo. 50 Ikhisasi ikhi hacha hiwajibiha hwa danda ya vavilisi vevafwele tangu uhuvanga hwa dunia, 51 huhuma idanda ya Abeli hadi idanda ya Zakaria, yeafwele katikati ya mazabahu na pamwimikhe. Ena,ndihavachovela unyenye, hisasi ihi hacha hiwajibiha. 52 Ole wenyo vaalimu va shelia cha hiyahudi, hwasababu mnyamwe ifungulo cha vufahamu;yunye vene simwiyingila,na vala vevisaha uhuyingila muhavasuvila." 53 Baada ya Yeesu uhuheka pala, avaandishi na vafalisayo vamupingile nuhubishana nu mwene juu ya maacho molofi. 54 Uvone vajalibu uhumunasa hwa maacho kamwene