Isula ya 1

1 Volofi vitangile uhuvimba umupangilio simulisi ukhuhusu amaswala ambako katimisichwe kati yetu, 2 ngita shevatupelye unefwe,ambavo tangia pa mwanzo vavele vashahdi va miho na va tumishi va vujumbe. 3 Basi na yune,baada ya huchungusa hwa waangalifu ishanzo sha mambo aka khote huhumila mwanzo ndiwene vunofi uhwangu uhuhuhwandihila katika mpangilio kwa mwene_mheshimiwa sana Theofilo. 4 Ili kwamba uwese uhuelewa uvukweli wa madzo khewifundiswa. 5 Mu sikhu cha Herode,mutwa va Yudea,pavela nu kuhani fulani amekemelilwe Zekalia, va lukolo lwa Abiya.Mudala vamwene ahumile hwa binti cha Haruni, ni litawa lya mwene akemelilwe Elizabeti. 6 Vondi vavele nihaki mbele ya Nguluvi, vagendile khila lawama mu amuli chondi na maaagiso kha mutwa. 7 Lakhini sivavele nu mwana,khwasababu Elizabethi avele tasa na hwa musikha uku voha vavili vavele vasekhe necho. 8 Lino yahumye uZakalia avele katika uwepo wa Nguluvi,ayendelelaka nu wa hikuhani mu vutalatibu wa samu ya mwene. 9 Uhulingana ni destuli ya huchagula yulikhwi kuhani yehacha ihudumila,avele achakuliwe hwa kula huyingila katika munyumba ya Nguluvi na ndyo ye afukisiche uvufumba. 10 Likundi lyoha lya vaanu lya vele liomba hwivala umusikha kwa hufukiswa hwa vufumba. 11 Lino avamalaika va Nguluvi vamuhumye na ayimile uvupande wa kulia wa masabahu ka hufukihicha. 12 Zakalia atishihe ave amuwene,hofu yamudimye. 13 Lakhini avamalaika vamuchovye, "siyohwogopa Zakalia,hwasababu amaombi khaho kapulihihe. Mudala vaho Elizabethi hacha ahubabila umwana.Litawa lya mwene hacha ikemelwa Yohani. 14 Hacha wiva nu lukinikho nu vuchangamufu,na volofi hacha vihikela uhusaliwa khwa mwene. 15 Khwa huva hacha iva mukomi mbele ya miho kha Nguluvi. Siinywa divai wala khinywaji hikali,na hacha iva ajasichwe umbepo umwimikhe tangia mulileme lya mama va mwene. 16 Navaanu volofi va hu Islaeli hacha vigevuswa hwa mutwa Nguluvi vavo. 17 Hacha ibita mu uso wa mutwa hwaumbepo ni ngufu cha Eliya. Hacha ikite ewe ili hukomosa inumbula ya baba hwa vaana,ili uhutya yesivitii hacha vibita hwa hekima ya vanya haki.Hacha ikita edena ili huvimba tayali hwa mutwa avaanu vevavele vaanaliwe khwaajili ya mwene. 18 Zakalia amuchovye umalaika,"hacha ndiwesa vuli uhumanya ili? hwasababu unene ndili msehe numudala vangu avele ni miaha myolofi sana." 19 Umalaika ajibwe nu humuchola, "unene Gablieli,ye ndiwima pavulongolo pa Nguluvi. Nditumilwe huhuchovela,huhuletela ihabali iyi nofi. 20 Na langake,sihacha wichova,hachawiva kimya,sihachawiwesa uhuchova hadi sikhu yila ya amacho aka pehachakhihumila.Iyi ni hwasababu walemilwe uhuamini amacho khanguambako kehacha kitimiswa khwa musikha mwafaka." 21 Lino avanu vamlindike uzakalia.vashangayile huvona atumye muda mwolofi panyumba ya Nguluvi. 22 Lakhini avechike ahumile whivala,siawesiche huchova navo. Vatambwe hutya avele apatile hulola peavele pa nyumba ya nguluvi.Ayendelye uhulola na asikhe kimya. 23 Yahumye uhutya sikhu cha huduma ya mweneahekile hubita hunyumba ya mwene. 24 Baada ya zakalia hugomokha hunyumba huhuma hukasi ya mwene hunyumba ya Nguruvi,mwayuva vamwene avele mjamzito.Nayumwene ahumile mnumba ya mwene khwa muda wa miechi khihano.achovile, 25 "Ili ndyo ambalyo mfalume afanyile ukhwangu peandilolile khwa vupendeleoili huhecha iaibu mbele cha vaanu." 26 Lino mu mwechi kwa sita kwa mimba ya Elizabethi,Nguluvi muchovye umalaika Gablieli uhubita hukhivuta sha Galilaya kwekkikemelwa Nazareti, 27 hwa bikila ye aposichwe nu mgosi yeakemelwaka Yusufu. Umwene avele mnyalukolo lwa Daudi ni litawa lya bikila uyo lyavele ye Mariamu. 28 Ayichile hwa mwene nu huchova, "Saalamu,uveve yeuyanushe ulukhano lukomi! mutwa apendesilwe naave." 29 Lakhini amacho ka malaika kamuchanganyile na siaeliwe khwa nini umalaika achovile isalaamu iyi ya ajabu khwa mwene. 30 Malaika amuchovye, "Usiyo huyokopa,MAriamu,maana upatile lukhano khuhuma khwa Nguluvi. 31 Na langake,hacha wibaba imimba mulileme lyaho na hacha wibabaa umwana.Na litawa lya mwene hacha wikemela 'Yeesu.' 32 Hacha iva mkuu na hacha ikemelwa mwana va yeavele hushanya necho. Mutwa Nguluvi hacha ahampela ihideko sha enzisha Daudi baba vamwene. 33 Hachaitavala juu ya lukolo lya Yakobo milele nu vutwa wa mwene hacha siwiva nu mwisho. 34 Mariamu avachovye avamalaika,ili hacha likhumila khwa namna gani,maana sina ndiwahi uhugona nu mgosi yeyoha? 35 Malaika ajibwe nu humuchovela, "Umbepo umwimike hacha iwicha juu yakho,ni ngufu cha yeavele hushanya necho chiwicha juu yakho. Khwa hiyo,umwimikhe yehacha isaliwa hacha ikemelwa mswamu va Nguluvi. 36 Na langake,umulongovo u Elizabethi ana ujauzito wa mwana mu umuli wa mwene wa vusehe. Ugu mwechi kwa sita hwa mwene,yeavele akemelwa mugumba. 37 Kwahuva silili lyesiliwesehana khwa Nguluvi." 38 Mariamu achovile, "Langake, unene ndilimutumisi va hidala va Mutwa. Lekhe yive ewe uhwangu sawa sawa ni licho lyaho." nekhe umalalikka amulekhile. 39 Apo mu sikhu icho Mariamu ahekile halaka hubita hu Inyi ya fidunda,mukhivuta sha inyi ya Yudea. 40 Ahele mmunyumba ya Zakalia nu humuhungila u Elizabeti. 41 Lino, yahumye hutya Elizaabeti peapulikhe salamu ya Mariamu,mwana mulileme lya mwene alukhile,na u Elizabeti amemichwe Umbepo umwimikhe. 42 Apasiche isauti ya mwene nu huchova hwa sauti kuu, "ubalikiwe uveve nechomiongoni mwa vadala,nu mwana yeavele mulileme lyakho abalikiwe. 43 Nayivele vuli uhwangu uhutya,mama va mutwa vangu yitahiwike iche uhwangu? 44 khwa huva langake,peyapulikhihe mumbuluhutu changu sauti ya huhungila uhwaho,mwana mulileme lyangu alukhile hwa hwikela. 45 Na abalikiwe mudalayula ye aaminile uhutya haliwihumila uvukamilifu kala keachovelilwe huhuma hwa mutwa." 46 Maliamu achovile,inafsi yangu yihamsifu umutwa, 47 ni numbula yangu yifurahile khwa Nguluvi umupaasi vangu. 48 Hwa maana alolile iihali ya panyi ya mutumishi va mwene va hidala. Langake,tangia lino vizazi vyote hacha vahandikemela mbalikiwa. 49 Hwa maana umwene ye awesiche afanyile mambo makomi uhwangu,ni litawa lya mwene litakatifu. 50 Lupana lwa mwene lwidumu uhuhuma khizazi hadi hizazi khwa vala vevahamuheshimu umwene. 51 Avonesiche ingufu hwa livokho lya mwene; avatanyiche vala vevahifunile juu ya mawaso ka numbula chavo. 52 Avawisiche pasi avana vava falme huhuma mu fideko fya vene fya enzi nu huvawinula hushanya vevavele ni hali ya pasi. 53 Avasibisiche avanya njala hwa finu finofi,bali avatajili avadakile mavokho khangay hinu. 54 Ahechiche umusaada hwa Islaeli mseng'wa vamwene,ili hukumbusa huvonesa lupyana 55 (ngita sheachovile hwa baba vetu) hwa Abrahamu nu vubabo wa mwene milele." 56 Mariamu atamile nu Elizabeti myechi yidatu de ndo akomwihe hunyumba ya mwene. 57 Lino umsikha kwa fihe hwa Elizabeti uhwifungula umwana vamwene na ifungwe umwana mdimi. 58 Avajilani vamwene na valongo va mwene vapulihe jinsi u mutwa sheakusache ulupyana hwa mwene,na vafulaile pamwinga nu mwene. 59 Linoyahumye sikhu ya nane kwamba vawichile humtahili umwana. Haliyihavapasa huvakemela litawa lya mwene, "Zekaria," kwa kuzingatia jina la baba yake, 60 Lakhini mama vamwene ajibwe nu huchova, "Hapana;hachaikemelwa Yohani." 61 Vamuchovye,sihweyuli hata yumwinga katika vanyalukolo vamwene yeikemelwa ilitawa ili." 62 Vamufanye ishala baba vamwene huashilia umwene asahaka ilitawa akemelwe nani. 63 Baba vamwene asahaka ikhibavo sha hwandihila , na ayandikhe, "ilitawa lya mwene ni Yohani." Voha vashangasilwe na ili. 64 Ghafla umulomo kwa mwene khwa fungwihe na luimi lwa mwene lwa vele hulu. Alongelye nu humusifu Nguluvi. 65 Hofu yavayiche vote vavaishiche kalibu navo. Macho aka khaenie mu Inyi yoha ya fidunda fya Yudea. 66 Na voha vevapulikhe vakatunziche munumbula chavo,vachovaka, "Mwana uyu huva va namna gani?" hwa sababu livoho lya mutwa lya vele pamwinga nave. 67 U baba va mwene uzakaria amemichwe umbepo umwimihe ahechiche uvuvilisi, atike, 68 "Asifiwe u Bwana, Nguluvi va hu Islaeli, khwasababu atangile na ashukhulihe nu vupaasi hwa vanu voha. 69 Atuwinulye mu pembe cha vupaasi munyuumba ya mtumisi va mwene u Daudi, 70 nde she achovile khwa mulomo kwa Vavilisi va mwene ye vavele usikha kwa hatari. 71 Ahatukalanga uhuhuma hwa va aduwi vetu nu huhuma mumavoho kavoha ye vahatunyamula. 72 Hacha ikita ewe uhuvonesa ilehema chetu, nuhukumbuha iliagano lya mwene umwimihe, 73 ihiapo she achovile hwa Abrahamu u Baba vetu. 74 A apile uhusibitisa uhutya yihali yiwesehana uhumutumihila umwene bila huwokopa, baada ya huokolewa uhuhuma mumavoho ka va adui veetu. 75 Muvutakatifu ni haki mbele cha mwene shu choha. 76 Ee, na yuve mwana, hacha wikhemelwa mvilisi va ye alihushanya necho, hwahuva hacha wihelela huvulongolo mumiho ka Bwana ili uhumuandayila ing'asi, uhuvaandaa avaanu khwa ajili ya khiyicho sha mwene, 77 uhuvaelewesa avaanu va mwene uhutya, hacha viokolewa hwa ng'asi ya husamehewa i sambi chavo. 78 Ili hacha lihumila khwasababu ya huluma cha Nguluvi veetu, isababu ambayo ili dzuva ilihumila hushanya hacha liyicha, 79 uhuangasa khwa yevitama muhisi nu muvutulivu wa mawuti.Hacha ikita ewe uhuongosa amakulu ketu mu ng'asi cha amani. 80 Lino, umwana yula akulile nuhuva anangufu mu loho na atamile munyiha mbaha isihu ya uhuhumanicha hwa mwene hu Islaeli.