1 Baada ya mambo aka uYeesu aahele imbali cha Khunyanja ya khu Galilaya, pia yayikhemelwa Nyanja ya Tibelia. 2 Mkhutano mkhomi kwaveele kukhamufwata khwasababu vawene iishala cheafanyile khwa yevavele vatamu. 3 uYeesu aadamile hadi ulubali lwa pashanya lwa khidunda akhatama ukhwe na vanasule va mwene. 4 (Ni Pasaaka, sikhukhuu ya Vayahudi yavele yikalibye). 5 Yeesu peayinwe amiho ka mwene Khushanya nukhuvona uvumati mukhomi wiyicha khwa mwene, akhamuchovele uFilipo, ''Yaatwibita khwini khukula imikhate nekhe ava vawese ukhulya''? 6 (Lakhini uYeesu akachovile aka khwa Filipo khwa khumujalibu khwa khuva umwene amanyile sheachaifanya) 7 Filipo akhamujibula, ''Hata imikhate ya samani ya[dinali] mia chivili singalikitosa hata khila monga ukhupata ikhipande khidusu.'' 8 Andulea, monga va vanasule va mwene mlongove simoni Petulo akhamuchovela 9 Yeesu, ''khuna mdimi apa anamikhate kihano ni somba chivili, lakhini iyi yifaya khini khwa vanu volofi namana iyi''? 10 Yeesu akhamuchovele, '' muvatamikhe avanu pasi'' (khwavele na masoli molofi isehemu yila). Ewe avakosi vavele ielufu chihano vakhatama pasi. 11 Kisha uYeesu akahatekula imikhate kihano kila akhasengucha akhavakavila vala yevavele vatamile. Deni deni akhavakavila ni somba ngita shevalondaka. 12 Vanu pevashibile, akhavachovela avanasule va mwene, ''Mufikhusanye ifipande fya mabaki, fyefisike nekhe kwamba khitane ukhuyaka shoshoha.'' 13 Basi vakhakhusanya nu khumemya ifikhapu kumi ni fivili, fipande fya mikhate kihano kya shayili fipande fyefyasalasichwe na vala yevalye. 14 kisha avanu pevawene iishala iyi yeayifanyile vakhatikila, Salwesi uyu ndyo yula umuvilisi yeiyicha mu inyi.'' 15 Yeesu peaeliwe khuva vavele vilonda ukhumukhamula nekhe vamufanye mutwa vavo,iitengile, khangi na akhahelela khukhidunda umwene mwene . 16 Peyavele mihe, avanasule va mwene vayikhile ukhubita khunyanja. 17 Vakhadama mu mutumbwi na vaavele vihakama ukhuelekela khu Kapelinaumu. (Ng'isi yavele yingye nu Yeesu avele asina aayicha khwavo). 18 Musikha ukwe imepo ng'ali yavele yipula, ni nyanja yaavele yiyendelela ukhuchafukh. 19 Khangi avanasule va mwene pevavele vatovile amangumba kama ishirini na kahano ama selesini, vakhamuvona uYeesu ikenda pashanya pa nyanja ukhukukalibila umutumbwi, na vakhayokopa. 20 Lakhini akhavachovela, "Ndivele yune! Mutane ukhuyaka." 21 Khangi vaavele tayali ukhumupinda mu mutumbwi , umutumbwi kukhafikha khu inyi mahala pevavele vihelela. 22 Sikhu yeyafwatile, mukhutano kwavele kuyimile ulubali lwa nyanja vawene khuva sikhwekuli umutumbwi ukungi isipokhuva kula ambako uYeesu na vanasule va mwene vaavele sivahovili lakhini vanasule va mwene vaavele vahele va vene. 23 (Yingava khwavele ni baasi ya mitumbwi kyekihumile khu Tibelia kalibu ni sehemu pevalyele imikhate baada ya Mutwa ukhusengucha). 24 Umusikha amakhutano pevaeliwe khuva siyo Yeesu wala avanasule va mwene vaavele ukhwe vavo avene vahovile mukati mu mutumbwi vakhahelela khu Kapelinaumu vakhamufwata uYeesu. 25 Baada ya khumpata ulubali ulungi lwa nyanja vakhamuvucha, Labi ukhayichile ndali khuno?" 26 Yeesu akhajibula, akhavachovela, Fuweke, fuwake, mukhandilonda unene, na siyo khwa sababu mwachiwene iishala, bali khwasababu mwalyele imikhate nukhushiba. 27 Mulekhake ukhukhifanyila ikhasi ishakhulya shekhidumu mbakha milele khila ambasho umwana va Adamu achaakhavapela, khwa khuva ubaba uNguluvi avikhile imihuli pashanya pakhe." 28 kisha vakhamuchovele, "khini twitakhiwa ukhufanya nekhe ukhufanya ikhasi cha Nguluvi?" 29 uYeesu akhajibula, "Iyi ndyo khasi ya Nguluvi: kwamba mumufuwake umwene yeavakhemelye." 30 Basi vakhamuchovela, chivele ishala chilikhu cheachawifanya, kwamba twiwesa ukhuchivona nu khukhufuwa ? Yawifanya khini? 31 vaBaba vetu valyele imana khunyikha, kama sheyayandikhilwe, "aavapelye imikhate ukhuhuma Khushanya nekhe valyele." 32 Kisha uYeesu akhavajibula, "Fuwake, Fuwake, siyo uMusa yeavapelye imikhate khuhuma Khushanya bali uBaba vangu ndyo yeakhavapela umukhate kwa salwesi khuhuma khushanya. 33 khwa khuva umukhate kwa Nguluvi kuve kukula kwekwiyikha khuhuma khushanya nu khuyipela uvuumi iinyi. 34 Basi tupele umukhate ukwe musikha kwoha." 35 Yeesu akhamuchovela, "Unene ndyo mkhate kwa vuumi, umwene yeiyicha khwangu siachaipata injala nu mwene yeakhandifuwa siachaihisi kiu khangi." 36 Ingawa ndamuchovye khutya mundiwene, na bado siwifuwa. 37 Voha ambavo uBaba yeakhandipela yaviyicha khwangu, na yeyoha yeiyicha khwangu siachandikhamutaka khwivala kahabisa. 38 Khwa khuva ndiyikhile khuhuma khushanya, sio khwaajili ya kuufanya amakhelwa kangu,bali makhelwa ka mwene yeeanditumile. 39 Na aka ndyo makhelwa ka mwene yeeanditumile kwamba nditane ukhumuyacha hata yumonga va vala yeandipelye, bali yaandikhavachusa isikhu ya mwisho. 40 Khwa khuva aka ndyo makhelwa ka Baba vangu, kwamba yeyoha yeakhamulola uMwana nukhumufuwa apate uvuumi wa milele; nane yaandikhavachusa isikhu ya mwisho. 41 Kisha avayahudi vakhanung'unikhila ukhuhusu umwene khwasababu aatike, Unene ndivele mukhate kwekwikhile khuhuma khushanya." 42 Vakhatikila,"Uyu siyo Yeesu mwana va Yusufu ambaye ubaba va mwene nu mama va mwene tukhamumanya? Yivele vuli lino akhatikila, Ndiyikhile ukhuhuma Khushanya?" 43 Yesu akhajibula, akhavachovela, " Mutane ukhunung'unikhilana mumiongoni mwenyo vavene. 44 Sikhweyuli umunu yeiyicha khwangu pesiakhwekilwi nu Baba vangu yeanditumile, nane yandikhamchusa isikhu ya mwisho. 45 khwa khuva yiyandikhilwe mu vavilisi, Yavivulichwa nu Nguluvi.' khila yeapulikhe na ifunjiche khuhuma kwa Baba, aiyicha khwangu. 46 Siyo kwamba khuna munu yeamuwene uBaba, isipokhuva umwene yeihuma khwa Nguluvi-amuwene Baba. 47 Fuwake, fuwake umwene yeifuwa alinawe uvuumi wa milele. 48 Unene ndivele mkhate kwa vuumi. 49 Avababa venyo valyele imana khunyikha, na vakhafwa. 50 Uku ndyo mukhate kwekwiyikha khuhuma khushanya, nekhe kwamba umunu alye isehemu ya mwene nekhe atane ukhufwa. 51 Unene ndivele mukhate kwekwiishi ambako kuyikhile khuhuma khushanya. kama munu yeyoha angalya isehemu ya mukhate uku, yaiishi milele. Mukhate kweacha ndihecha kuvele muvili kwangu khwaajili ya vuumi wa inyi." 52 Vayahudi vakhadada vavene khwa vene nu khuvanga ukhubishana vakhatikila, "Munu uyu iwesa vuli ukhutaka umuvili kwa mwene tukulye?" 53 Kisha Yeesu akhavachovela, " Fuwake, fuwake, pesimukulyeli umuvili kwa Mwana va Adamu nu khuyinywa idanda ya mwene, siacha mwiva nu vuumi mukati yenyo. 54 Yeyoha yeakhakulya umuvili kwangu nu khuyinywa idanda yangu alinawe uvuumi wa milele, nane ya ndikhamuchusa isikhu ya mwisho. 55 Khwa khuva umuvili kwangu khivele shakhulya sha salwesi, ni danda yangu khivele khinywaji sha salwesi. 56 Umwene yeakhakulya umuvili kwangu itama mukati yangu, nane mukati ya mwene. 57 Ngita uBaba munya vuumi sheanditumile, na kama shendiishi khwa sababu ya Baba, nu mwene pia achaiishi khwasababu yangu. 58 Uku ndyomukhate kwekwiyikha khuhuma khushanya, siyo kama avababa shevalye vakhafwa. Umwene yeakhakulya umukhate uku yaiishi milele. 59 Yeesu akachovile amambo aka mukati mu sinagogi peavele ivulicha khu Kalupenaumu ukhwe. 60 Ndipo volofi va vanasule va mwene pevapulikhe aka, vakhatikila, " Ili livulicho likumu yeyani yeiwesa ukhuliyanukhila?" 61 Yeesu khwasababu amanyile ukhuva vanasule va mwene vavele vinung'unikhila ilijambo ili akhavachovela je ili likhavakuvacha? 62 Basi achayivavuli yamukhamuvona umwana va Adamu iyikha khuhuma kweavele kabula? 63 Yive Umubepo ndyo yeihumya uvuumi. Muvili sikwifaidi khinu shoshoha. Macho kendakachovile khwenyo yive numbula na vuvele vuumi. 64 Bado khuna vanu kati yenyo yesivifuwa." khwasababu uYeesu amanyile tangiya mwanjo yula ambaye yesiiwesa ukhufuwa nu mwene ambaye ngaliakhamusaliti. 65 Akhamuchovela, yivele khwasababu iyi ndavachovye kwamba sikhweyuli munu yeiwesa ukhwicha khwangu isipokhuva apevilwe nu Baba." 66 Baada ya aka vanasule va mwene volofi vakomwikhe khumbele na sivaambatine nave khangi. 67 Yeesu akhavachovela vala kumi na vavili, "Je nu nyenye mwilonda ukhuheka?" 68 Simoni Petulo akhamujibu, "Mutwa tubite khwa yaani khwani uveve ulinako amacho ka vuumi wa milele, 69 na tufuvilwe nu khumanya khuva uveve uve muvalache va Nguluvi." 70 Yeesu akhavachovela, "Je unene sindavachakwe unyenye, na monga venyo nu ibilisi? 71 Lino aveele ilongela khuhusu uYuda, mwana va Simoni Isikaliyote, khwa khuva aveele yu mwene monga va vala kumi vavili ambaye ndyo ngaliakhamusaliti uYeesu.