1 Baada ya sikhu chidatu khwavele ni halusi khu kana ya khu Galilaya nu mama va Yeesu aavele ukhwe. 2 Yeesu na vanasule vamwene vaavele khu halusi. 3 Musikha peevaishiwe divai, mama va Yeesu akhamchovela,'' Sivana divai.' 4 Yeesu akhajibula, ''Mdala iyo yikhandihusu khina unene? Musikha kwangu bado sinakutimila'' 5 Mama yakhe akhamuchovela vatumishi, ''shoshonde sheacha akhavachovela mukhitake'' 6 Basi khwaavele ni imitungi sita kya makanga pala yeeyavikhilwe khwaajili ya khukhalava mu sikukuu cha vayahudi, khila limonga lyaveele nuvujaso wa [nzio] njivili chidatu. 7 Yeesu akhamchovela ''Mukijasake imitungi kya makanga'' Vakhajasa hadi pashanya. 8 Khisha akhamuuchovela avatumishi vala, ''Mtekule khiasi musindikhe khwa muhudumu umukhomi va mesa'' Vakhakhita ngita shevalakichichwe. 9 Muhudumu umukhomi aakavonjiche amakasi kekavele kabadilikhe nukhuva divai, ila siaeliwe khwekahumile (lakhini avatumishi yevanekile ululenga vaeliwe khwekahumile). Khisha akhamukhemela umutwa va halusi 10 akhamuchovela, ''Khila yumonga ivanga khuvahudumula avanu [idivai] nofi na yavakalile akhavapela idivai yesiyiveli nofi. Lakhini uveve uyitunjiche idivai inofi hadi lino'' 11 Umuujisa uku kwa Kana ya khu Galilaya, kwavele ndyo mwanjo kwa ishala cha miujisa kyeayifanyile uYeesu, akhafunula uvuvalache wa mwene, ewe avanasule va mwene vakhamufuwa 12 Baada ya ili, uYeesu, mama yakhe, avalongove na vanasule vamwene vahele mu muji kwa Kalupenaumu na vitama ukhwe khwa sikhu ndebe. 13 Basi ipasaka ya Vayavudi yavele yikalibye, ewe uYeesu akhabita khu Yelusalemu 14 Akhavakholela avakuchaji va senga, ng'oolo, ni njiva mukati mu Hekalu. Pia na yevibadilisa isendi vaavele atamile mukati ya liHekalu. 15 Yeesu akhatengenesa umujeledi kwe kunya fifundo, akhavahumya voondi yeevavelemwe mu [hekalu] yikhajumulisa isenga ni ng'oolo. Akhaduda isendi chondi cha yevibadilisa isendi nukhupindusa imesa chavo. 16 khwa yevikucha i njiva akhavachovela,''Muheche ifinu ifi hutali na mahali apa, mulekhe ukhukhita nyumba ya Baba vangu khuva mahala pa sokho. 17 Vanasule va mwene vakhakhumbukha khuva yaavele yiyandikhilwe, ''wiifu wa nyuumba yakho vukhandilya .'' 18 Avakhomi va vayavudi vakhajibula, vakhamuchovela, Yive ishala yeacha ukhayivonesa khwasabu ukhakakhita amambo aka?'' 19 Yeesu akhavajibula, mulibomole ili Hekalu ili unene nane achandikhalichenga baadd ya sikhu chidatu.'' 20 Khisha avakomi va Vayahudi vakhatikila, yagalimwe myakha alobaini na sita ukhuchenga ili Hekalu ili nave witikila achawichenga khwa sikhu chidatu?'' 21 ingawa umwene alongelile ilihekalu akhavaimaanisa umuvili kwa mwene 22 Ewe baadaye baada ya khufufukha khwa mwene ukhuhuma khwa vafwe, vanasule vamwene vakhakhumbukha khuva achovile ewe, vakhafuwa amayandikho ni khavuli iyi ambayo u Yeesu aveele amalile ukhuchova. 23 Basi peavele khu Yelusalemu musikha kwa Pasaka , musikha kwa sikukuu avanu volofu vaafuvilwe ilitawa lyakhe, pevawene iishala chha miujisa kyeaikikhitile. 24 Lakhini uYeesu siaveli nu lufuvo navo khwasabu avamanyile avanadamu vondi 25 Siwalondaka umunu yeyondi ukhumuchovela ukhuhusu shevavele avanadamu khwasabu aamanyile sheshavele mukati mwavo.