1 Pamwanjo khwavelekhwe ni licho, Licho avele pamwinga nu Nguluvi, ni Licho aveele Nguluivi. 2 Uyu, Ulicho, pamwanjo aveele pamwinga nu Nguluvi. 3 Finu fyondi fyafanyikhe ukhulutila umwwene, na peasiivelepwi umwene sikhwekhili hata khinu lkhimonga sheshaveele khifanyikhe. 4 Mukati mwakhe khwaavele vuumi, nu vuumi uwe waveele mwanga kwa vanadamu vondi 5 Umwanga kwing'ala mung'isi, wala ing'isi siyalichimichi. 6 Pavele nu munu yeaatumilwe khuhuma khwa Nguluvi, ambaye ilitawa aveele yu Yohana. 7 Awiichile ngita shahidi khushudila ukhuhusu umwanga kula, nekhe vondi vawese ukhufuwa ukhulutila umwene. 8 Yohana siaveli umwanga kula, bali ayichile nekhe ashuhudiile khuhusu umwanga kula, 9 Iyo kwavele mwanga kwa salwesi ambako kwiyicha mu dunia nakwene kukhamumulikha khila yumonga. 10 Avele mu mu dunia, ni dunia yavumbilwe khulutila umwene, ni dunia siyamumanyili. 11 Aawichile khwa finu fyamwene, na vanu vamwene sivamuyanushi. 12 Bali khwa vala avolofu yevamuyanushe, ambavo vaafuvilwe ilitawa lyakhe, khwa avo avapelye ihaki ya khuva vana va Nguluvi 13 Ambavo vasaliwe, siiyo khwa danda wala khw makhelwa ka mvili, wala khwa makhelwa ka munu, bali khwa Nguluvi umwene. 14 Numwene Ulicho afaanyikhe muvili na akhaishi mumiongoni mweetu tuvuwene uvuvalache wakhe, uvuvalache ngita wa munu mwene wa khipekee yeawichile ukhuhuma khwa baba, amemile ulukano ni salwesi. 15 Yohana aashudye khuhusu umwene,na aayinwise isavuti aakhatikila, Uyu ndyo ambaye ndachovile ihabali chakhe ndikhatikila, Yula yeiyicha baada yangu avele mkhomi khulikho unene, khwasababu avelekhwe kabula yangu 16 Khwakhuva ukhuhuma mu vutimilifu wamwene uwewe twevondi tuwanushe bule ikhipawa baada ya khipawa 17 Khwa khuva isheliya yaletilwe ukhulutila ilivokho lya Musa. Ulukano ni salwesi fyayichile ukhulutila uYeesu khilisiti. 18 Sikhweyuli mwanadamu yeamuwene uNguluvi musikha kwokwondi. Munu mweene ambaye yu Nguluvi, yeavele mukhifuva sha Baba, amfanyile umwene ajulikhane. 19 Na uvu ndyo vushuhuda wa Yohana musikha avakuhani na valawi yevatumillwe khwakhe na Vayahudi ukhumuvucha,''Uveve yuve yaani?'' 20 Ngaya khuitasita na siabelile, bali aahikile, ''Unene siyo khilisiti 21 Ewe vakhamuvucha, khwa hiyo uveve yuuve yaani lino? uveve yuve Eliya ? Akhatikila ''unene siyo'' vakhatikila, uveve uvele muvilisi? Akhahika,'' kaave'' 22 khisha vakhamchovela, uveve yuve yaani,nekhe tuvapele ilijibu yevatutumile''?wikhishuhudila vuli uveve vemwene ? 23 Akhatikila, unene ndivele savuti yakhe yeavele munyikha: Munyosake injila ya Mutwa ; ngita sheachovile umuvilisi uIsaya, 24 Basi khwaveele na vanu vatumilwe pala ukhuhuma khwa Masafalisayo. Vakhamuvucha nuukhuchova, 25 Shekhina wibatisa basi kama siuveli Khilisitu wala Eliya wala muvilisi? 26 Yohana avaajibwe akhatikila, Ndichabikha khwa lulenga. Hata ewe, mumiongoni mwenyo iyima umunu yesimumumanyili. 27 Uyu ndyo yeiyicha baada yangu. Unene sinditakhiwa ukhulekesa ikamba cha filato fyamwene'' 28 Mambo aka katendikhe khu Bethania, mwambo ya Yoldani, mahala ambapo Yohana khweavele ichabikha. 29 Sikhu yeyafwatile uYohana amuweene uYeesu iwicha khwa mwene akhatikila, '' Ulolake mwanang'olo va Nguluvi yeitekula isambi ya vulimwengu ! 30 uyu ndyo yendichovile imola cha mwene ndikhatikila, '' Umwene yeiyicha pambele pangu avele mkhomi khulikho unene khwa khuva avelekhwe kabula yangu.' 31 Sindamumanyili umwene lakhini yafanyikhe ewe nekhe afunuliwe mu isilaeli, khwamba ndawiichile ndichabikha khwa lulenga' 32 Yohana aashuhudye, '' Ndaweene Umbepo awikha ukhuhuma khushanya mfwano kwa njiva, na yasike pashanya pa mwene. 33 Unene sindamumanyili lakhini umwene yeanditumile nekhe ndibatise khwa lulenga aandichovye, yula ambaye achawivona Umbepo iwikha nu khutama pashanya pamwene, Uyo ndyo yeibatisa khwa Umbepo Umwimikhe.' 34 Ndiwene na ndishuhudye khwamba uyu ndyo Mwana va Nguluvi. 35 Khangi isikhu yeyefwatile uYohana aveele ayimile pamwinga na vanashule vamwene vavili, 36 Vamuwene uYeesu ikend nu Yohana akhatikila, ''Ulolake,Mwanang'olo va Nguluvi!'' 37 Vanashule vavili vamupulikhe uYohana akhatikila haya vakhamfwata uYeeesu. 38 Khangi Yeesu aakewikhe nukhuvavona avanashule vala vakhamufwata, nukhumchovela, ''Mwilonda khina? ''vakhajibula, ''Labi (mana yakhe 'mwalimu'wiishi khwina?'' 39 Akhavachola, Mwiiche mulole. khisha vakhahelela nu khuvona mahala peaveele iishi; vataamile pamwinga nu mwene sikhu iyo khwa khuva yaveele ngita saa kumi de. 40 Yumonga va vala avavili yevampulikhe uYohana ilongela na khisha akhamfwata uYeesu aveele uAndulea, mlongove va Simoni Petulo. 41 Akhamvona mlongove va Simoni nu khumchovela, ''Tumupatile umasihi'' ambyo yitafusiliwa Khilisitu 42 Akhamuleta khwa uYeesu. Yeesu akhamlola nukhuchova, ''uveve nu Simoni mwana va Yohana''Achawikhemelwa Kefa;(mana yakhe 'Petulo'. 43 Sikhu yeyafwatile musikha Yeesu pealndaka ukhuheka ukhubita khu Galilaya, aampatile uFilipo nukhumchovela,''Undifwatake unene.'' 44 Filipo avele mwenyeji va khu Betisaida, muji kwa Andulea nu Petulo. 45 Filipo ampatile uNasanaeli nukhumchovela,Tumupatile yula ambaye uMusa ayandikhe mola cha mwene mu shelia na muvilisi. Yeesu umwana va Yuusufu, ukhuhuma khu Nasaleti. 46 Nasanaeli akhamchovela, ''je khinu khinofu khiwesa ukhuhumila khu Nasaleti? ''Filipo akhamchovela, Wiche ulole. 47 Yeesu akhamuvona uNasanaeli iwicha khwa mwene nu khuchova, ''ulole, Mwisilaeli salwesi yesiaveli [udanganyifu ] mukati mwakhe !'' 48 Nasanaeli akhamchovela ''Undimanyile vuli unene?'' uYeesu akhajibula na akhumchovela, '' kabula Filipo siakhukhemelyi pevawevele pasi pa lakhini, ndaakhuwene. 49 Nasanaeli akhajibula, ''Labi uveve uvele Mwana va Nguluvi! uveve uvele Mutwa va Isilaeli '' 50 Yeesu akhajibula akhamchovela, khwasabu ndaakhuchove ndaakhuwene pasi pa [mutini]' je wifuwaa? achawivona amatendo amakhomi khulikho aka,'' 51 Yeesu akhatikila, '' Fuwake fuwake ndikhakhuchovela achamkhakhuvona khushanya khwifungukha, nukhuvavona avamalayikha vidama nukhuyikha pashanya pa Mwana va Adamu.