¹ Nyevana [watiini] avasasi venyo mwa Mutwa khwa mana iyi yivele haki. ² ''Umuheshimwake uhaba vakho nu mama vakho'' ( Maana iyi ndyo amuli ya khwanja iyinya ahadi), ³ ''nekhe yive heli kwenyo na muwese ukhuishi amaisha amatali juu ya inyi.'' ⁴ Na yunye va baba mutane ukhuvakuvacha avana nukhuvasababisikhicha ilikooka, muvalelake mu mavuungo na malakicho ka Mutwa. ⁵ Unye vatumwa, muvechake nikhipulikho khwa vatwa venyo va pa inyi apa khwa heshima ngomi nukhutetemekha khwa hofu yeyihuma mu numbula cheenyo. muvechake nikhipulikho khwavo kama shemuvele nikhipulikho khwa Khilisiti. ⁶ Ikhipulikho shenyo khitane ukhuva tu pala avatwa venyo pevalolile nekhe khuvakhelech. Badala yakhe mvechake nikhipulikho kama vatumwa vakhilisiti. Mufanyake amakhelwa ka Nguluvi ukhuhuma mu numbula chenyo, ⁷ muvatumikhilake khwa numbula chenyo choha, khwa khuva mkhamutumikhila umutwa na wala siyo vanadamu, ⁸ mwitakhiwa ukhumanya kwamba khwa khila khitendo ikhinofi umunu sheifanya, iyanukha isawadi ukhuhuma khwa mutwa, ave aveele mutumwa au munu hulu. ⁹ Na yunye vatwa mufanyake ewe khwa vatumwa venyo. Mutane ukhuvatisila mumanyake kwamba umwene yeavele Mutwa va voha ye yula yeavele Khushanya Mumanyile khuva sikhwevuli uvupendelelo mukati mwa mwene. ¹⁰ Hatima yakhe, muvechake nu ludali mwa Mutwa nu mu vuweso wa ludali lwa mwene. ¹¹ Mufwalake silaha choha cha Nguluvi, nekhe kwamba mupate ukhuyima khinyume ni hila cha setano. ¹² Khwa khuva ifita yetu si ya danda ni nyama, bali sidi ya vutwa ni mamulaka ka numbula na vatavala va inyi va vuvivi ni ng'isi, sidi ya mapepo mu sehemu cha inyi. ¹³ khwahiyo, mufwalake isilaha choha cha Nguluvi, nekhe mupate ukhuyima imala sidi ya vuvivi mu khipindi ikhi khivivi. Baada ya khumala khila khinu, achamwiyima imala. ¹⁴ Hatima yakhe mwimake imala. Mufanyake edeti baada ya khuva mufungilwe mkhanda mu salwesi ni haki mukhifuva. ¹⁵ Mufanyake edeti mhana mufwalile uvutayali mumagulu kenyo wa khutangasa ienjili ya amani. ¹⁶ Mu khila hali mtolake ingavo cha lufuvo, ambayo akhakiwesa ukhuchimya imishale khya yula umuvivi. ¹⁷ Mufwalake ikhofia ya vukhombochi ni panga ya Umubepo, ambayo ni licho lya Nguluvi. ¹⁸ Pamonga na manyilikho ni dua. Munyilikhake khwa Mubepo khila musikha. khwa mutazamo uku muvechake vaangalifu khila musikha khwa vufumilifu woha na manyilikho khwaajili ya vafuuwa voha. ¹⁹ Munyilikhake khwaajili yangu, nekhe ndipewe uvujumbe yandibakalula umulomo kwangu. Munyilikhake kwamba nielewese khwa vujasili salwesi yeyifiyikhe yeyihusu ienjili. ²⁰ Yivele khwaajili ya einjili unene ndive balosi yendifungilwe iminyololo, nekhe kwamba mukati mwakho ndichove khwa vujasili kama shendiwiwa ukhuchova. ²¹ Lakhini unyenye pia mumanyake amambo kangu na jinsi shendiyendelela, Tikiko mlongo vangu mkhelwa nu mufanyakhasi mwaminifu mwa Mutwa, achaakhavajulisa khila khinu. ²² Ndimutumile khwenyo khwa khusudi ili maalumu, nekhe kwamba mumanye mambo khuhusu uwewe, awese khuvafaliji mu numbula chenyo. ²³ Amani na yivake khwa valongovo, nu lukhelo pamonga nu lufuvo ukhuhuma khwa Nguluvi baba nu Mutwa uYeesu Khilisiti. ²⁴ Lukano na luvake pamonga na voha vakhamukhela uMutwa uYeesu Khilisiti khwa lukhelo lulwe lyesilifweli.