¹ Khwahiyo muvechake vanu va khumufwata uNguluvi kama vana va mwene avakhelwa. ² Mkendake mu lukhelo denideni kama ukhilisiti sheatukhelye uwewe, itolye yu mwene khwaajili yetu. umwene avele vusembe ni zabihu, ukhuva halufu nofi ya khumukhelecha uNguluvi ³ Izinaa, au uvuchafu wewoha nu vuloho uvubaya lasima vutane ukhutambulwa khwenyo, kama sheyitakhiwa khwa vafuuwa, ⁴ wala amadadilano katane ukhutambulwa, amasungumuso ka khipumbafu au imazaha kya vuyeyevusaji ambako siyiveli sawa, badala yakhe luvechakepwe ulusengucho ⁵ Mwiwesa ukhuva nuvuhakika ukhutya khuna zinaa,uvuchafu wala yeidobokhela, uyo avele mwimikha sanamu angaya vulisi wowoha mu vutwa wa Khilisiti nu Nguluvi. ⁶ Munu uyo atane ukhuchanga khwa macho ka wevuli, khwasababu ya mambo aka ilikooka lya Nguluvi liyicha pashanya pavo yesivitii. ⁷ Ewe utane ukhushiliki pamonga navo. ⁸ Khwa khuva unyenye pakhwanja mwavele ng'isi lakhini lino muvele mwanga mwa Mutwa. Ewe mukendake ngita vana va mwanga. ⁹ Khwa khuva amatunda ka mwanga kijumulisa uvunofi woha, haki ni salwesi. ¹⁰ Londake khila shekhifulaisa khwa Mutwa. ¹¹ Vutane ukhuvepwe uvushilika mu khasi cha ng'isi chesichiveli na matunda, badala yakhe chivikhe wasi. ¹² khwasababu amambo kekifanywa na vene khwa kavele nyoni necho hata khuyelekesa. ¹³ Mambo koha, pekifiyamulwa nu mwanga kakiva wasi, ¹⁴ khwa khuva khila khinu shekhifiyamulilwe khina mu mwanga. Ewe vitikila ede, ''Lamukhe, uveve yeukonile, nu khuhuma khwa vafwe na uyinamukhe khilisiti achaing'ala pashanya pakho.'' ¹⁵ Ewe muvechake makini jinsi shemwikenda, siyo kama vanu yesivaveli vaelewa bali vaelewa. ¹⁶ Mukhombolake umusikha khwa khuva sikhu chivele cha vuviivi. ¹⁷ Mutane khuva vajinga, badala yakhe, mumanyake khini amakhelwa ka Mutwa. ¹⁸ Mutane ukhukala khwa khilefi,khilongocha mu vuhalibifu, badala yakhe mumemelechwe nu Mubepo Umwimikhe. ¹⁹ Musungumusake na khila yumonga venyo khwa zabuli, na malumbo, ni nyimbo cha munumbula. Muyimbake nu khulumba khwa numbula khwa Mutwa. ²⁰ Daima musenguchake khwa mambo koha mu litawa lya Khilisiti uYeesu Mutwa vetu khwa Baba Nguluvi. ²¹ Mwitolelake yunye khila yumonga khwa yungi khwa heshima ya khilisiti. ²² Nyevadala mwitolelake khwa vakosi venyo, kama khwa Mutwa. ²³ Khwasababu umukosi kuvele mutwe kwa mudala, kama Khilisiti sheavele mutwe kwa khanisa. Avele mukhombochi va muvili. ²⁴ Lakhini kama khanisa shelivele pasi pa Khilisiti, denideni Na vadala vakhitake ewe khwa vakosi vavo khwa khila lijambo. ²⁵ kosi muvakhelake avadala venyo kama ukhilisiti shealikhelye ili khanisa nu khwitolela yumwene khwaajili ya mwene. ²⁶ Afanyile ewe nekhe live livalache. Avalachiche khwa khulikhalafya na makasi mu licho. ²⁷ Aafanyile edeti nekhe awese ukhwiwasilisha yumwene mu khanisa ilivalache pesipaveli ni lidowa wala iliwaa au khinu shekhiwanana nasho na aka, badala yakhe livele livalache lyesiliveli ni khosa. ²⁸ Khwa njila yiyila, avakosi vilondekhwa ukhuvakheela avadala vaavo kama mivili yaavo. Yula yeamukhelye umudalava mwene ikhelye yumwene. ²⁹ Sikhweyuli hata monga yeakudadye umuvili kwa mwene Badala yakhe akhakulutubisa, nukhukukhela kama ukhilisiti shealikhelye ilikhanisa. ³⁰ Khwa khuva uwewe tuvele vashilika va muvili kwa mwene. ³¹ Khwasababu iyi umukoosi yaakhamulekha ubaba va mwene nu mama va mwene nu khuvungana nu mudala va mwene Na vavili avo yaviiva muvili kumonga. ³² Uvu wavele vufihime. Lakhini ndichova ukhuhusu ukhilisiti ni khanisa. ³³ Lakhini, khila monga venyo lasima amukhelake umudala va mwene kama yumwene, na yumudala lasima amuheshimwake umukoosi va mwene.