¹ Khwasababu ya ili unene, Paulo, avele mufungwa va Yeesu khilisiti khwaajili yenyo vamataifa. ² Na ndifuwa khutya mupulikhe juu ya khasi ya lukano lwa Nguluvi lweanipelye khwaajili yenyo. ³ Ndikhavayandikhila khuhumana ni jinzi ya vufunulo shewafunuliwe khwangu.Iyi yivele salwesi yeyafiyikhe ambao nayandikhe khwa khifupi mu balula iyingi. ⁴ Yawisoma ukhuhusu aka, yawiwesa ukhumanya ibusala yangu mu salwesi yeyifiyikhe khuhusu khilisiti. ⁵ Khwa vipelela ifingi uvusalwesi uvu siwafanyilwi umanyikhane khwa vana va vanu. Ila khwa lino uvikhilwe wasi khwa Mubepo khwa vaseng'wa yevatengilwena vavilisi. ⁶ Uvusalwesi uvu wewafiyikhe yivele khutya avanu vamataifa vavele vashiliki va yetu na vajumbe vayetu va muvili. Vave vashilika pamonga ni ahadi ya khilisitu uYeesu khulutila ienjili. ⁷ N a khwa ili ndifanyikhe mfanyakhasi khwa sawadi ya lukano lwa Nguluvi lwelwahumichwe khwangu khulutila uvutenaji wa ngufu cha mwene. ⁸ Nguluvi aahechiche isawadiiyi khwangu, japo khuva unene ndivele munu mudebe va voha mwa vala yevatengilwe khwaajili ya Nguluvi. Sawadi iyi yivele khutya nditakhiwa ukhuvatasikhicha avamataifa ienjili iyina vutajili wesiwichungusikha wa khilisiti. ⁹ nditakhiwa ukhuvamulikhila vanu voha juu ya khini nu mupango kwa Nguluvi va sili.Uku kuvele mupango ambako kwavele kufiyilwe khwa myakha myolofu kyekilutile, nu Nguluvi ambaye aafivumbile ifinu fyoha. ¹⁰ Iyi yavele kwamba, khulutila ikhanisa, vatavala na mamulaka mu sehemu cha khushanya vapate ukhumanya pande chingi cha asili ya hekima ya Nguluvi. ¹¹ Aka ngalikahumile khulutila umupango kwa milele ambako akukamilisiche mukati mwa khilisiti uYeesu Mutwa vetu. ¹² Khwa khuva mwa khilisiti tulinawe uvujasili nu vuweso wa khuyingila khwa vujasili khwasababu ya lufuvo lwetu khwa mwene. ¹³ Khwa hiyo ndikhavanyilikha mutane[kukata itamaa] khwasababu ya mapumukho kangu khwaajili yenyo. Aka vuvele vuvalache wenyo. ¹⁴ Khwasababu iyi ndifukama khwa Baba. ¹⁵ ambaye khwa mwene khila familiya khushanya na pashanya pa inyi yikhemelilwe ilitawa. ¹⁶ Ndinyilikha khutya apaate [khuvakanilicha], khuhumana nu vutajili wa vuvalache wa mmwene, avafanye imala khwa nguufu khulutila Umubepo va mwene, ambaye avele mukati mwenyo. ¹⁷ Ndinyilikha ukhilisiti aishi mukati mu numbula yenyo khulutila ulufuvo. ¹⁸ Ndinyilikha khutya muve ni lisinanu musingi kwa lukhelo lwa mwene. Muve mu lukhelo lwakhe nekhe muwese ukhuelewa, pamonga na voha yevifuwa jinsi uvupana, nuvutali ni khimo ni khina sha lukhelo lwa khilisiti. ¹⁹ Ndinyilikha kwamba mumanye uvukuu wa lukhelo lwa Khilisitu, ambao wisidi uvumanyi. Mufanye aka nekhe mumemelechwe nuvukamilifu woha wa Nguluvi. ²⁰ Na lino khwa mwene uumwene yeiwesa ukhufanya khila lijambo, saidi ya koha ketwinyilikha au ketukhakawesa, kkhulutila ingufu ya mwene yeyitenda ikhasi mukati yetu, ²¹ Khwa mwene umwene khuve vuvalache mukati mu khanisa nu mu khilisiti Yeesu khwa fipelela fyoha milele ni milele.Amina.