¹ Kama shemwafwele mu makhosa ni sambi chenyo. ² Yavele mu aka khutya pa khwanja mwahele ukhulingana ni misikha ya painyi apa. mwavele mwihelela khwa khufwata uvutavala wa mamulaka ka anga. Iyi ndyo numbula ya mwene yula yeifanya ikhasi mu vana va khuasi. ³ Uwewe twevoha pakhwanja twavele mumiongoni mwa ava yesivifuwa. Twavele twitenda khwa namuna ya tamaa imbaya cha mivili yetu. Twavele twifanya amakano ka muvili nuvumanyi wetu. Twavele khwa asili vana va gasabu ngita vangi. ⁴ Lakhini uNguluvi aveele munya walofi wa lupyana khwasababu ya lukhelo lwa mwene lukhomi lwe lweatukhelye uwewe. ⁵ Umusikha petwavele vafwa mu makhosa ketu atuletile pamonga mumaisha amapya mukati mwa Khilisiti khwa lukano lwa khuva mukhombolilwe. ⁶ uNguluvi atuchusiche pamonga nukhutufanya khutama pamonga mahala pa inyi mukati mwa Khilisiti uYeesu . ⁷ Afanyile ewe nekhe mu musikha kwekwiyicha awese ukhutuvonesa uvutajili uvukuu wa lukano lwa mwene. Aakhatuvonesa uwewe eili khwa njila ya wema wa mwene mukati mwa Khilisiti uYeesu. ⁸ Khwa lukano mukhombolilwe khwa njila ya lufuvo. Ni ili silyahumili khwetu. Yive sawadi ya Nguluvi. ⁹ Siyihumana na matendo. Amahumilo kakhe atane ukhuvepo monga va khwisifu. ¹⁰ Khwasababu uwewe tuvele khasi ya Nguluvi , tuvumbilwe mwa Khilisiti uYeesu ukhutenda amatendo amanofi.Amatendo aka ambako uNguluvi akapangile tangiya izama cha khatali khwaajili yetu, nekhe tukendake mu ako. ¹¹ Khwahiyo mukhumbukhake khatali mwavele vanu va matayifa khwa namuna ya muvili.Mwikhemelwa ''msiveli vakide'' khwa shekhikhemelwa khukida khwa muvili yeyifanywa khwa mavokho ka binadamu. ¹² Khwa musikha ukwe mwavele mutengilwe nukhilisiti. Mwavele vakenji khwa vanu va khuisilaheli. mwavele vakenji khwa lilakano lya ahadi. simwaveli nuvuhakika wa musikha kwekwiyicha. mwavele mungaya Nguluvi mu inyi ¹³ Lakhini lino mwa Khilisiti uYeesu unyenye ambavo pakhwanja mwavele patali nu Nguluvi muletilwe jilani nu Nguluvi khwa danda ya Khilisiti. ¹⁴ khwa mana umwene avele amani yetu. Afanyile vavili khuva monga.khwa muvili kwa mwene ayanangile uvukuta wa vutengano wewavele vututenganise vututenganise, uvukhava uwe. ¹⁵ Khwamba aakhomesiche isheliya ya amuli ni kanuni nekhe khwamba avumbe umunu yumonga mupya mukati mwa mwene. Akhafanya amani. ¹⁶ Aafanyile ewe nekhe ukhuvapatanisa amakundi kavili ka vanu ukhuva muvili kumonga khwa Nguluvi ukhulutila umusalaba. Khwa njila ya msalaba avulike uvukhava. ^{17 18} uYeesu ayichile nukhutangasa iamani khwenyo unyenye yemuvele patali ni amani khwenyo unyenye yemuvele kalibu. Khwa mana khwaajili ya Yeesu uwewe twevoha vavili tunya nafasi khwa yula Umubepo yumonga ukhuyingila khwa Baba. ¹⁹ Ewe basi unyenye vanu va matayifa simuveli vasafili na vakenji khangi. Bali venyeji pamonga na vala yevatengilwe khwaajili ya Nguluvi na vajumbe mu nyumba ya Nguluvi. ²⁰ Mchengilwe pashanya pa musingi kwa vaseng'wa na vavilisi. ukhilisitu uYeesu umwene aavele likanga likuu lya pamweya. ²¹ Mwa mwene ilichengo lyoha livunganiswe pamonga nukhukhula kama lihekalu mukati mwa Mutwa. ²² Yive mukati mwa mwene unyenye nayunye mwichengwa pamonga kama mahala pa khuishi pa Nguluvi mu Mubepo.