1 Petwafihichwe salama, twatambwe uhutya ihisiwa hikhemelwa Malta. 2 Avanu venyeji va pala siyo tu uhutya vatupelye uvukalimu wa kawayida, bali vawasiche umwoto nuhutukhalibisa twevondi, khwasabu ya ndonya ni ng'ala yeyayendelelaka. 3 Lakhini u Paulo avechike akusanyiche umuchiko kwa sakala nuhukuvimba hu mwoto, liyoha lidebe ilinya sumu lyahumile mu sakala chila khwasabu ya joto yila, na lisungusiche mulivoho lya mwene. 4 Avanu venyeji va pala pevamuwene umunyama ining'inila uhuhuma mulivoho lya mwene, vachovine vavene khwa veene,"Umuunu uyu hakika avele muvulachi ambaye anyilile hubahali, lakhini ihaki siyihamuluhusu uhuishi." 5 Lakhini umwene amutakye umunyama uyo mu mwoto na siapatile mazala kokondi. 6 Avene vamulindile afimbe khwa vutamu au adime gafula nu hufwa. Lakhini bada ya humulola khwa musikha mutali nuhuvona uhutya hakuna licho ambalyo siyo lya kawayida khwa mwene, vabadilise amawaso kavo nuhuchova avele Nguluvi. 7 Basi mahali pala jilani pavele ni alizi ambayo ya vele mali ya muvaha va khisiwa, umuunu yeakhemelilwe Pablio. Atukalibise nuhutukalimu khwa sikhu chidatu. 8 Yahumye uhutya ubaba va Pablio akhamulilwe nuvutamu nu vutamu wa huhalisa. Nu Paulo peamuhelelye,anyilikhe, avimbile amavoho pashanya pa mwene, nuhumuponya. 9 Bada ya ili uhuhumila, avanu vangi pala pakhisiwa vevavele vilwala piya vahele na vaponyichwe. 10 Avaanu vahatuheshimu khwa heshima njolofi. petwavele twihiandaa uhusafili, vatupelye fila fyetwasahaka. 11 Bada ya miechi kidatu, twasafye mukati mu meli ya Iskanda ambayo yavele yitovilwe ni ng'ala apo pahisiwa, ambayo avafiongosi va mwene vavele valongove vavili mapacha. 12 Bada ya huva tutulye mu khivuta sha Silakusa, twatamile pala sikhu chidatu. 13 Uhuhumila pala twasafye twafihe mukhivuta sha Regio. Bada ya sikhu yi monga imepo ya hukusini yahumaniche gafula, na bada ya sikhu chivili twafihe mu khivuta sha Putoli. 14 Uhwe twavawene baasi ya valongo na twakalibiswe uhutama navo khwa sikhu saba. Khwa njila iyi twayichile hu Rumi. 15 Uhuhuma uhwe avalongo vala, bada ya huva vapulikhe imola chetu, vayichile hutuyanuhila uhwe husokho lya Apias ni Hoteli chidatu. Paulo avawene avalongo vala ahongechiche khwa Nguluvi ahahisopa uvujasili. 16 Twavechike tuyingye hu Loma, Paulo aliluhusiwa uhuishi mwene pamonga nu askali yeamulindaka. 17 Basi yavele bada ya sikhu chidatu Paulo avakhemelye pamonga vala avakosi vevavele fiongosi kati ya Vayahudi. Vavechike viyicha pamonga, achovile uhwavo, "Valongo pamonga nu hutya sindifanyile likhosa lyolyondi hwa vaanu ava au hufanya hinyume ni talatibu cha vababa veetu vevatulongwe, ndahumichwe ngita muhungwa huhuma hu Yelusalemu hadi humavoho ka Valumi. 18 Bada yahundihoji, vatamanile uhundilekha hulu, khwasabu hwavele hakuna sababu uhwangu uneene ya hustahili iasabu ya hufwa. 19 Lakhini vala Avayahudi pevalongelye hinyume sha shauku yavo, nda lasimikhe uhung'enya ulufaa khwa kaisalia, japo kuwa siyavele kanakwamba ndileta amashitaka ju ya litaifa lyangu. 20 Khwa sabu ya hung'enya khwangu ulufaa, ew ndanyilikhe uhuvavona nuhuchova nu nyenye. Ni khwasabu ya khila ambasho Islaeli ana vujasili kwacho, ndihungilwe ni khihungo ikhi. 21 Nekhe vamuchovele, "Sitwa wahili uhuyanuhila ihati uhuhuma hu Yudeya uhuhusu uveeve, wala hakuna mulongo yeayichile nuhuhecha italifa au uhuchova ilicho lyolyondi libaya uhuhusu uveve. 22 Lakhini twisaha uhupullikha uhuhuma uhwaho wifikilila hina uhuhusu ilikundi lya vaanu ava, khwasabu yijulikhana uhwetu uhutya lilongela khinyume khila mahali." 23 Vavechike vatengile iskhu khwaajili ya mwene, avanu volofi necho vamuyiche mahali mahali peatamaka. Achovile ilijambo lila uhwavo nuhushudila uhuhusu uvutwa wa Nguluvi. Ajalibise uhushawishi uhuhusu u Yeesu, khwa namuna chondi chivili uhuhuma hu sheliya cha Musa nu huhuma khwa Vavilisi, uhuvangila palukhela hadi pamihe. 24 Baasi yavo vashawishihe uhuhusu amambo kala kekachovilwe, umsikha avangi sivaaminile. 25 Vavechike valemilwe uhukubaliyana vavene khwa vene, vahekile baada ya Paulo hulichova ilicho ili limonga, "Umbepo Umwimikhe achovile finofi uhulutila u Isaya muvilisi khwa baba venyo. 26 Achovile, 'Bitake khwa vaanu ava uchove, "Khwa mbuluhutu chenyo hacha mwipuliha, lakhini sihacha mwiyelewa; na khwa miho kenyo hacha mwilola lakhini sihacha mwitambula. 27 Khwaajili ya numbula ya vaanu ava yivele zayifu, imbuluhutu chavo chipulikhe khwa tabu,vafumbile amikho kavo; ili uhutya vataneuhutambula khwa mikho kaho, nuhupulikha khwa mbulukhutu chavo, nuhuyelewa khwa numbula chavo,nuhugevuha hangi, na ngali ndavaponyiche."' 28 Khwa hiyo, mwipaswa uhumanya uhutya uwokofu uvu wa Nguluvi vusindikhilwe khwa vaanu va Mataifa, na hacha vipulikhicha."( Singatilake:umusitali uku 29 "umsikha peavele achovile amambo aka, vayahudi vevahekile, vavele na mashindano makomi kati yavo.," sikuvelemwe munakala bola cha kale). 30 Paulo atamile mu nyumba ya mwene yahupanga khwa miaha kyondi kivili, na avakalibise vondi vevayichile khwa mwene. 31 Avele itangasa uvutwa wa Nguluvi na avele ivulicha amambo ju ya Bwana Yeesu Khilisiti khwa vujasili wondi. Hakuna yeamusuvye.