Matendo 23

1 Paulo avalolile moja khwa moja avanu va balasa nuhuchova, "Valongovangu, ndiishi pavulongolo pa Nguluvi hwa zamila nofi mbaha ilelo iyi." 2 Kuhani muvaha Anania ahavaamulu vala vevayimile jilani nu mwene vamutove umulomo kwa mwene. 3 Apo u Paulo amuchovye, "Nguluvi hacha ahutova uveeve, uvukuta wewubahilwe ichokaa. Utamele uhandihukumu khwa sheliya, nayuve wiamulu nditowe hinyume sha sheliya?" 4 Vala vevavele vayimile jilani nu mwene vachovile, "Ifi ndyo sheuhamulika u kuhani muvaha va Nguluvi?" 5 Paulo achovile, "valongo vangu, uneene sindamanyile uhutya uyu kuhani muvaha. Khwa khuva yiyandikhilwe, siwisungumusa fibaya ju ya mutawala va vaanu vaho." 6 Paulo ave awene uhutya uvupande vumonga wa balasa ni Masudukayo na vangi Mafalisayo, apasiche isavuti nuhuchova, "Valongo vangu,uneene ndivele mufalisayo, Mwana va Mafalisayo. Khwasabu iyi nditegemela hwa vujasili uvufufuho wa wafu wendihukumiwa nawe." 7 Avechike akachovile aka, malumbano makhomi kahumye baina ya Mafalisayo na Masadukayo, nu mukutano kwa gavanyikhe. 8 Khwani Masadukayo vichova hakuna vufufuho, malayikha wala hakuna umbepo, ila Mafalisayo vichova aka kondi pekali. 9 Gasia ngomi yahumye na baasi ya vaandishi vevavele uvupande wa Mafalisayo vayimile nuhujadili, vachovaka, "situweni shoshondi hibayan zidi ya muunu uyu. Vipi kama umbepo au malayikha alongelye nu mwene?" 10 Umsikha yahumye ihoja ngomi, mukomi va majeshi ayokwipe uhutya upaulo aliilaluliwa fipande fipande na vene, apo ahaamulu avaajeshi vayihe pasi nuhumutekula khwa ludali huhuma hwa vajumbe va balasa, nuhumuleta mu Ngome. 11 Ikilo yeyafwatye u mutwa ayimile jilani nu mwene nuhuchova, "utane uhuyokopa, Khwahuva undishudye mu Yelusalemu, hivyohacha wihecha uvushahidi hangi mu Loma." 12 Hwavechike hushele, baasi ya vayahudi vafanyile iagano nuhukhemela laana ju yavo vavene: vachovile uhutya sihacha vilya wala hunywa shoshondi mbaha pehacha vahamubuda u Paulo. 13 Hwavele na vaanu zaidi ya alobayini ambavo vafanyile injama iyi. 14 vahele hwa vavaha va makuhani na vasehe nu huchova, "Twivimbile yuwe mu laana ingomi, tutane uhulya shoshondi mbaha pehacha tuhamubuda u Paulo. 15 Hivo lino, balasa limuchovele ujemedali muvaha amulete uhwenyo, kana kwamba mwilamula ikesi ya mwene hwavusahihi. Uhwetu uweewe tuvele tayali uhumubuda kabla sina ayicha apa." 16 Lakhini umwana va mulumbu va mwene nu Paulo apulikhe uhutya hwavele ni njama, ahele ahayingila mukati mwa ngome nuhumuchovela u Paulo. 17 Paulo amukhemelye u Akida yumonga ahachova, "Mutekule umudimi uyu hwa jemedali; mana ana licho lya humuchovela." 18 Basi Akida amutekwe umudimi yula ahamusindiha hwa jemedali muvaha amuchovye, "Paulo umuhungwa yula ahandikhemelye ahasaha ndikhuletele umudimi uyu uhwaho. Ana licho lya huhuchovela." 19 Ujemedali yula umuvaha amukhamwe hwa livoho ahahitenga nave palubali, na amuvuchiche, "Khinu gani shewisaha uhundichovela?" 20 Umudimi yula ahachova, "Avayahudi vapatine uhuhunyikha umulete u Paulo khilavo hulibalasakana kwamba visaha uhupata imola cha mwene hwa vusahihi necho. 21 Basi uveve utane uhukubali mana avaanu zaidi ya alobayini vahamufisila. Vifungile hwa lana, vatane uhulya wala hunywa hata pehacha vahamuvulaka. Hata lino vavele tayali, vilinda ihibali uhuuhuma uhwaho." 22 Basi ujemedali yula muvaha amulekhile umudimi ahelelake, bada ya humulakicha "Utane humuchovela muunu yeyondi uhutya undichovye aka." 23 Avakhemelye vaakida vavili ahachova muvatayalise avaaskali mya mbili uhubita hu Kaisalia na asikali vevihova ifalasi sabini, na vanya mikoha mya mbili, hacha mwiheka isamu ya hadatu pakilo. 24 Avachovye uhuvimba ifinyama tayali ambaye u Paulo hacha itumila nuhumutekula Salama khwa Feliki Gavana. 25 Ayandikhe ihati khwa namna iyi, 26 Klaudio Lisia hwa Liwali mutukufu Feliki, salamu. 27 Umuunu uyu akhamulilwe na vayahudi vahava jilani humubuda, ndyo ndahele pamonga ni khikosi sha askali ndihamuokola, ndavendipatile imola cha huva umwene avele laiya vahilumi. 28 Ndasahaka uhumanya hwanini vamushitakile, ewe ndamusindihe hulibalasa. 29 Ndawene uhutya avele ashitakiwe hwaajili ya maswali ka sheliya yavo, wala siashitakiwe licho lyolyondi lya hustahili uhufwa wala huhungwa. 30 Nekhe yielewekhe uhwangu uhutya huna njama zidi yakhe, hivyo shang'ani ndamutumile uhwaho, nuhuvalakicha vevahamushitaki hangi valete amashitaka zidi ya mwene mbele yakho. alagine." 31 Basi vala ava askali vahatii iamuli: vamutekwele u Paulo vamusindikhe hata Antipatri pakilo. 32 Isikhu yeyafwatye, avaaskali volofi vavalekhile vala vevihova ifalasi vahelele pamonga nave, navo vakomwihe chavo hungome. 33 Navahova falasi vavevafikhe hu Kaisalia, nu humupela iliwali ihati yila, vamuvimbile u Paulo pavulongolo pamwene. 34 Nu mwene u Liwwali avechike ayimbile ihati, amuvuchiche u Paulo ahumye lijimbo gani; aveamanyile uhutya avele muunu va hu kilikia, 35 ahachova, "Ndihahupulikha uveve yehacha viyicha vala vevahahushitaki," ahaamulu avimbwe mu ikulu ya Herode.