1 Yavechike yifiha isikhu ya Pentekosite, vondi vavele pamonga sehemu yimonga. 2 Ghafula yahumye mubulumo uhuhuma hu mbinguni ngita mepo ng'ali. Wamemiche nyumba yondi mwevavele vatamile. 3 Apo chavahumye indimi, ngita ndimi cha mwoto chigavanyihe, chavele hushanya hwavo khila yumonga vavo. 4 Avene vondi vamemichwe nu Umbepo Umwimikhe na vavangile uhuchova hwa lukha chingi, ngita Umbepo sheavajalye uhuchova. 5 Lino vavelepo Avayahudi vevavele viishi hu Yelusalemu, wacha u Nguluvi, uhuhuma khila litayifa panyi pa mbingu. 6 Ngulumo ichi chave chipulisihe, ilikundi lya vaanu lya yichile pamonga na vavele ni wasiwasi hwasabu khila muunu avapulikhe vachovaka hwa lukha ya mwene yu mwene. 7 Vaduwayile nuhushangaswa, avene vachovile, "Salwesi, ava vondi vevichova siyo vahu Galilaya? 8 Hwani uweewe tuhavapulikha, khila yumonga mu lukha chetwaholilwe nacho? 9 Vaparthiya na Vamedi na Vaelamu, na avo veviishi Mesopotamia, Uyahudi, na Kapadokia, na katika ponto na Asia, 10 katika Frigia, Pamfilia, katika Misri, ni sehemu ya Libya hata Kirene, na vagenji uhuhuma hu Rumi, 11 Vayahudi na Vaongofu, Wakirete na Vaalabu, tuhavapulikha vasungumsaka mu lukha chetu uhuhusu ikhasi cha vuweso wa Nguluvi." 12 Vondi vavele vaduwayile nuhutatanisa; vachovine vavene hwa vene, "Iyi yina mana gani?" 13 Lakhini avangi walizihaki vachovaka , "Ava vamemichwe hwa mvinyo mupya." 14 Lakhini u Petulo ayimile pamonga na vala lichumi na yumonga, ahapasa isavuti, ahavachovela, "Avaanu va Yudeya na vondi vemwiishi apa pa Yelusalemu, ili limanyihake uhwenyo, mupulikhichake hwa makini amaacho khangu. 15 Avaanu ava sivagalile ngita shemwihambula, sabu isaichi yivele lukhela saa tatu. 16 Lakhini ili lyavele lichovilweuhulutila hwa Muvilisi Yoeli: 17 Hacha yiva sikhu cha mwiso; Nguluvi ichova, hacha ndihilaka Umbepo vangu hwa vaanu vondi. Vana venyo na vahinja venyo hachavihecha uvuvilisi, avadimi venyo hacha vilola amaono, na vasehe venyo hacha vilota indoto. 18 Deni deni hushanya hwa vaseng'wa vangu na vaseng'wa vangu vahihinja mu sikhu icho, ndihilaka hwa Umbepo vangu, navo hacha vitabili. 19 Hacha ndivonesa amaajabu hushanya hu huanga ni ishala panyi pa inyi, danda, umwoto, na mafusho ka lyosi. 20 Ndimanyile hacha libadiliswa uhuva kilo nu mwechi uhuva danda, kabula sina yiyicha isikhu kuu ni ya ajabu ya Mutwa. 21 Hacha yiva yahutya khila yumonga ambaye ikemelela ilitawa lya Mutwa hacha iokoha.' 22 Aavanu vahu Islaeli, mupulihichake amaacho aka: u Yeesu vahu Nazaleti, Umwanadamu yeasibitisilwe nu Nguluvi uhwenyo hwa matendo ka vuweso na maajabu, ni Ishala ambacho u Nguluvi uhulutila umwene katikati yenyo, ngita yunye unyenye shemumanyile- 23 Khwasabu ya mupango kwekwakusudiwe tangia pamwanjo, na maalifa ka Nguluvi, ahumichwe, nu nyenye, hwa mavoho ka vaanu vahalifu, mwasulubisiche nuhumuvulaka, 24 ambaye u Nguluvi amuyinwe, ahavuhecha uvuchungu wa mauti hwamwene, hwasabu siyawesehine hwa mwene uhumilikiwa na uwo. 25 Apo u Daudi ichova uhuhusu umwene, 'Ndamuwene u Mutwa dayima huvulongolo pa miho kangu, umwene avele mlivoho lyangu lya hung'iki apo basi sihacha ndisogeswa. 26 Khwa hiyo inumbula yangu yavele nulukinikho nu lulimi lwangu lwikhelye. Piya umuvili kwangu hacha kwiishi hwa vujasili. 27 Sihacha uhayileha inafusi yangu yibite hukuzimu, wala sihacha uhaluhusu Umwimikhe vaho huvona uvuvolachi. 28 Uveeve uzihilisichwe uhwangu injila cha vusima; hacha uhandifanya ndimeme lukiniho pavulongolo pa miho kaho.' 29 Mlongo, ndiwesa uhulongela uhwenyo hwa vujasili uhuhusu u Dade vetu u Daudi: umwene afwele na asililwe, ni kabuli ya mwene yivele pamonga nu nefwe mbaha ilelo iyi. 30 Apo, avelepo umvilisi na amanyile uhuva u Nguluvi veamalile uhuapa hwa hilapo hwa mwene, uhtya hacha ivimba yumonga mu vuholwa wa mwene muhidego sha enzi. 31 Aliwene ili mapema, na ahachova uhuhusu uvufunulo wa Khilisiti, 'Wala sialehilwe hukuzimu, wala umuvili kwa mwene sikwavolile.' 32 Uyu Yeesu -u Nguluvi amufufwe, ambaye unefwe twevondi tuvele vashayidi. 33 Khwa hiyo, ave ayinuliwe mumavoho ka khikosi ka Nguluvi, na avele ayanushe iahadi ya Umbepo Umwimikhe uhuhuma hwa Dade, umwene amimine iahadi iyi, ambaye unyenye mwilola nuhupulikha. 34 Khwa Daudi siadamile uhubita hu mbinguni, lakhini ichova, 'MUTWA achovile khwa Mutwa vangu, 35 "Tame ilivoho lyangu lya khulyando mbaha pehacha ndikhita vaaduwi vaho khidego hwajili ya magulu kaho. 36 Khwa hiyo nyumba yondi ya Islaeli na uyimanyake hwa hakika uhutya u Nguluvi amufanyile umwene uhuva Mutwa nu Khilisiti, uyu Yeesu ambaye mwamusulubisiche." 37 Lino vavevapulikhe ewe, vanyanyilwe mu numbula chavo, vamuchovye u Petulo na vaseng'wa vangi, "Mlongo, tukhite vuli?" 38 Nu Petulo avachovye, "Muhongechake na mchabihwe, khila yumonga venyo, mulitawa lya Yeesu Khilisiti khwajili ya msamaha kwa njanangifu chenyo, na hacha mwiyanuhila isawadi ya Umbepo Umwimikhe. 39 Khwani uhwenyo yivele ahadi na hwa vaana venyo na hwa vala vondi vevavele hutali, vaanu volofi hwa kaadili u Mutwa Nguluvi vetu yaahavakhemela." 40 Khwa maacho molofi ashuhudye nuhuvasihi; achovile, "Mwiokole muhume mu hipelela ihi hiofu." 41 Apo ndyo vayanushe amaacho kamwene na vachabihilwe, apo vayongesihe mu sikhu iyo ngita nafusi Elufu tatu. 42 Vayendelye mumavulicho ka mitume nuvushilikiyano, muhumenyula umukhate na manyilikho. 43 Hofu yayichile hushanya ya khila nafusi, na maajabu molofi ni ishala chafanyikhe uhulutila avaseng'wa. 44 Vondi vevaaminile vavele pamonga nuhuva ni finu fyavo hwa pamonga, 45 na vaguchiche ifinu ni milki chavo nuhugavanya khwa vondi uhulingana ni lihitaji lya khila yu monga. 46 Ewe sikhu bada ya sikhu vayendelye vavele ni lilengo limonga munyumba ya Nguluvi, na vamenywe umukhate mu kaya, na vashilikile ishahulya khwa lufuvo nuvunyenyekefu wa numbula; 47 walimsifu Nguluvi na vavele nikhibali na vaanu vondi. Umutwa avayongesiche isikhu khwa sikhu ambacho vavele vikolewa.