Matendo 16

1 Paulo piya peayichile hu Derbe na Lystra; na lolake, pala pavele nu munyasule yeakhemelwaka Timotheo, khijana yeaholilwe nu mama va khiyahudi ambaye muumini nu dade mu Giliki. 2 Avanu va hu Listra nu ikonia vamushudye vunofi. 3 Paulo amusahaka ili asafili nave, apo amutekwe nuhumutahili hwasabu ya Vayahudi vevavelepo uhwe hwani vondi vamumanyile uhuva udade vamwene muGiliki. 4 Vavechike vihelela valutile mumiji nuhuhumya amalakicho mumakhanisa ili uhuatii amalakicho ako kayandikhile na vaseng'wa na vasehe uhwe hu Yelusalemu. 5 Apo amakhanisa kahaimalishwa mu lufuvo na vevaaminile vayongesihe hwa idadi khila sihu. 6 Paulo nu muyake vahele hu Filigia ni Galatiya, khwani Umbepo va Nguluvi avabechiche uhuhubili ilicho uhwe hulijimbo lya Asia. 7 Vavevakalibye hu Misia, vajalibise uhubita hu Bithinia, lakhini Umbepo va Yeesu ahabecha. 8 Khwa hiyo valutile hu Misia vayichile mbaha hu Khivuta sha Troa. 9 Maono kamuhumye u Paulo pakilo, hwavele nu muunu va Makedonia ayimile, amukhemelaka nuhuchova "Mwiche mututange huno hu Makedonia." 10 Paulo peawene amaono, mala twiandayile uhubita hu Makedonia, ayeleweka uhutya u Nguluvi atuhemelye uhubita huvahubilila ienjili. 11 Apo twahekile uhuhuma hu Troa, twahele moja hwa moja Samothrake, na isikhu yeyafwatye twafihe ikhivuta sha Neapoli. Uhuhuma 12 apo twahele hu filipi ambavo yivele moja ya khivuta sha Makedonia, muji muhimu mu wilaya nu vutawala wa khilumi na twatamile sikhu kazaa. 13 Isikhu ya sabato, twahele hwivala mu mlyango hwa njila ya khihulu, sehemu ambayo twahambwe hachatwiva na mahali pahufanyila amanyilikho. Twatamile panyi nuhulongela na vamwayuva vevayichile pamonga. 14 Mudala yumonga yeikhemelwa Lidaya, yeaigucha izambalau, uhuhuma mukhivuta sha Tiatira, umunya huabudu u Nguluvi, atupulikhiche. Umutwa amufungwe inumbula ya mwene nuhuvimba mumaanani amaneno kekachovilwe nu Paulo. 15 Bada ya huchabihwa, umwene ni nyumba ya mwene yondi, alitusihi nuhuchova "Ndemundiwene uhuva uneene ndivele muaminifu mu Mutwa, basi ndihavasihi muyingile nuhutama uhwangu". Ahatusihi sana. 16 Yihava uhutya, petwavele twihelela mahali pa hunyilikha, muhinja yumonga yeavele ni lijini lya hutambula akutine nu fwefwe. Amuletye umutwa vamwene fayida njolofi hwa hubashili. 17 Umudala uyu amufwatile u Paulo pamonga nu weewe, ayovaka nuhuchova "Avakosi ava vavele vasengwa va Nguluvi yeavele muvaha, vevahavatangasicha unyenye imola cha vuokofu." 18 Akhitile ewe khwa sikhu njolofi, lakhini u Paulo avele adadile nikhitendo isho, agewihe hunyuma nuhulichovela ilijini, " Ndahuamulu hwa litawa lya Yeesu umuhume mukati mwahe." Nalyo lya humile nuhumuleha mala khamonga. 19 Avabwana va mwene vavechike vawene uhuva ilitumayini lya fayida yavo yihekile, vamukhamwe u Paulo na Sila nuhuvabulusa husokho mbele ya vanya mamlaka. 20 Vavechike vafihiche hwa vahakimu, vachovile, "avakosi ava vavele vayahudi na visabababisa igasia ngomi mu khivuta shetu. 21 Vivulicha amambo ambayo siyo sheliya uweewe uhukayanuhila wala uhukafwata ngita Valumi." 22 Uvumati wavayinushe khinyume Paulo na Sila, avahakimu valalwe ifwalo chavo nuhuvahudula nuhuamulu vatowe fibokho. 23 Bada ya huvatova fibokho fyolofi, vavatakile muligelesa nuhumu amulu askali valigelesa huvalinda finofi. 24 Bada ya huyanuhila iamuli iyo, askali valigelesa avatakile mu shumba sha mukati mwa ligelesa nuhuvafunga amagulu kavo mu sehemu yeavahifazile. 25 Umsikha kwa pakilo ya manane, Paulo na Sila vahava vinyilikha nu huyimba inyimbo cha humusifu u Nguluvi, huno avahungwa avangi vahavapulikhicha, 26 Ghafula hwahumye ihimulindima hikomi ni misingi kya ligelesa ya tikisihe, milyango kya ligelesa ya fungwihe, ni minyololo ya vahungwa vondi ya legesichwe. 27 Umulinzi va ligelesa alamwihe uhuhuma hutulo na ahalola milyango kyondi kya gelesa kifunguliwe; ewe atekwe ilipanga lya mwene mana asahaka uhwibuda hwasabu afikililaka avahungwa vondi vamalile uhuheka, 28 Lakhini, Paulo ayovile hwasavuti ngomi, achovaka "Utane uhwizulu hwasababu vondi tuvele mahali apa." 29 Umulinzi va ligelesa anyilikhe itala chiletwe na ayingye mukati muligelesa shang'ani, ahililaka nuhuyokopa, avadimye Paulo nu Sila, 30 nuhuvahecha hwivala mwa ligelesa nuhuchova, "Vaheshimiwa, ndikhite vuli ili ndipate uhuokoha?" 31 Navo vamuchovye, "mumuamini umutwa Yeesu nayuve hacha wiokoha pamonga ni nyumba yaho." 32 Vachovile ilicho lya Mutwa, pamonga na vaanu vondi vahunyumba ya mwene, 33 umulinzi va ligelesa avatekwe yikilo yiyo nuhuvakalafya isehemu chevalemye, umwene pamonga na vaanu vahunyumba hwa mweene vachabihilwe mala. 34 Avaletile u Paulo nu Sila hunyumba ya mwene nuhuvaandayila ishahulya. Nave ahava ni fulaha ngomi pamonga na vaanu hunyumba ya mwene hwasabu vamuaminile u Nguluvi. 35 pehwavele munyi avahakimu vatumile imola hwa mulinzi yula vahugelesa vachovaka, "vakuhusu avaanu vala vahelele," 36 Umulinzi valigelesa amujulisiche Paulo ju ya maacho ako uhuva, "Avahakimu vatumile imola ndiluhusu muheke: apo muhekake hwivala na mubite hwa lufuvo." 37 Lakhini u Paulo ahavachovela, "vatutovile hazalani, avanu ambavo ni walumi bila hutuhukumu na valamwe uhututaka huligelesa; halafu lino visaha hutuhecha hwa sili? Hapana, sihacha yiwesehana, vavene vayiche hutuhecha mahala apa." 38 Valinzi vavajulisiche mahakimu ju ya maneno ako, avahakimu vayokwipe sana pala pevaeliwe uhuva u Paulo na Sila vavele valumi. 39 Avahakimu vayichile nuhuvasihi vahume, napevavahumiche hwivala huligelesa, vavanyilikhe u Paulo na Sila vahume nje ya muji kwavo. 40 Khwa hiyo Paulo na Sila vahumile hwiva muligelesa vayichile hunyumba na hwa lidiya. Paulo na Sila vavevawene avalongo, vavasopile inumbula nekhe vaheke mukhivuta isho.