Matendo 15

1 Avaanu fulani vayihile uhuhuma huyvuyahudi nu huvafundisa avalongo, vachovaka, "Ndesimutahiliwe ngita Destuli ya Musa, simwiwesa uhuokolewa." 2 Umsikha u Paulo nu Barnaba pevavele na mapambano nu mujadala pamonga navo, valongo valamwe uhutya Paulo, Barnaba na vangi. kazaa vahelele hu Yelusalemu khwa vaseng'wa na vasehe khwaajili ya liswali ili. 3 Khwa hiyo, khwa hutumwa hwavo ni khanisa, valutye hu Foinike na Samalia vatangasaka uhugevuswa iniya khwa vamatayifa. Valetile ifulaha ngomi hwa valongo vondi, 4 vavechike viyicha hu Yelusalemu, vakalibiswe ni khanisa na Vaseng'wa na vasehe, na vawasilise itaalifa ya mambo kondi ambako u Nguluvi akhitile pamonga navo. 5 Lakhini avaanu fulani veaaminile, vevavele mulikundi lya Mafalisayo, vayimile nuhuchova, "yivele muhimu uhuvatahili nuhuvaamulu vakhamule isheliya ya Musa." 6 Ewe avaseng'wa na vasehe vayimile pamonga hufikilila iliswala ili. 7 Bada ya hujadiliyana matali, Petulo ayimile nu huchova ukhwavo, "Valongo mwiyelewa uhutya khitambo khinofi shekhilutile u Nguluvi akhitile ilichagulo kati yenyo, uhtya khwa mulomo kwangu Matayifa vapulikhe ilicho lya ienjili, nuhuamini. 8 Nguluvi yeimanya inumbula, ishuhudila uhwavo, ahavapele Umbepo Umwimikhe, ngita sheakhitile uhwetu; 9 na siatengenise uvutofauti kati yetu na veene, akhitaka inumbula chavo safi khwa lufuvo. 10 Khwa hiyo, kha nini muhamujalibu u Nguluvi uhutya muvimbe inila hushanya pa singo cha vanyasule ambayo hata vababa vetu wala unefwe sitwawesiche uhustahimili? 11 Lakhini twiamini uhutya hacha twiokolewa hwa lukano lwa Mutwa Yeesu, ngita shevavele." 12 Umukusanyikho kwondi kwachihile pevavele vahamupulikhicha u Barnaba nu Paulo pevavele vihecha italifa ya ishala na maajabu ambako u Nguluvi akhitile pamonga navo kati ya vaanu va matayifa. 13 Vavevilekhilwe uhuchova, Yakobo ajibwe achovaka, "Valongo mundipulikhichake. 14 Simoni ayelesiche jinzi khwanja u Nguluvi khwa lukano avatangile avamatayifa ili uhutya ipatile uhuhuma uhwavo vaanu khwa jili ya litawa lya mwene. 15 Amaacho ka Vavilisi kahakubaliyana na ili ngita sheliyandikhilwe. 16 'Bada ya mambo aka ndikomoha nuhuchenga hangi ihema ya Daudi, yeyidimile panyi; ndihayiwinula nu huisha uvuhalibifu wa mwene, 17 ili uhutya avaanu vevasike vamutemule u Mutwa, pamonga na vaanu va Mataifa vevakhemelilwe khwa litawa lyangu.' 18 Hivi ndyo she ichova u Mutwa yeakhitile amambo aka kekimanyikha tangia ienzi cha hatali. 19 Ewe basi, uvushauli wangu ni, kwamba tutane uhuvapela isida avaanu va Matayifa vevahamugevuhila u Nguluvi; 20 Lakhini tuyandikhe uhwavo uhutya viepushe hutali nuvuhalibifu wa sanamu, itamaha cha vuashelati, na fyefinyongilwe, ni danda. 21 Uhuhuma ihipelela sha vasehe huna vaanu katika khila khivuta vevihubili nuhumusoma u Musa katika masinagogi khila Sabato." 22 Khwa hiyo yavonekhine uhuva yivapendesiche avaseng'wa na vasehe, pamonga ni khanisa yondi, humuchakula u Yuda yeakhemelilwe Barsaba, na Silas, vevavele fiongosi va khanisa, nuhuvatuma Antiokia pamonga nu Paulo na Barnaba. 23 Vayandikhe ede, "Vaseng'wa, vasehe na valongo, khwa valongo va matayifa vevavele hu Antiokia, Shamu ni Kilikia, Salamu. 24 Twapulikhe uhutya vaanu fulani ambao sitwavapelyi iamuli iyo, vahumile uhwetu na vavatabishe khwa mafundiso kekileta ishida munafusi chenyo. 25 khwa hiyo yivonehine finofi uhwetu twevondi uhuchakula avaanu nuhuvatuma uhwenyo pamonga na vahelwa vetu Barnaba na paulo, 26 vaanu vevavele muhatali na maisha kavo khwaajili ya litawa lya Mutwa Yeesu Khilisiti. 27 Khwa hiyo tumutumile u Yuda nu Sila, vahavachovela amambo kako ako. 28 Khwa khuva yavonehine vunofi khwa Umbepo Umwimikhe nu khwetu, uhuheka ju yenyo umuchigo mukomi hulikho amambo aka kekavele ka lasima: 29 Uhutya mugevuhe uhuhuma mu finu fyefihechwa hwa sanamu, danda, finu fya hunyonwa, nu vuashelati. Kama mwihivimba hutali na ifi, hacha yiva vunofi uhwenyo. khwa helini." 30 Ewe basi, shevatawanyisilwe, vayishe hu antiokia; baada ya hukusanya ilikusanyikho pamonga, vawasilishe ihati. 31 Vavechike vayisomile, vafulayile khwa sabu ya husopwa inumbula. 32 Yuda nu Sila, na Vavilisi, vavasopile inumbula avalongo hwa maacho molofi nuhuvasopa uludali. 33 Bada ya hutama msikha fulani uhwe, vatawanyiswe khwa Lutengamaso uhuhuma hwa valongo hwa vala vevatumilwe. 34 (Lakhini avonehine vunofi Sila uhusikala uhwe). 35 Lakhini Paulo na vangi vatamile hu Antiokia pamonga na vangi volofi, ambapo vavuliche nuhuhubili ilicho lya Mutwa. 36 Bada ya sikhu kazaa Paulo achovile khwa Barnaba , "Na tugomohe lino nuhuvatembelela avalongo mukhila khivuta petwahubilye ilicho lya Mutwa, na huvavona shevavele. 37 Barnaba asahaka piya uhumutekula pamonga navo Yohana yeakhemelilwe Malko. 38 Lakhini Paulo afikililaka silwaveli lunofi uhumutekula u Malko, yeavalekhile uhwe Pamfilia na siayendelyi navo mu khasi. 39 Nekhe apo khwa humye amabishano makhomi khwa hiyo vatengine, na Barnaba amutekwe u Maluko nuhusafili khwa meli mbaha hu Kipro, 40 Lakhini u Paulo amuchakwe Sila nuhuheka, baada ya hukabisiwa na valongo mu Lukano lwa Mutwa. 41 Na ahele uhulutila hu Shamu na Kilikia, ahaimalisa amakhanisa.