Matendo 13

1 Lino mu khanisa lya Antiokia, pavele ni baasi ya va vilisi na valimu. Vavele u Barnaba, Simeoni (yeakhemelilwe Nigeri). Lukio wa Kilene, Manaeni(mulongo yesiaveli va danda va Herode hiongosi va mukowa), na Sauli. 2 vavechike vahamuabudu u Mutwa nuhufunga, Umbepo Umwimikhe achovile, "Munditengelake palubali Bardaba nu Sauli, vayifanye ikhasi yendivakhemelelye." 3 Bada ya khanisa uhufunga , hunyilikha,nuhuvimba amavoho kavo ju ya vaanu ava, vavalekhile vahelele. 4 Khwa hiyo Barnaba nu Sauli vamutii Umbepo Umwimikhe na vayikhile uhuelekela Seleukia; uhuhuma uhwe vasafye hubahali huelekela huhisiwa sha Kipro. 5 Vavechike mu khivuta sha Salami, vatangasiche ilicho lya Nguluvi mumasinagogi ka vayahudi. Piya vavele pamonga nu Yohani Maluko ngita msayidisi vavo. 6 Vavevahele mu hiiwa shondi mbaha Pafo, vawene muunu fulani muhavi, Muyahudi muvilisi va vudesi, ambaye ilitawa lya mwene lyavele Bar Yeesu. 7 Muhavi uyu ashilikiyine nu Liwali Sergio Paulus, yeavele muunu umunya akhili. Muunu uyu avaalike Barnaba nu Sauli, khwasabu asahaka uhupulikha ilicho lya Nguluvi. 8 Lakhini Elima "umuhavi yula"(ewe ndyo ilitawa lya mwene shelyatafusiliwe) avapingile; ajalibwe uhumugevusa yula uliwali ahume hulufuvo. 9 Lakhini Ssauli yeakhemelilwe Paulo, avele amemichwe ni Umbepo Umwimike, amukasiche amikho, 10 na achovile "Uve mwana va Ibilisi, umemiche ni ayina chondi cha huchangwa nuvuzayifu. Uveve uvele aduwi va khila ayina ya haki. Sihacha wikoma uhugevua injila cha Mutwa, chechinyohile, je hacha wiwesa? 11 Lino ulolake, ilivoho lwa Mutwa livele hushanya hwa ho, na hacha wiva khipofu. Sihacha uhalivona ilichuva hwa musikha" mala hamonga uvukungu ni kilo yadimile ju ya Elimas; avangile uhusunguha pala anyilihaka avanu vamuuongose hwa humukhamula ilivoho. 12 Bada ya liwali uhuvona sheshahumye, aaminile, khwasabu ashangasiche hwa mafundiso uhuhusa u Mutwa. 13 Lino u Paulo na valafiki vamwene vasafwe mumakasi uhuhuma hu Pafo na vafihe Perge katika Pamfilia. Lakhini Yohani avalekhile nuhukomoha hu Yelusalemu. 14 Paulo nu lafiki vamwene vasafye uhuhuma Perge na vafikhe Antiokia ya Pisidia. Uhwe vahele mu sinagogi sikhu ya sabato nuhutama panyi. 15 Bada ya husoma isheliya na vavilisi, fiongosi va sinagogiavatumye uvujumbe vachovaka, "Mulongo, kama muna mola cha husopa inumbula avaaanu apa, muchovake" 16 Khwa hiyo Paulo ayimile nuhuvapungila ilivoho; achovile, "avakosi va hu Islaeli na yemuhamutii u Nguluvi,mupulikhichake. 17 Nguluvi va ava vanu va Islaeli avachakwe u Baba vetu nuhuvafanya avaanu vangi pevatamile mu inyi ya Misli, na hwa livoho lya mwene uhuyinulwa avaongosiche hwivala hwa mwene. 18 Khwa miaha alobayini avafumilye mu lijangwa. 19 Bada ya hukayananga Matayifa saba mu inyi ya kaanani, avapelye avaanu veetu inyi yavo khwa vulisi. 20 Amatukiyo aka kondi kahumye saidi ya myaha mya ine na hamusini. Bada ya finu ifi fyondi, Nguluvi avapelye avaamusi mbaha u Samweli Muvilisi. 21 Bada ya aka, vaanu vanyilikhe u Mutwa, ewe u Nguluvi avapelye Sauli mwanawa kishi, muunu wa kabila la Benjamini, uhuva Mutwa hwa miaha alobayini. 22 Kisha bada ya Nguluvi humuhecha mu vutwa , amuyinwise u Daudi uhuva Mutwa vavo.Yavele uhuhusu Daudi uhutya u Nguluvi achovile, 'Ndimupatile u Daudi umwana va Yese uhuva u muunu yeipendeswa ni numbula yangu; yehacha ifanya khila khinu shendi khela.' 23 Uhuhuma hulukolo lwa muunu uyu Nguluvi ayiletye Islaeli mkhombochi , Yeesu, ngita sheaahidile uhufanya. 24 Ili lyavangile uhuhumila, kabula ya Yeesu uhwicha, Yohana hwanja atangasiche uvuchabikhwa wa toba khwa vaanu vondi va hu Islaeli. 25 Nu mwene u Yohani avechike amalile ikhasi cha mwene, achovile,'mwifikilila unene yune ani?uneene ndyo yula. Lakhini mupulihichake, yeiyicha hunyuma yangu, sindihasihili uhulegesa ifilato fya magulu kamwene.' 26 Valongo, avana va lukolo va Ablahamu, na vala ambavo kati yenyo muhamuabudu u Nguluvi, ni hwaajili yetu uhutya uvujumbe uvu wa vukombochi vutumilwe. 27 Khwa vala yeviishi hu Yelusalemu, na vatawala vavo, sivamutambwe khwa vuhalisia, na wala sivavutambwi imola cha vavilisi ambao husomwa khila Sabato; khwa hiyo vatimilise imola cha vavilisi khwa humuhukumu ikhifo u Yeesu. 28 Japokua sivapatile isababu inofi khwa khifo mukati mwakhe, vamunyilikhe u Pilato amuubude. 29 Vavechike vamalile mambo kote kekayandihilwe uhuhusu umwene, vamu yisiche uhuhuma humubihi nu humugoneha mukabuli. 30 Lakhini u Nguluvi amufufwe uhuhuma hu Wafu. 31 Avonehine khwa sikhu njolofi khwa vala vevahele pamonga nu mwene uhuhuma hu Galilaya huelekela hu Yelusalemu. Avaanu ava lino vavele vashayidi va vaanu. 32 Ewe tuhavaletela imola inofi uhuhusu iahadi chevapevilwe avakuhu veetu. 33 Nguluvi avimbile iahadi ichi uhwetu, avaana vamwene, avaana vavo, mu ilyo amufufwe u Yeesu nu humukomosa hangi mu vuhayi. Ili piya liyandihilwe mu Zabuli ya khavili: 'Uveeve uvele mwanavangu, ilelo ndivele baba vaho' 34 Piya uhuhusu isalwesi ni kwamba amufufwe uhuhuma hu wafu ili uhutya umuvili kwa mwene kutane uhuhalibiha, alongelye de: 'Ndihhupela umwimikhe nu vuvalache halisi cha Daudi' 35 Iyi ndyo sababu achovile piya mu zabuli iyingi, 'sihacha uhaluhusu mtakatifu vaho uhuvuvona uvuvolachi.' 36 Khwa huva bada ya Daudi uhutumikhila uvuhelwa wa Nguluvi mu hipelela sha mwene, agonile, alasilwe pamonga nu baba vamwene, na avuwene uvuhalibifu, 37 Lakhini yeafufuliwe nu Nguluvi siavuwene uvuhalibifu. 38 Ewe na yimanyihake uhwenyo, valongo, uhulutila umuunu uyu, umusamaha kwa njanangifu kuhubiliwe. 39 khwa mwene khila yeiamini ivaliliwa ihaki na mambo kote ambako sheliya ya Musa hali siyihavalutila ihaki. 40 Ewe basi muvechake vaangalifu uhutya ihinu shevahilongelye avavilisi hitane uhuhumila uhwenyo: 41 'Lolake, unye yemwisalau, na muhashangaye na muhaangamile; kwa huva ndifanya ikhasi mu sikhu chenyo, ikhasi ambayo simwiwesa uhuamini, hata kama u muunu hacha ahavayelesa." 42 Umsikha u Paulo na Barnaba vavechike viheka, avaanu vavanyilikhe valongele amaacho aka isikhu ya abato yeyiyicha. 43 Umsikha umukutano kwa sinagogi kwavechike kusilile, vayahudi volofi na vaongofu sabiti vavafwatile Paulo nu Barnaba, ambao valongelye navo na vavahimisiche vayendelele mu lukano lwa Nguluvi. 44 abato yeyafwatye, kalibu khivuta hisima shakusanyikhe hupulikhicha ilicho lya Nguluvi. 45 Avayahudi vavevwene makutano, vamemichwe nu wifu nu hulongela amaacho kekapingile ifinu fyefyachovilwe nu Paulo na vamulikile. 46 Lakhini Paulo nu Barnaba valongelye hwa vujasili nu huchova, "yavele muhimu uhutya ilicho lya Nguluvi lilongelwe hwanja uhwenyo. Khwa huva mwisuhuma hutali uhuhuma uhwenyo nuhwivona uhuva hamukusitahili uzima wa milele, mulolake tuhavagevuhila amatayifa. 47 Ngita ambavyo u Mutwa ametuamulu, achovaka, 'Ndivavimbile unyenye ngita nulu hwa vaanu va Matayifa, uhutya mulete uvuokofu khwa pande chondi cha inyi." 48 Matayifa vavechike vapulikhe ili, vikhelye nu husifila ilicho lya Mutwa. Volofi vevachakuliwe khwa vusima wa milele vaaminile. 49 Ilicho lya Mutwa lya enie inyi yondi. 50 Lakhini avayahudi waliwasihi vevahitolye na vadala muhimu, piya na vafiongosi va Khivuta. Aka kakocheliche amateso zidi ya Paulo nu Barnaba na vavatakile khwivala mwa mibeto kya Khivuta. 51 Lakhini Paulo nu Barnaba vapumunile ulufuna mumagulu kavo. Nekhe vahabita mu khivuta sha Ikoniya. 52 Na vanyasule vamemichwe ni lukinikho pamonga nu Umbepo Umwimikhe.