1 Umsikha ukwe Umutwa Herode anyosiche ilivoho lya mwene hwa baasi ya vaala vevihuma hulikusanyikho ili uhuvatesa. 2 Amubudile u Yakobo mulongove Yohani hwa lipanga. 3 Baada ya huvona uhuva yihavapendesa avayahudi, amukhamwe nu Petulo hangi. Iyi yavele umsikh kwa mikate kyesiki chachwihi. 4 Ave amuhamwe, amuvimbile huligelesa na avimbile ifikosi fitayi fya askali nekhe fimulinde, avele italajila uhumusindiha hwa vaanu baada ya pasaka. 5 Petulo avihillwe muligelesa, lakhini amanyilikhe kafanyikhe khwa bidili ni likusanyikho khwaajili ya mwene khwa Nguluvi. 6 Sikhu kabula u Herode sina ahelela humuhecha, ikilo iyo u Petulo avele agonile katikati ya vaasikali vavili, na valinzi pavulongolo pa mulyango vavele vilinga iligelesa. 7 Ulole, umalayikha va Mutwa gafula akhamhumila nu mwanga kwing'ala mukati. Akhamtova uPetulo muluvafu nukhumlamsa akhatikila, ''lamkhe shang'ani.'' apo iminyololo kyeavele aafungilwe kikhafungukha ukhuhuma mumavokho kamwene. 8 Malayikha akhamchovela ''Fwale ikwanda chakho ni filato fyakho.'' Petulo akhafanya ewe. Malayikha akhamchovela, Fwale ilikwanda lyakho na andifwate.'' 9 Ewe uPetulo akhamfwata uMalayikha na akhahuma khwivala. Siafuvilwe sheshafanyilwe nu malayikha kama nde sha salwesi. Ahambwe ivona maono. 10 Baada ya khuluta ililindo lya khwanja nilya khavili, vakhafikha mu ligeti lya shuma lya khwingilila ukhuhelela khuboma, likhafungukha lyene khwaajilIi yavo. Vakhahuma khwivala vakhayikha mu mutaa, mala uMalayikha akhavalekha. 11 Petulo peeiyeliwe, akhatikila, ''Lino ndifuvilwe khuva Mutwa aamseng'ile uMalayikha vamwene nekhe ukhuhecha mu mavokho ka Helode,na khwa matekemelo ka vanu voha va khuvuyahudi.'' 12 Baada ya khumanya aka, akhicha mu nyumba ya Maliamu mama va Yohani ambaye ye Maluko; Vakhilisiti volofi vaakusanyikhe vakhavavinyilikha. 13 Ave ahodiche pamulyango kwa hisuwisi, mseng'wa yumonga muhinja yeikhemelwa Roda ayichile hufungula. 14 Avechike atambwe uhuva avuti ya Petulo, khwa fulaha alemilwe uhufungula umulyango; badala yakhe, anyilile mukati mushumba; nu huvajulisa uhuva u Petulo ayimile pavulongolo pa mlyango. 15 Ewe, vachovile hwa mwene, "uveve ulimwenda wasimu" lakhini alikazia uhuva salwei yu mwene. Vachovile "Uyo ye malayikha vamwene." 16 Lakhini Petulo ayendelye uhubishila, na vavechike vafungwe umulyango, vamuwene na vashangayile necho. Petulo avachiiche hwa livoho hichia hichisa na avachovyele jinzi u Mutwa sheamuhumiche huligelesa. Ahachova, 17 "muvajulise amambo aka u Yakobo na valongo vamwene."Nekhe ahaheka ahahelela sehemu yingi. 18 Khwavechike munyi, hwavele ni huzuni ngomi kati ya askali, uhuhusiya ni shehahumyele khwa Petulo. 19 Bada ya Herode uhumutemula na siamuwene avavuchiche avalinzi na ahaamulu vafwe. Ahele uhuhuma hu yahudi mbaha hu kayisalia nu hutama uhwe. 20 Herode avele ni hasila juu ya vaanu va Tilo na Sidoni. Vahele khwa pamonga khwa mwene. vahava nu vulafikinu Blasito msayidisi va mutwa, ili avatange. Nekhe vanyilikhe ulufuvo, khwasabu ini yavo yayanushe ishahulya huhuma mu inyi ya Mutwa. 21 Isikhu yeyakuudiwe Herode afwalile ifwalo cha khimutwa nuhutama muhidego shamwene sha himutwa, nuhuvahutubila. 22 Avanu vayovile, "iyi savuti ya Nguluvi wala siyo savuti ya mwanadamu!" 23 Mala gafula malayikha amutovile, khwa sabu avele siamupelyi u Nguluvi uvutukufu; livile ni chango na afwele. 24 Lakhini ilicho lya Nguluvi lya kulile nuhusambaa. 25 Bada ya Barnaba nu Sauli uhukamilisa ihuduma yavo vahumile pala vafihile hu Yelualemu, vamutekwe nu Yohana ambaye ilitawa lya huholwa ye Maluko.