¹ Kukabhalilo vaka ishiku inine, kukabha nu lukomano ulukulu, bhatakabha ni ifindu. U Yesu akabhitisha amanyili bhake akabhabhula, ² "Ingubhapelela ulukomano ulu, twikala nabho amashiku matatu bhata ni fyakulya. ³ Lingha nabhalagha ukuli bhabhukaghe mu twanya na munyumba shabho bwo bhali ni sala itibhashilike mu isla. Papo bhamu bhafumile kubhutali." ⁴ Abhamanyili bhake bhakamubhusha, "Tungwaghe kughu umukati iya kubhikutisha abhandu bhoshi abha muchisu ichi chicho bhachilekite?" ⁵ Akabhabhusha akati, "muli nayo imikati milinga?" Bhakamwamula bhati, "Tulinayo mihano na mibhili (7)". ⁶ Akabhalaghila ulukomano bhikale paase. Akegha imikate mihanu na mibhili, akipuuta kwa Chala, nikubheghulania. Akabhapa abhamanyili bhake bhakanyibhika mundashi yabhabho, bhope bhakabhayabhila ulukomano. ⁷ Bhope bhakabha ni iswi inandishe po akashisaya, akabhalaghila abhamanyili bhake bhabhayabhile fyope. ⁸ Bhakalya nu kwikuta. Nu kubhungania fiuyo fikalema bhakisusha utupombo utukulu tuhanu na tubhili tuhanu na tubhili. ⁹ Bhabho bhakalya bhakabha abhodufu bhana (4,000). Po akabhalagha bhoshi. ¹⁰ Nakalinga akingila mu bwato na bhamanyili bhake, nu bhakabhuka kulubhafu ulwaka aya Ndalimanuta. ¹¹ Po Abhafalisayo bhakisa kuse nu kubhusania nu kuti. Atumingwe nu Chala. Akasulumania mu ndumbwa yaake akati, ¹² "Koni kako akabhalilo aka abhakulonda ichika? Naloli ingubhabhula ukuti indangabhabhombele ichika nachimo abhandu abha." ¹³ Umwene akabhaleka, akingila mukati ubwato pamupene, akalobhoka inyanja nu kubhuka kwisila ilingi. ¹⁴ Akabhalilo ako abhamanyili bhake bhakiibwe ukwegha imikati. Lole mu bwalo bhakabha nu mukati ghumugweneshe. ¹⁵ Akabhasoka akati, "Mubhe maaso ingani ni nyambo lya Bhafalisayo ni ya Heloti. ¹⁶ Abhamanyili bhake bhakayughisania bhenebhene bhakati, ¹⁷ "Akuyugha bhubhubwo papo tutaa na mikati." U Yeesu akashaghania shisho nu kubhabhusha, "Koni mukuyughisania nu kushaghania? Indumbula shinyu shikali ngafu? ¹⁸ Muli na amaso, Mutakutesha? Muli ni ifyufwo, koni mutakupulika? Kali mutakukumbuka? ¹⁹ Bwo ingabheghulania imikati mihano nu kubhapa abhandu abho elfu bha bhano (5,000), mukabhungania utupombo tulinga utwa ifyakulya fifyo fikalema?" Utupombo, "kalongo na tubhili." ²⁰ "Bwo abheghulania mikati saba mihano na mibhili ukubhapa abhandu abho elufu bhanna, mukabhungania utupombo tulinga?" ²¹ Akabhabhula akati, "Saba." Pope mukali mutakushaghania?" ²² Bhakafika Bhetisayidi. Abhandu bhamubhakisa kwa Yesu umundu umufwa maso bhakamusuma uYeesu ukuti amwegheleshe. ²³ U Yesu akamwikata akakono yula umufwa maso, akabhuka nagwe kuseku kaya kala. Akafwila amati ghake kumwanya ku maso nu kubhika utukono twake kumwanya kukwake, akamubhusha, "Akati kutesha koni?" ²⁴ Akatesha kumwanya nukuyugha, "Ingubhabhona abhandu bhabho bhakughenda bhaghelile na makokwe ghagho ghakughenda." ²⁵ Umwene akagh'olosha sona utukono twake pa maso ghake, umundu yula akalatula amaso ghake, po akapona sona akatesha akandu koshi kisa. ²⁶ U Yesu akamubhula abwelaghe kunyumba nu kumubhula, "Manye ughendelaghe mu kaaya." ²⁷ U Yesu akatila na bhamanyili bwake bhakabhuka mu twaya utunandi ututwo tukabha mulubhafu mu Kayisali ya Filipi. Bwo bhali musila bhakabhusha abhamanyili, "Abhandu bhakuyugha une bhakuti ne gwini?" ²⁸ Bhakamwamula bhakuti, "Yohani umuloshigwa. Abhanine bhakuti ugwe gwe gwini, 'Eliya' ulumunine Umusololi." ²⁹ Akabhabhusha, "Lole umwe mkuti une negwini?" U Peteli akamwamula akati, "Ugwe gwe Kilisti." ³⁰ U Yesu akabhakanisha ukuti manye bhamubhulaghe umundu yumo ukuti gwi Kilisti. ³¹ Akanda ukubhamanyisha ukuti une ne Mwana ugwa Mundu shimbaghile indamyo inyingi, nu kukanigwa na bhosongo, abhalongoshi abha bhakuhani abhamanyishi, na abha ndaghilo nu kughoghigwa, nu kushuka bwo ghakinda amashiku matatu itakashuke. ³² Akabhabhula shoshi isho pabwelu. Po uPeteli akamwegha akabhuka ngwe palubhafu akanda ukumukemela. ³³ Lole uYesu akasanuka akabhatesha abhamanyili bwake akamukemela uPeteli akati yila kumaso ghangu gwe setanu! Hutakupasha imbombo ya Chala, shisho kulonda isha bhandu." ³⁴ Akachitisha ichilundilo na bhamanyili bhake pamupene, nu kubhabhula, "Pala umundu gweshi yuyo akwonda ukungonga une po ikane mwene, apimbe ichikohekano chake, angongaghe. ³⁵ Gweshi yuyo akulonda ukupoka ubwumi bwake itiakapotwe, na gweshi yuyo akulonda ukusofya ubwumi bwake kunongwa yangu nakunongwa iya ibhagheli, iti akapone. ³⁶ Akukabha koni umundu, ukubwagha ubhukabhi ubwa chisu choshi nu kusofya ubwumi bwake? ³⁷ Umundu abhaghile ukutisha koni ukupyanisha pa bwini bwake? ³⁸ Gweshi anyanaghe une na mashu ghangu ku bhandu abha kabhalilo aka kwako bhakubhomba ubhushipani na abha mbibhi, une ne umwana ugwa mundu nune itingamukane pala akwisa nu bhukulumba ubwa Tata gwangu pamupene na bhandumi abhelu.