¹ Abhafalisayo bhamu na bhamanyili bhabwo bhakafuma ku Yerusalemu bhakabhungana nu kumushughulila umwene. ² Bhakabhabhwona abhamanyili bhake bhakulya imikate nu tukono utunyali; abhene bhatakasukusula. ³ Abhene abhafalisayo na bhayuta abhanine bhatakalyanga mpaka bhapyani sania ukusukusula mu tukono twabhwo utwisa, bhakashikola inyiho isha bhasongo. ⁴ Abhafalisayo bhakanghaluka ukufuma ku munalo, bhakatangagha taashi ukwelufya umubhili gwoshi. Nakuli ni inyiko shisho bhakapokela ishingi ingani isha kusuka ifikombe, isefulula, ni vyomboifa maka, ni vitengu vivyo tukwikalila inga yulyange.) ⁵ Abhafalisayo na bhamanyili bhakamusha UYeesu, ''Kooni abhamanyili bhako bhatakukonga inyiho isha bhosongo bhitu, lole bhakulya mkate chishita kusukusula utukono?'' ⁶ Lole umwe ingubhabhula, ''Yesaaya umusololi akagholosha akisa lole umwe akabha simbila, ''Ebhandu abha bhakunghindike ku mashu ghabho loole ndumbula shabho bhali kutali nuune. ⁷ Bhakumbombela ukunyiputa kukwo kufa, nu bhubhaghile bhumo bhakumantisha inyiho isha bhandu nu kushubhika ingati ndaghilo shangu.' ⁸ Mushilekite indaghilo isha Chaala lole mukushikola inyiho isha bhandu.'' ⁹ Akayugha akati, ''umwe mshilekite ndaghilo isha Chala mukubhwombela isila inyingi ukuti lole mushikole inyiho shinyu! ¹⁰ Isa mumwo Umose akalaghila, ''Umughindikaghe ughuuso nu nyoko, 'na 'Yuuyo akumutuka ugwise nu ng'ina shimubhaghilaghe ukuti afwange.' ¹¹ Lole umwe mukubhamanyisha abhandu mukuti, pala alinacho icha kumupa ugwise pamu ung'ina, ''Lolepala aati akandu aka kolobhani,''' (kwo kuti ifya kumupa uchala') ¹² Po mukumukanisha umundu ukuti manye umutulaghe kamu ugwise pa ung'ina. Mukwifunya indaghilo iya chala nukubhomba inyingi isha lukolululwo. ¹³ Akalwitisha utukomano sona nu kubhabhwa. Mupulikishange une mweshi nu kushaghania.'' ¹⁴ Nakamu kaako kakufuma kuse ku mundu chicho chibhaghile ukumunyasha umundu, ¹⁵ lole akandu kako kakufuma mukati mu mundu kakako kakumupelela ubhunyali. ¹⁶ ( Ukole ingani: umustari hughu, ''Ingati mundu gweshi yuuyo ali ni fyufwo ifya kupalikila, gwe apulikaghe''ghuta mundaghilo isha bwila.). ¹⁷ Uyeesu akaluleka ulukomano nu kwingila munyumba, abhamanyili bhake bhakamubhusha abhalingania isha chifwanikisho chila. ¹⁸ UYeesu akabhabhusha, ''Ukuti kali numwe mutakushangania? Mutakutesha ukuti choshi chicho chikwingila ku mundu chita kumupelela unyali, ¹⁹ Lole papo chitakwingila mukati mu ndumbwa yake, paki chicho chikulingila mkati kake pakatashi chikufuma nu kubhuka ku chooni.'' Akayugha bhubhubwo akafyitikisha ifyakula fyoshi ukuti fyisa. ²⁰ Akayugha, ''Akati akandu kako kakufuma mukati mu mundu kokako kakupela unyali. ²¹ Papo kakufuma mkati ya mundu, kuse kundumbula, kukufuma inyinong'ono imbibhi, ubhushipani, ubulifi, ubhughoghi, Ubhulogwe ifinyonyula ifibhibhi, ubwihino, ²² muumyashi, ukukokana, ukunyonywa, amahelu, amatingo, nu bhukanyofu. ²³ Imbibhi ishi shoshi shikufuma mkati, shoshisho shikumupelela umundu ubhunyali.'' ²⁴ Akalamusha nu kutila pala nu kubhuka mu bhuyo ubwa twaya utwamuteli utwa Tiilo na mu Sidoni. Akingila mkati manya bhamanye ukuti aliipo pa bhuyo bhula, lole pope akapotwa ukwimana. ²⁵ Lole nakalinga umukolo, yuyo akabha ni mwana gwake umulindu akabha ni mbepo inyali, akapulika akapango kake, akiisa nu kutaagha mutuluneli twake. ²⁶ Umukolo yula akabha mughiliki, ugwa chikolo icha Bhasilofaniki. Akamusuma ukuti ashikishe imbepo inyali mu mwana gwake. ²⁷ UYeesu akamubhula akati mukolo, ''Bhaleke abhana bhikutte taashi, papo kataa kisa ukwegha ifindu ifya bhana nu kubhataa ghila abhokabwa.'' ²⁸ Lole umukolo akayugha nu akati, ''Naloli malafyale, lole na bhokabwa bhabha bhali pase pa meesa, bhope bhakulya utubhululusha tuutulo tukagwa paase.'' ²⁹ Akamwamula akati, ''Kunongwa iya ishu lyako bhukagha. Imbepo nyali shatila mu mwana gwako.'' ³⁰ Umukolo akaghaluka kungumba yake akamwagha umwana gwake aghonite pa chitala, ni mbepo yila yatita. ³¹ UYesu akatilamulo mu kaya aka mu Tiilo akaghendela ku Sidoni nu kughendela ku nyanja iya Ghalilaya mukati mu chisu leha Ndekapoli. ³² Bhakisanu mundu yumo yuuyo akabha gwafipuli na sona akabha gwi chinunu, bhakamusumu UYeesu ukuti abhike utukono papake nu kumuponesha. ³³ Akatila nagwe kuse pa chilundilo icha bhandu mwene, nu kubhika utwana utwa tukono mu fyufyo fyake, po akafulila amati, nu kweghelesha ululimi lwake. ³⁴ Akatesha kumwanya, akeshela kumaka, akamubhula akati, ''Efata, ''Kwo kuti ''Ighuka!'' ³⁵ Po ifyufwo fyake fikighuka, nu lulimi lwake lukaabhuka, na aka nda ukughalosha ingani. ³⁶ Akabhalaghila ukuti manye bhamubhulaghe umundu nayumo. Lole na papo akabhalaghila, pope bhakongelaghashe ukufumusha. ³⁷ Naloli bhakaswigha ingani, bhakati, ''Abhomba shoshi akisa, aabhatula abhafipuli ukupulika nu bho chinuunu ukuyugha.''