¹ Bhakisa mkati ulubhafu unyanja bhakafika kulisiila, mu chiisu icha Bhaghelesi. ² Bwo UYeesu iiko ukufuma mu bwato umundu yuuyo akakoli gwa ni mbepo inyali akisa ukufuma ku mapumba. ³ Umundu uyu akikalagha ku mapumba. Atakabhapo ugwa maka ugwa kumukanisha sons atakabhapo umundu ugwa kumupinya ni minyololo. ⁴ Utubhalilo utwingi akabha bhamupinyite ni mbingu ni minyololo. Paapo akalatulanianga iminyololo ni mbingu shake shikame nyuka. Atakabhapo na yumo ugwa maka ugwa kumuputa. ⁵ Pabhushukuna pamuusi, umundu yula akikalagha kumapumba na mutughamba, akayweghaghaleka sona akibheghanianga na manyondo amakali. ⁶ Bwo amubwona UYeesu pa bhutali akamukinelilila nu kufughamila umundashi mumwake. ⁷ Akakuta kwishi ikulu akati, ''Indi kooni nuugwa gwe, Yeesu, mwana gwa Chala ugwa pamwanya ingani ingusuma kwa Chala ukuti manye ghundesaghe.'' ⁸ Ingukusama mu ngamu iya chala manye ghundanyange.'' ⁹ Umwene akamusha, ''Ingamu yako gwewini?'' Umwene akamula, ''Akati ingamu yangu ne Legion, po tuubhingi.'' ¹⁰ Manye utukiishange mu chiisu ichi. ¹¹ Pa bhuyo bhula ghukabhapo umutiimo umukulu ugwa ngulubhe shisho shikalyanga mu bwilomuka ubwa kaghamba, ¹² Abhene bhakatiyugha bhakati, ''Twitikishe twingile mu ngulubhe shila.'' ¹³ Umwene akitikisha; imbepo inyalo shitile nu kwingila mkati mu ngulubhe, ishene shikakinda mutughamba mpaka munyanja, shikabha ingulubhe abho elufu (2,000) shikakinda munyanja. ¹⁴ Bhabho bhakabhapo pala bhaka lishanga ingulubhe bhakakinda nu kutisha shisho shoshi bhakashibhona mutwanya twoshi utunandi nu kulingania. ¹⁵ Bwo bhafika kwa Yeesu bhakamwagha umundu yumo yuuyo akaligwe ni mbepo -- ali gwi jeshi -- ikile pase, akwatite imyenda ali na mahala ghake ghoshi, po bhakong'opa. ¹⁶ Po bhabho bhakatashanga nu kushibhona kumundu yuyo akakolingwa ni mbepo bhaka mubhula chochilikwo kukwake pamupene ni nongwa sha ngulubhe shila. ¹⁷ Po abhene kanya bhakamusuuma Uyeesu ukuti atilemulo mu chisu chabho. ¹⁸ Bwo bhakwingila mukati mu bwato, umundu yula yuuyo akakolighwa ni mbepo inyali akasuma ukuti amakongaghe. Umwene atakamwitikisha, ¹⁹ ''Loole akamubhula akati , bhukagha ku kaaya kakono ku bhakamu bhako, uye ubhabhule, mbombo shoshi shisho umalafyale akabhombele nu kukupelela ichisa.'' ²⁰ Umwene akabhaka akandu ukulingania imbombo inyisa yiyo UYeesu abhombite kukwake mukaya aka mu Dekapoli, po abhandu bhoshi bhakasuli ghagha. ²¹ Akabhalilo kako UYeesu akalobhaka sona kwisiila ilingi, bwo ali mkati ubwato ichilundilo icha bhandu chikamu shungulika bwo ali mulubhafu, ulwa nyanja. ²² Po akisa umundu yomo umulongoshi ugwa sinaghoghi, akabha gwi Yayilo, akisa, bwo aamubhona, akafughama mu tulundi twake. ²³ Akamusuma ingani akati, ''Mwana gwangu umwindu mubhine leka ali papipi nukufwa. Ingusuma, gwise ubhike utukono twako pamwanya papake ukuti apone nu kusha mwumi.'' ²⁴ Po akabhuka pamupene na gwe ichilundio ichukulu chikamu kongagha ni kufinyana finyana mu mbafu. ²⁵ Kukabha nu mukolo yumo akafuma ibhanda ku kabhalilo aka ifyinja kalongo na fibhili (12 ). ²⁶ Akatesigwa ingani nu kubheta leka ku bhaghanga abhingi nu kutagha ichuma chake choshi chicho alinacho. ²⁷ Ubhubhine bhula bhukongela ukukinda kubwandilo. Akapulika akapango aka Yeesu. Bwo afika kuyuma yake akiyughania mwene mu ndumbula yake. ²⁸ Mundumbula yake akati, ''Pala negheleshaimyenda yako itimbe mukafu indimbone.'' ²⁹ Bwa amweghelesha, nakalinga ibhanda lyake likuuma, po umukolo yula akibhona mu mubhili gwake ukuti ubhubhine bwapona. ³⁰ Nakalinga UYeesu akamanya mkati kake mwene ukuti maka ghamu ghamutiila. Akasanuka kuno na kuno kuchilindilo cha bhandunu kubhusha, ''Gwini yuyo anyeghelesha imyenda yangu?'' ³¹ Abhamanyili bhake bhakamwamula, ³² ''Bhakati kuchibhona ichilundilo icha bhandu abhingi abhatutabhaghile, ukumanya ukuti, ''Guli ni yuyo akweghelesha?''' ³³ Umukolo, yula akashaghania umwene chocha bhoneka kukwake, akaghopa nu kubhanutende. Po akabhuka nu kufughama paase mu ndashi yake nu kumubhula ubwanaloli bwoshi. ³⁴ Akayugha akati, ''Umulindi, gulangu ulwitiko lwamuponisha.Bhukagha nu letengana ghapona ubhubhine bwako.'' ³⁵ Bwo akati ali pakuyugha, bhakisa abhandu ukufuma ku bhalongoshi abha sinaghoghi, bhakamubhusha bhakati, ''Umwana gwako umulindu atuleka.Manye twendelelaghe ukumtamya umumanyishi?'' ³⁶ Loole UYeesu akapulika chicho bhakayughagha, akabhabhula bhwosongo abha sinaghoghi, ''Manye gwoghopaghe endelela gha ukwitika.'' ³⁷ Atakamwitikisha na yumo ukukongana nangwe, lole bhene Upeteli, Uyakobhu, nu Yohani, ugwamwabho ugwa Yakobhu. ³⁸ Bwo abafika munyumba ya mwongoshi gwa sinaghoghi akauwona umuywegho, nu kulila ukwingi. ³⁹ Bwo ingila munyumba, akabhausha akati, ''Kooni kake mukuswiigha na koni mukulila? Umulindu uyu atafwile apitiileshe.'' ⁴⁰ Lole ubhene akaseka nu kumufunya bhwoshi kuuse, akamwegha ugwise nu umwana nu ng'ina na bhabhwo bhakabha pamupene nagwe na akingila na kati nyumba mumwo umulindu akabha. ⁴¹ Akamwikata akakono umulindu yula nu kumubhula, ''Talitha kumu (kwo kuti mulindu ngukubhula nyatuka).'' ⁴² Nakalinga umwana akima nu kunghenda papo akabha ni fyinja kalongo (12). Nakalinga bhakaswigha ichiswigho ichukulu. ⁴³ Akabhabhula ku maka akati nayumo yuyo abhaghile ukumanya ishi akabhabula akati bhampe umulindi ifya kulya.