¹ UYeesu akabhuka sona kulubhafu ku nyanja na kwanda ukumanyisha. Panongwa iya chilundilo icha bhandu bhabho bhakamu sunginianga, UYeesu akabhuka nu kwikala mu bwato ukuti abwaghe ubhuyo ubwa kubhamanyisha. ² Lole abhandu bhoshi bhakikala pa chisu ichikafu kulubhafu kunyanja. UYeesu akamanyisha inongwa nyingi kusila iya chifwanikisho, ichafwanikisho chake chimo akati. ³ Pulikisha, umulumi yumo akabhuka pakupesa imbeyu. ⁴ Bwo ali pakupesa imbeyu inyi yimo yikangwa mulubhafu mu sila, utuyuni tukisa nu kulya. ⁵ Imbeyu iyingi yikagwa pamayondo, yikamela lubhilo papo ilongwi litaka ya pase ingani. ⁶ Bwo akamu kakubhala imbeyu shila shikuma papo imishu, yake yikabha pamwanya. ⁷ Imbeyu inine yikangwa pa mwifwa. Po Umwifwa yikakulanu kushishi ghila, imbeyu shila shitakamela iseke shimo. ⁸ Imbeyu iyingi yikagwa pilongwi ilyisha, shikamela nu kukula, shikile iseke nyingi, imbeyu shimo ,ukutu mbeyu yikile iseke amalongo matatu (30), imbeyu inine ukuti ukuti mbeyu yikile iseke amalongo mahanu nalimo (60), imbeyu inyingi ukuti mbeyu yikile iseke amalongo kalongo(100)''. ⁹ Po akabhabhula akati, ''Umundu yuyo ali nifwufwo ifya kupulika apulikaghe!'' ¹⁰ UYeesu na bhamanyili bhake pamupene na bhandu bhamu bhakatila pa chilundilo chila ni kwinyekila bhene po akabhabhusha isha fifwanikisho fila. ¹¹ Umwene akamula akati, Uchala. Abhapile umwe ukushaghania inongwa isha bhutitu isha chitangalala chake, lole abhandu abhanine bhala indimbanyishange akandu koshi ku fifwanikusho, ¹² Ukuli, bhateshange lole manye bha shibhonaghe. Bhapulikaghe lole manye bhashaghania ghe ukuti manye bhakapindukange nu kuhobho keligwa nu Chala.'' ¹³ Po UYeesu akabhabhusha abhamanyili bhake akati, ''Kali numwe mutakuchaghania ichifwanikisho ichi? Mubhaghile bhilele ukushaghania ichi nikisho ifingi?. ¹⁴ Umulimi yula yuuyo akapesagha ishu ilya Chala. ¹⁵ Abhandu bhamu bhaghelile ni mbeyu shisho shikagwa mwubhafu mu sila. Abhandu abha, bhobhala bhakupilika ushu ilya Chala, lole nakalinga usetani akwisha nu kutisha ishu ndumbula shitu. ¹⁶ Abhandu abhangi bhaghelile ni mbeyu shisho shikagwa mu manyondo, abhandu abhwo bho bhala bhakupulika ishu, nakalinga bhakulipokela nu sekelo. ¹⁷ Lole ishu itakwikalamwo nu kukota akisa mu ndumbula shabho, po likulikala akabhalilo akapimba. Linga indamyo inyingi ukufuma ku bhandu shabhagha panongwa iya lishu, abhandu abha bhakulileka ishu lila. ¹⁸ Abhandu abhanine bhaghelile ni mbeyu shisho shikangwa pa mulifula bhobhala bhakupulika ishu, ¹⁹ Lole linga shisho indamyo isha mu bwumi bwabho, pamu ukushimba lingwa nu tandu utwingi utundu twoshi two two tukulishinghila ishu manye lipapaghe iseke. Lole abhandu abhangi bhaghelile ni mbeyu shisho shikagwa pilongwi ilyisha. Abhandu abha bho bhala abhakupulika ishu nu kulipokela: ²⁰ Lyope ishu likupapa iseke mu ndumbula shabha bhamu kwo kuti yumo akapapa iseke yomo iseke amalongo matatu(30) amalongo mahamu nalimo (60) abhangi kwo kuti yumo akupapa iseke malongi kalongo (100).'' ²¹ UYeesu akabhanyisha abhandu sona akati, ''Ngimba gwini yuyo akukosha inyale nu kuyifunika pamu akuyibhika pase pa chatala? Bhule atakuyikosha nu kuyibhika pamwanya. ²² Akandu koshi kako kafifigwe itikakifunuligwe pabwelu. ²³ Umundu yuyo ali ni fyufywo ifya kupulika, gwe apulikaghe!'' ²⁴ UYeesu akabhambula, ''Sona akati, pulika shanga akisa shisho ingubhabhula, papo ichipimilo chicho mukumpimila chochicho ilingabhapimilange umwe sona nu kwongelapo. ²⁵ Umundu yuyo ali nako akanandi, itiakapekeka.'' ²⁶ UYeesu akabhabhula sona akati, ''Ichita nyala cha Chala chili ulu umundu yumo akapesa imbeyu mu mughundu gwake. ²⁷ Bwo apesa akanghona utulo po ilya ni ngelo lyake pangelo, akamusha nu kwagha imbeyu shila shimelite, lole atakamanya mumwo shikamelela. ²⁸ Ichisu chene chochicho chikushimesha imbeyu nu kushikusha sona nu kupelesha iseke; ²⁹ kubwandilo imbeyu yikupapa ilyani sona yukupapa ichisasali, po pabhumalilo, yikupapa iseke mu chisasali. Bwo iseke shela umundu akubhaka pa kwinula.'' ³⁰ UYeesu akabhabhusha sons akati, ''Hifwanikishe chitangalala icha Chala na kandu aka kubhombela ichifwani kisho ichinine?. ³¹ Ichitangalala icha Chala chili ulu iseke isha mwitaka nandi ukukinda iseke shoshi shisho abhandu bhakubyana mu mughunda. ³² Lole pala bhakabyala akaseke akamwitaka kakumela nu kukula, po kakubha kakulu ukukinda imbeyu shoshi isha libhongha mumughunda utusamba twake tukubha tukulu, nu tuyuni twope tubhaghile ukutenga ififumbo mu tusamba twake.'' ³³ UYeesu akamanyishanga mufifwanikisho ifyingi isa fifyo ukukongana na mumwo bhakapulikagha nu kushaghania, ³⁴ Atakabhamanyishanga shimo chishita kubhombela ififwanikisho, lole akabhalilo kako akabha na bhamanyili bhake kubhutitu, UYeesu akabhalinganikunga shoshi pabwelu. ³⁵ Ishiku lila bwo lyabha iya namasubha, Uyeesu akabhambula abhamanyili bhake akati isagha tubhuke ulubhafu lwa ubhili''. ³⁶ Po bhakachileka ichilundolo, bhakamwegha UYeesu, bhakingila mu bwato pamupene nagwe. ³⁷ Po ichikungu chikisa na maka ubwato bhula na mishi ukanda ukwisula na bweto. ³⁸ Umwene UYeesu akabha aghonite ku bwato nu kupitila, bhakamwamusha, nu kumubhwusha, mumanyili, akali utakunyomoka pa tukufwa?'' ³⁹ UYeesu akalamusha nu kuchikemela nu kunyibhula nyanja akati, ''Sumba, bhe myee''. Ichikunyu chikasumba kukabha myee. ⁴⁰ Po akanyugha akati, ''Tesha muli bho gha? Kali mukali mutaanu lwitiko?'' ⁴¹ Bhakabha nulutende ulukulu mkati kabhwo bhakausalya bhene bhene nu Gwe gwini uyu yuyo ichikungu ni nyanja fyoshi fikumupulika?''.