¹ Akabhalilo aka bhakabha bhakisa mu Yerusalemu, bwobhakupalamila mu Bethifaghe na Bethania, na muKaghamba aka Imishughuti, uYesu akabhatuma bhabhili mu bhamanyili bwake ² akabhabhula, "Bhukagha mu kaya kako kali pipi nutwe. Bwo mukilingila umwo, itimuyaghe inyanalye mbunda yiyo bhatakwelite po muyabhule mwisaghe nayo. ³ Pala yuyo gweshi akubhabhula, 'Koni mukubhomba shishisho'?, mu mwamule, 'Umalafyale akuyilonda itiayighalushe lululu panu panu'." ⁴ Bhakabhuka nikuyagha inyana iya mbunda bhayikungite kuse ku mulyango ugwa musebhwo gwoghwibwashi bwope bhakayabhula. ⁵ Bhamu bhabho bhakabha bhimite pala nukubhabhula, "Mukubhwomba koni, mukuyabhula inyana iya mbunda?" ⁶ Bhakamubhula ugwe Yesu akabhabhulila, na bhandu bhakabhaleka bhabhukaghe. ⁷ Abhamanyili bhabhili bhakisa ni inyana iya mbunda kwa Yeesu nu kalisha imyenda yabho pamwamwanya yake ukuti uYesu itoghe teepo. ⁸ Abhandu abhingi bhakalisha imyenda yabho yimo mu musebwo bhamu bhakalishanga mutusamba two bhakendite ukufuma ku mashamba. ⁹ Bhabho bhakabhuka mundashi yake na bhabhwo bhakamukongagha bhakanywegha, "Asayigwange! Atuligwange yuyo akwisa mu ngamu iya mala fyale. ¹⁰ Usayigwange ubhunyafyale bhwo bhukwisa ubwa taata gwiitu uNdaudi! Atufigwanye yuyo alikumwanya" ¹¹ Po uYesu akingia mu Yelusalemu nu kubhuka ku nyumba nu kutesha choshi chila. Po akabhalilo kakabha kakinda, akabhuka Bhetaniya pamupene nagwe kalongo na bhabhili. ¹² Ishiku lilyo likakonga, akabhalilo ako bhakaghaluka ukufuma Bhetaniya, bhakabha ni isala. ¹³ Po akatesha umukokwe iya mukuyu lili na mani kubhutali akabhuka pakutesha iseke shimo pamwanya yake. Na kabhalilo ako akabhuka ukwo, ataka chagha na chimo lole amani, iseke katakabha kabhalilo akakwela iseke. ¹⁴ Akalibhula, "Nayumo gweshi yula yuyo atakalye iseke ukufuma kukwako sona". Na bhamanyili bwake bhakapulika. ¹⁵ Bhakisa ku Yelusalemu, gwepe akingila mu nyumba nu kwanda ukubhatisha kuse abhakughulisha ni kughula mukati mu nyumba. Akafighalabhula ifitalati fyabho bhabhwo bhakafunjagha ihela ni fitengu fyabhwo na bhabhwo bhabhwo bhakaghulishanga ingunda. ¹⁶ Bhatakamwitikisa nayumo ukwegha chimo mu nyumba chicho bhakalishanga. ¹⁷ Akabhamanyisha nu kuyugha, "Ule shitasimbigwe mu nyumba yangu itiyikabhe nyumba iya nyiputo ku fyisu fyoshi'? Lole muyipelite ukubha mbako iya bhachinja chinja." ¹⁸ Abhalongoshi abhwosongo na bhamanyili bwo bhapulika shishisho ayugha bwope bhakalonda isila iya kumughongha. Papo bhakoghopa leka panongwa iya chilundilo chikabhaswigha ni fimanyisho fyake. ¹⁹ Bwo lyafika ilya namasubhe, bhakatilamwo nu kaya kala. ²⁰ Bwo bhakungenda pangelo, bhakatesha umukokwe gwa sekeghumite mwoshi ufuma pi kolo. ²¹ U Peteli akakumbuka nukuyugha, "Rabhi! Tesha, ikokwe ililyo gwalighunite lyumite". ²² U Yesu akabhamula, "Mubhange nu lwitiko kwa Chala. ²³ Naloli ingubhabhula nguti linga gweshi yuyo akukabhula akaghamba aka, 'Tila, uye gwiponie ugwe munyanja, 'na inga utakwilamwa mundumbula yako lole litike ukuti shisho akayugha chikubhwombigwa ulyolyo Uchala itakabhwombe. ²⁴ Po ighubhabhula: kuli choshi cho mukusuma nu kubhusha kunongwa yangu, ikwitika ukuti indipokele, fyope itifikabhe fyugu. ²⁵ Bwo mukulima nu kuliputa, mkulondigwa ukuhobhokela choshi chomulinacho ukukinda fyoshi fifyo ulinavyo, gwe ukuti Utata gwinyu ugwa kumwanya akabhahobhwokele numwe imbibhi shinyu. ²⁶ (Ukukola: Umusitari ughu, "Lole lingauahobhwokela, gwepe Utata gwinye ugwa kumwanya itakabhahobhokele imbibhi shinyu utalimwo mumasimbo anghambila). ²⁷ Bhakisa ku Yelusalemu sona. Bwo uYesu alipo akughenda ku nyumba, abhalongoshi abhasongo, abhusimbi na bhang'ome bhakisa kukwake. ²⁸ Bhakamubhula, "Kubhwomba kumaka ghani imbombo isho?" Gwini akupile amaka agha kubhombela imbombo isho?" ²⁹ U Yesu akabhabhula, "Itimbabhushe ishu limoiyene. Munyamwe numwe itimbabhule amaka agha gho ingubhombela imbombo isho. ³⁰ Kali, ukwosha kwa Yohani kwa fumite kumwanya pamu kwa fumite kumundu? Munyamule." ³¹ Bhakayughisania bhene bhabhwo nu kupotana nu kuyugha, "Linga twayugha, 'Ukufuma kumwanya,' indiayughe, 'Ukuti koni aka mukakamwitika?' ³² Lole linga twayugha, 'Ukufuma ku mundu,'..." Itibhakoghope abhandu, papo bhwoshi bhakakola ukuti uYohani ali Musololi. ³³ Po bhakamwamula uYesu nu kuyugha, "Mutamenye. Popo uYesu akabhamula, "Nune indambabhula ku maka ghaki ghagho ingubhombela imbombo isho.