¹ U Yesu akatila pa bhuyo bhula akabhuka ku chisu icha Uyahudi ni chisu icha pandashi pa Lusoko ulwa Yolotani, nu lukumano lukamukonga sona. Akamanyishanga sona, akatingi isamumwo shikabela ukubwomba. ² Po Abhafalisayi bhakisa pakumughela nu kumubhusha, 'Kali kisa umwisha ukwekana nu mukashi gwake?" ³ U Yesu akabhamula, "U Mose abhalaghile koni?" ⁴ Bhakayugha, "U Mose akitikisha ukusimba ukalata nu kulekana nu kumukisha umukolo." ⁵ "Kunongwa iya kuti indumbula shinyu ngafu popo akabha simbila ululaghilo ulwo," uYesu akabhabhula. ⁶ "Lole ukufuma kubwandilo ubwa bhupeli, 'Uchala akamupela umwisha nu mukolo.' ⁷ Panongwa iyi umwisha itiakamuleke ugwise nu ng'ina gwake itiakabhakomanye nu mukashi gwake, ⁸ bhope bhabhili itabhakabhe mubhili ghumo gwene, po bhabhili abha bhatabhakabhe bhabhili sona. ⁹ Po chicho achikomamlya Uchala, umundu achikaniange." ¹⁰ Bwo bhali mukati mu nyumba abhamanyili bwake bhakamubhusha sona ukukongana nili. ¹¹ Akabhabhula yuyo amuleka umukashi bwake nu kwegha umukolo umunine, akumwomba uushipani ukukinda kubwandilo. ¹² Umukolo yuyo asoko ku mulume nu kwighigwa nu mulisha uyungi gwepe akubwomba icha ushipani." ¹³ Bhamu bhakisa na bhama abhakeke ukuti abhegheleshe, lole abhamanyili bhakamukemela. ¹⁴ Lole uYesu akamanya isho, shitaka mubwosha isho nakamu akabhabhula, "Bhaleke abhana abhakeke mbise ku kwanga, manye mubhakanaghe panongwa inyi bhabulo bhali ni chita ngalala icha Chala. ¹⁵ Nalole ingubhabhula, gweshi yuyo atakupokela ichitangalala icha Chala ingati bhana abhakeke nalole atakingile ku chitangalala cha Chala. ¹⁶ Umwene akabhegha abhana mutukono twake pamwanya pabhwo. ¹⁷ Bwo anda ukughenda sona umundu yumo akamukindilila nukufughamula ifipefu pandashi papake, akamubhusha, "Mwalinu Mwisa, imbombe koni ukuti imbwaghe ubwumi ubwa bwila?" ¹⁸ Po uYesu akayugha, "Koni kako kunyugha une ukubha mwisa? Ataliko nayumo umwisa, lole Uchala mwene. ¹⁹ Ushimenye ingomelesho isha kuti manye ughoghaghe, manye ushipanaghe, manye gwibhaghe, manye uyughaghe, ubhumyashi, manye uyughaghe, ubhaghindikaghe ughuso nu nyoko'." ²⁰ Umundu yula akajugha akati, "Mumanyishi, ishemenye shoshi ukufuma bwokali ndi mnaneli." ²¹ U Yeesu akamutesha nu kumughana. Akamubhula, "Kalemite akandu kamukene. Kulonda ghulishe fyoshi fifyo uli nafyo ubhape abhapina, nugwe itilikapokele umufwalo kumwanya. Po gwise ghungongaghe." ²² Lole akashita lwoshi panongwa iya mashu ghala; akatila nu kusumania, papo akabha ni chuma chingi. ²³ U Yesu akakelengania kuno na kuno nukubhabhula abhamanyili bhake, "Kupala leka kubhakabhi ukwingila ku chitangalala cha Chala! ²⁴ Abhamanyili bhakaswigha leka ku mashu gwake. Lole uYesu akabhabhula sona, "Bhana, kupala ukusubhalila ubhukabhi bwabho ukwingila ku chitangalala icha Chala! ²⁵ Kupepe ingani ingamila ukughenda kukashi aka sindano, ukukinda umundu umukabhi ukwingila ku chitangalala cha Chala." ²⁶ Bhakaswigha leka nu kubhusania, "Gwini yuyo abhaghile ukupokigwa" ²⁷ U Yesu akabhatesha nu kujugha, " Ku bhandu shitabhaghile, lole kwa Chala. Shoshi shibhaghile kwa Chala. ²⁸ U Peteli akanda ukujugha nagwe, "Tesha tufilekete fyoshi nu kukukonga." ²⁹ U Yesu akayugha, ''Ubwa naloli ingubhabhula umwe, nayumo yumo anyilekete inyumba, pamu abhalumbu, oamu abhayemba, pamu ung'nu, pamu ugwise, pamu abhana, pamu imighunda panongwa yangu, na panongwa iya inongwa llivisa, ³⁰ Yuyo itakapokele ingani nu kwoghelapo ni fya pachisu: inyumba, abhalumbu, abhanyemba, shope indamyo iti akapokele nu chisu chicho chikwisa, nu ubwumi ubwa bwila. ³¹ Lole abwingi abhabwo abha kwanda iti bhakabhe bha musho na bhabwo abha mwisho itibhakabhe bha kwanda.'' ³² Bwo bhali musila ukubhuka ku Yerusalemu, u Yesu akabha atangile mundashi yao. Abhamanyili bhakaswigha, na abhanine bhabho abhakamukongagha kunyuma bhakoghopa. Po Yesu akabhatisha palubhafu bhala kalongo na abhabhili akanda ukubhabhula shisho shikamwagha papipi: ³³ ''Tesha, tukubhuka mpaka ku Yerusalemu, nu mwana ugwa Adamu iti akabhikigwe mu abhalongoshi abulosongo na simbi itibhamulonyaghe afwe nu kumutisha iku abhandu abha muchisu. ³⁴ Itibhakamwangale, nu kufwila amati, itibhakamukomaghe ni ngomo, nu kumung'ogha. Lole linga gha kinela amashiku matatu itiakashuke.'' ³⁵ U Yakobhu nu Yohani, abhana abha Sebhetayo, bhakisa kukwake ni kuyugha, ''Mumanyishi, tukukusuma ulubhombele chimo chicho tukulonda.'' ³⁶ Akabhabhula, ''Mukulonda imbabhombele koni?'' ³⁷ Bhakamwamula, ''Twitikishe twikala nugwe bwo gulingila ku chitangalala chako, yumo akikale akakono aka kumwisa umunine ku kakono aka kushomi.'' ³⁸ Lole u Yesu akabhamula, ''Mutamenye chicho mukusuma. Bhule mubhaghile ukung'wela ichikombe icha ndamyo chicho ingung'wela une pamu mubhaghile ukwoshigwa luulwo inguloshi gwa une?'' ³⁹ Bhakamubhula, ''Tubhaghile'' U Yesu akabhabhula, ''Ichikombe choghuwela, mukang'wele. Nu kwoshigwa une naloli indimukime. ⁴⁰ Lole yuyo atakikale kukakono kanya aka kushoshi, yitaa mbombo yangu ukutisha, lole kuluala bhabwo kukwabwo nyibhatikigwe.'' ⁴¹ Bhala abhamanyili abhanine kalongo bhwobhapulika isho, bhakanda ukubhakalalila u Yakobhu nu Yohani. ⁴² U Yesu akabhitisha kukwake nu kuyugha, ''Mumenye ukuti bhabho bhakubhelengigwa ukuti bhosongo bha bhandu abha chisu bhata bhakalongosha, na abhandu bhabwo bhambimikile ukubhalangisha ukulumba bwabwo.'' ⁴³ Lole shitabhaghile ukubha isaa mumwo shikubhala kwinyu. Gweshiyuyo akubha gwi songo kukulinyi, shikulondigwa abhe mubhombi, ⁴⁴ Gweshi yuyo akulonda ukubha gwa kwanda kukwinyu ititike ukubha mubhwombi gwa mboshi. ⁴⁵ Papo une ni mwana ugwa mundu ndakisa ukutu imbombelaghe, nu kutisha ubwumi bwangu bhubhe fihombigwa ifya bhingi.'' ⁴⁶ Bhakisa mu Yeliko. Bwo bwekutila mu Yeliko na abhamanyili bhake ni chilundilo ichukulu, umwana ugwa Timayi, Bhatimayo, umufwa maso umusumilishi, akikala kulubhafu ulwa musemwo. ⁴⁷ Bwo apulika ukuti gwi Yesu ugwa Nasaleti, akughenda, ''UYesu, Umwana gwa Ndabhiti, mbelele ichisa!'' ⁴⁸ Abhingi bhakamukemela yula umufwa maso, bhakamubhula asumbe. Lole akakuta kwishi ikulu ingani, ''Mwana gwa tete Ndabhiti, ulimbelele ichisa!'' ⁴⁹ UYesu akima akati mwitikishe. Akamwitisha yula umufwa maso, nukuyugha, ''Nukuti gwikashe! Lima! UYesu akukwitisha.'' ⁵⁰ Akatagha palubhafu umwenda gwake, akakinda ingani, nu kwisa kwa Yesu. ⁵¹ UYesu akamula nu kuyugha, ''Kulonda ingubhombele kono?'' Yula umulisha umufwa maso akamula akati, ''Mumanyishi, ingulonda ukutesha.'' ⁵² UYesu akamubhula, ''Bhukagha. Ulwitiko lwako lwakuponesha.'' Nakalinga maso gwake g`wakatesha; nu kumukonga u Yesu musila.