1 Po papo, lingatwaleta cho twamanyile kunogwa ijya lisho lya Kristi, tukutondighwa kwikosho kubhukila kughama, tutabhika ghe sona imisingi ijyi kwitika kufuma kumbombo sho shitanu bhumi ni lwitiko ku Chala, 2 Sona imisingi ijya kumanyila kwo shighwa nu kubhabhikila utukano, kujhuka kubhatwe nubhulangi ughwa finja fyoshi. 3 Papo tubhombe agha ukuti Uchala itika. 4 Kulili bhatabhaghile kubhala bho bhakata ulumuli kubhwandilo, bho bhakaghela imbombo sha kumwanya, 5 nu kubhambighwa bhabhe pampene ku mbepo umwelu, Nabho bhakaghela ubhwija ughwa lisho lya Chala nu kumaka agha kabhalilo ko kakwisa , 6 Sona bhakaghwa - bhatabhaghile kubhaghalusha sona ukwitika. Ijyi kunogwa ijya kuti bhakamuluma umwana ghwa Chala ulwa bhubhili kundumbula shabho, bhakamubhomba ukuti abhe chililo icha ukufulya pabhwelu. 7 Po papo ukuti ichisu cho chipokelite ifula jyo jyikutima amashiku ghoshi pamwanya pape, soni jyasosha ifyakulya ifununu kubhabho bho bhabhombile imboimbo kuchisu bhakupokela ifingi kufuma kwa Chala. 8 Papo ukuti kupopa imifwa ni chikume, itulisona ni mbombo sona ilimuhatari kughwa. Umwisho ghwake kubhombighwa. 9 Ukuti soni tukijyugha agha, abhakamu abhaghanighwa kusongelesha na ifindu ifineno gho ghabhabhagile umwe ni findo fyo fybhaghile ubhopoki. 10 Ukuti Uchala ta munyashi ukuti ibhwe imbombo shinyu nu kulughano lya mukilangisha kuogwaijya nganu jyake , kulili mukabhabhombela. 11 Sona tukwighwana ngani ukuti weuhi jyola alangisha imbombo jyila kumaka paka kwimwisho ubhwa nalolo ghwe atakwoghopa. 12 Tutakulonda ukuti mubhe bhakata lole mubhe bhakukanga kubhala bho tibhakanyanile kwitika kunogwa ijya ukwitika nu kwikasha. 13 Ukuti Uchala akampa Ubrahamu iahadi, akalapa kundumbula jyake, ukuti ngaliatakalapa kumwinine weshi jyula ghwe ghwisunyo kukinda umunine. 14 Akujyugha, ''Ubhwa naloli kuti ngusaye, sona tingwongeshe ubhu papi ghwako akingishe. '' 15 Kusila ijyi, Ubrahamu akapokela chila choaka ahidiwa sona ukuti akalindilila nu kwijyola. 16 Ukuti abhandu bhakulapa kujijula ghwe ghwi sungo kikinda abhene nu kukwabho kupotena kwoshi ni kulapa kwa kugha thibitisha. 17 Po Uchala akamula kubhika pabhwe ingani kubha chilingo icha iahadi kunongo jyake inunu itakabadilike, akaghatejhe kwa kulapa. 18 Akabhomba aghoukuti kufundu fibhili fyo fitabhaghile kupenduka, fyo kunongwa ijyu Uchala atabhaghile kujyiugha ubhunyashi, utwe twe tukanyila bhatepe amaka kukolela kumaka mundushi witu. 19 Tulinamaka agha isa inanga ingafu ijya kutegemela ni ndumbula shitu, amaka gho ghakwingila mukati muayuma mupazia. 20 UYesu akingila isehemu jyila isa umwilongoshi ghwitu, ghwe akabhombighwa mutimi iya lwatiko ulwa Melkizedeki.