1 Ukuti umutimi usongo, ghwe akasaighwa kufuma mukati mwa bhandu, asalighwe kwimila badala yabho kulindu fyo filipampene nu Chala, ukuti alunye pampene izawadi ni dhabihu kunongwa ijya mbibhi. 2 Abhaghile kwibhombela ku bhwolola na bhalema nabhalukani ukuti jyujyo umwene bhamshunguitwe na atali namaka. 3 Kunongwa ijyi abhaghite kufunya isadaka kunogwa ijya mbibhi shake isa bho akubhomba kumbibhi sha bhandu. 4 Sona atalipo nayumo ghwe abhaghile kwegha ulwimiko ulukunogwa jyake, jyijyo,lole kuyumajyake, abhaghule itishwe nu Chala, isa bho akabha u Haruni. 5 Sona nu Kristi atajyipile ulwimiko jyujyo kubha mutimi usongo. Kunyuma jyake, Uchala ajyu ghile kukwake, ''Ughwe mwana ghwangu, umusughu nabha ne bhabha ghwako.'' 6 Isa mwo akujyugha musehemu inyingi, ''Ughwe ghwe mtimi akabhalilo kusa baada ya lubhulako lwa Melkizedeki.'' 7 Po papo akabhalilo kake kumubhili, akabhasuma nukubhasumila, akamsuma Uchala kumasushi, kujyujyo abhaghile kumwokolo ukufuma kubhufwe. Kunongwa ijya ukwijyisha kwake ku Chala, akapuli kighwa. 8 Ukuti akabha mwana akamanyila kubha mwololo kumbombo sha shika mtanya. 9 Akamilishishwe nakusila ijyi akabhombighwa kubhando bhoshi ho bhakumwitika kubha nungwa ijya bhupoki ughwa finja fyoshi, 10 Po kutughabhanja nu Chala isa umutimi usonyo baada yaakahaliloaka melkizedeki. 11 Tulinamingi agha kijyugha kunongwa ijya Yesu, sona ngatu kubhabhula ukubha umwe bhakata bha kupulika. 12 Papo akubhalilo akamwalo ghwanga kubha bhamanyishi bado kulinimbombo ijya kubhamanyi khi manyilo icha kubhwandilo nu lubhatiko ulwa lijho lya Chala. Mukulonda nukama tu chakulya ichikatu. 13 Ukuti umwene ghwe akung'wa nikoma atamumanyili kulishu ilyo naloli ukuti bado mwana mkeke. 14 Kulubhatu lumo, ichakulya chikamo cha bhandu bhosongo bhala bho bhalubhile kunongwa ijyi kughabhanio ubhwa naloli nu ubhubhibhi bhana nyishihinghwe kumanya amisa na mabhibhi.