1 Pu papo ulughano ulwa bhakamu bhwendelele. 2 Mtakubhwe kubhakaribisha abhahesha papo kubhomba isaagho, bhamo bhabhakaribishishe abhandumi pasipo kumanya. 3 Ukumbuke ukuti bhoshi bhobhali mu gereza ukuti mukabha nabho pampene nabho nu ukuti imibhili jyitu ikabhombi ghwa isabhabho. 4 Po papo ubhweghi ubhwe lwimiku na bhandu bhoshi ni chitala icha bhweghi chibhe chetu ukutu Uchala tiakabhalunge abhasherati nabhomalaya. 5 Pu papo isila shinyu isha kwikala shibhe bhwashi kulughano ulwa ndalama mubhe bhobhaakidhikite ni findu fyo mulinafyo ukuti Uchala jyujyo ajyoghite, "Tangabhaleke umwe nashiku, sona kubhatelekeza umwe." 6 Basi tulidhike ukuti tughughe kumaka, "Bawa akunyafwa ghwangu; Tangoghope. Umundu abhaghila kumbombaki?" 7 Mubhapase bhala bho bhakubhalungosha bhala bho bhakujyugha ishu ilya Chala kukwinyu na mukumbuka isila shabho igeni iimani shabho. 8 U Yesu Krisiti ghwe jyujyo mayulo, umughu ni finja fyoshi. 9 Utakise ulungushwe na vimanyisho ifingi ifya bhuhesha popo akisa ngani ukuti indumbuza jyisengwe mulusajyo nasiyo mundaghiro ukuhusu icha kulya aghafaghatabhafwe bhala bho bhakwikala kughagho. 10 Tulinichighenu cho bhobhakutumika mukati muchaliki bhatali ni haki ijya kulya. 11 Po papo kumabhanda agha vikanu shoshikafumighwa ubhupe kunongwa ijya mbibhi, jyikaletwa nu mutini usongo mukati umwelu papo imibhili jyabho bhakayucha panja pa kambi. 12 Po papa uYesu ghwepe atesekite panja pachifigho icha mji, ili ukuti kubhikighwa uwakifu abhandu ku Chala kughendela ibhanda lyake. 13 Po papo tubhuke kukwake panja pa kambi, tushipimbe imbibhi shake. 14 Ukuti tutali amakao agha bhwila kumuji ughu. Kunyuma jyake tulonde umuji ghwo ghwikwisa. 15 Kughendela mwa Yesu ikulondighwa amashiku ghoshi kufumya ubhupe ughwa kumpalisha Uchala, nu kumukwesha ukuti iseke ilya milomo jyitu jyitike ingamu jyake. 16 Mtakibhwe kubhomba amanunu nu kutulana jyu mwemwe ukuti fubhupe isa ubhu jyu jyikuupalisha Uchala. 17 Mwitike nu kwiswusha kubhalongoshi, bhinyu papo bhakwendelea shinyu isabhala bho tibhakafumye ihesabu. Mwitike ukuti abhungoshi bhinyu tibhakabhatesa kubhusekelo sona takuhuzuni jyu tajyikabhafwe. 18 Mutusumile, kweni tulinubhushimikisho ukuti tulinidhumbula inyisa, tukunyonywa kunkala amaisha agha lwimiko kumambo ghoshi. 19 Na fyoshi tingabhape indumbula shinyu mubhombe agha ili ukuti nije kukwinyu lulu. 20 Po papo Uchala ughwa lutengano ghwe abhaletile sona kufuma kubhufwe umufimu usago ughwa nang'oshi, Umutwa ghwitu uYesu kumabhanda agha kwitikana ukwa fiya fyoshi, 21 Tiakabhape amaka kutindu fyoshi ifisa kubhomba ubhunghane ghwake, akabhombe imbombo mukati mwinyu jyo uyisa ijya kubhaghila pucheni pake kughendela mwa Yesu Krisiti kukwake ibhe bhwinufu ifinja fyoshi. Amina. 22 Po papo nu ngupupa amaka abhakamu, kweghelana nishu ilya kukupa amaka lyo kubhupimba likasimbighwa kukwinyu. 23 Umanye ukutu amakanu bhitu uTimotheo bhamulekile ubhwashighwe pampene lulushe. 24 Ubhalamke abhalongoshi bhako bhoshi na abhalumi bhoshi. Bhala bhobhakufuma kwi Italia bhakukulamka. 25 Nu lusajyo lubhe numwe mweshi.