1 Po papo, ukuti tuzuugushiwe ni bhunguta ingulula mashahidi, tutaghe ichindu chashiduo chitukolite pamupene ni mbibhi shio shiituchungalite kwa urahisi. Twanche kunyila kwa saburi sona kuva mashindano ghobhakibhika kumaso kwitu. 2 Tuteshe amaso ghitu kwa Yyesu, yuyo bwandulo na kutendekesha ulwituko lwitu, yuyo lwa lusekelo wekabwika kuchamu kwake, kwinulibwa kuchikobhekanyo, kufuyule ubhubhi bhaka, akikala pasi pakakono akisa akachitangu cha bwutwa bwa Chala. 3 Lole mumwinong'one yuyo bwa naloli wi mashu ghalyoyo kufuma kubhambibhi sona yulyo ukuti mkakaluta ukushilika inchumbula shunu. 4 Tamikabhe ni soni au kubhanindamio sha kutola imbibhi pakati ukushila ibhanda. 5 Sona ulibwe kubhana maka gha nchembula kubhamanyisha isa bhana abhalisha: "Bhanangu, mtakalalaghe lubwito kughomoka ku Mtwa, lole mtalitaghe kutendesha na yuyo." 6 Po papo Umutwa kughomoka yuyo we amghamite, sona kumkoma kela mwana we atampokela. 7 Mwikashange mingelo isa pa kughomoka. Uchala akubhomba numwe isa mwakubhomba na chana, lola abhana aliku we ubhabha akangamghomola? 8 Lole ungaatalipo bwa kughomoka, papo utwe tweshi tulipampene, po umwe tamwe bhana wake. 9 Ukwongela fyoshi, tukabha nu bhobhabha bhitu bha pachisu bha kughomoka, kubhatila sona yitakulonda kwongela kwinyisha Ubhabha wa ubepo wa kwikala? 10 Kubwanaloli ubhabha witu akatukoma ifyinja finandi isa mwoyikubhomeka mwomumwo kukwabho, lole Uchala kutukoma kumbimbi shitu tuwe pamupe ubwelu bwake. 11 Kutalipo ubwunumu nabhumo bwa kukoma kubwa lusekelo kukabhalo ako, kukubha nubhubhavu. Sona pitasha kupapa iseke ya lutengano ulwanalo kwa bhobhabhamanyishe nabho. 12 Lole imika utukono twinu twotulitite na kubhomba imagoti ghinu ghoghalali na maka sona; 13 gholoshanga isila yinu ya tuleindi po papo ghoshi we alinichilena atakabhalongosha kubhulongi lole kuti mkaponi. 14 Londagha ulutengano lwa bhandu bhoshi sona pabwelu lole bila chuo lamkamubhone Umutwa. 15 Mubhe bhanaloli popapo atakabhepo we utakamlekeghe pabhutali ni chisa cha Chala, po papo ubwanchulobwa ubhubhafu utilikamete kufuma ni mbibhi kubhandilisha abhungu. 16 Tesha kuti ihakuna ubhahahani au umundu umwunufu isu Esau pakuti umwene kuchalya chimochene akulisha ubwanaloli bwake bwa kupapiwa. 17 Popapo mmenye kuti pitashi akighana ichilingo cha lusayo, akashitialibwa pakati atakabha ni fursa ya kwitika pamupere nu bhabha wake, pakati akalonda ingani kumasoshi. 18 Popapo mtamanye mkamba mwomngeweshi kukola, mkamba mkwaka umlilo, ingishi kughalusha kunyuma ni chikukungu. 19 Mtakamanya kwishu lya ngangawite sona kumashu ghoghakafuma kwishu popapo bhashi bhubhakapilika bhatakalashela ishu lyoshi kuyugha kwao. 20 Popapo bhakapotwa kukwumilila chochikayughiwa, Ichikanu ichosi cho chikweghelesha kukaghamba lazima chikomiwe na mayondo." 21 Aghakwoghofya ingani ghoakabhona uMusa akayugha, "Ikwoghopa ingani akasengienelwa". 22 Po papo kisile akamba Sayuni sona mji wa Chala we mwumi, uYerusalemu ya kumwanya sona abhanchumi elfu kumi bhabhakusekelela. 23 Mwisile kubhungana kushapapiwa bwakwanda bhoshi bhobhakasimbiwa kumwanya, kwa Chala umulungi wabhoshi na ubepo wa bwelu sona bhanaloli. 24 Mwisila kwa uYesu wa kulongosha bha(kusitikana)agano ilipya na sona kwibhandu lya bhakabhayunula sona akuyugha amisa ingani kukunda ibhanda la Habili. 25 Teshe utakamkole gumo we akuyugha po papo bhataketishe pabhakankola yumo we akabhoghofya pachisu, ku bwanaloli akitisha utukambachelike kubhutali kufuma kuyula we akutukana kufuma kumwanya. 26 Kukabhalilo ibhu lyake likayighisha ichisu. Lola apa ameahidi kuyugha, "Ingali sona tangayisha ichisu chene utingayishe na kumwanya sona." 27 Amachu agha, "Limolya sona," ikulangisha kutila kuvindu vila kusengiendwa hwi ni vindu vyo akapele sona pakati ivindu fyotavikasengendiwe utivikashale. 28 Lole titukapokele umalafwale we atakaseng'endwa kusekelela kumputa Uchala kumwitika pamupene na kwiyicha kughagho, 29 pakuti Uchala wetu mlilo wo ghukulya.