¹ Mwe mwibhana mbhapulikaghe abhapapi bhinyu mwa malafyale nubha naloli. ² Mubhapukaghe ubhabha kwyko nu mama gwako. (Ijhi jhonda ghilo ijha kwanda). ³ "Inga mubhe pakipo kukwinyu mubhe nu kwikalangani pa chisu." ⁴ Numwe mwe bhapapi manye mbhakala lishange abhana bhinyu nukubhapelela ilyoyo lole mubhana nyishange nukubhabhula isha mwa Chala. ⁵ Umwe mwe bhabhombeli mubhe nukubhapulika abhapamwanya papinyu pachisu nu kwijhisha pabhukulu nukutetema nulutende ulwa kundumbula shinyu. mubhe nu lwiti kukwabho ngati bhubhu mkupulika UYesu Kristi. ⁶ Ukupulika kwinyu manye bhubhange papo abho songo bhinyu papo wakubhatesha nukubha sekesha. Lole mubhe nulwitiko ingati bhabhombi abha Kristi bhombagha ijhisa isha Chala ukufuma mundumbula shinyu. ⁷ Isa tumwombaghe ni ndumbula shitu shashi, papo tukumwombela utula kutakulokuti tukumulombela umundu. ⁸ Mkulondigwa ukumanya ukuti lyoshi ilwisa lilyo umundu akulibhomba, tirakapokelaghe umufyalo, ukufuma kwa Bhabha linga muwombi pamu umundu jhulayo alimubhelu. ⁹ Numwe mwibhabhombeli bhomba gha bhubhubho kubhabhombi uchinyu mtangabhoghofyanga gwa mmenye ukuti jhujho ghi Chala gwa bhoshi yula alikumwaya. Mmenye ukutatakusala mkati mwake. ¹⁰ naloli tubhe namaka mkati mwa malafyale pakati pamaka ghake. ¹¹ Fwalagha ifya kulwila fyoshi isha Chala inga ukuti mubhaghile ukwima pashima nu bhummiashi ubhasetanu. ¹² Papo ukulwa kwitu kuta kwa lilopa nu muwili lole ukongela ubhunyafyale ni lulaghilo ulwa mbepo ugwa Chala na mchisu nuubhunyali nichisi lole imbepo ishakufuma kumhunyo ubha kumwonya. ¹³ Mfwalaghe ifyakulwila fyoshi ifya Chala ukuti mwime ingani mkati mkabhalilo aka akabhibhi. Linga twamalatwoshi titukime akisa. ¹⁴ Sona mwime akisa mubwombaghe ishi ghwomwipinyite ingwambe pa ubha naloli pachifubhwa. ¹⁵ Bwombagha ishi ghwo mkwatite inganila mtulundi mwinyu ukulingannia ishu ilwa lutengano. ¹⁶ Ukuti choshi chiso mkwegha nukwishighala nulwitika chicho chikukughendesha ukujhishimmia iya umunyali. ¹⁷ Fwalagha uchitili icha mpoki numpanga ugwa mwambepo lwo lishu ilwa Chala. ¹⁸ Pampene nukwipata ishi musumaghe kwa mbepo koshi akabhalilo, ukutesha bhubhu bho mubhe bha kutesha koshi akabhalilo, nukujhula kwinyu nukusuma kubhwabhwo wakwitika bhwoshi. ¹⁹ Sumagha kunongwa jhangu ghumbe ishu kunongwa mlomu ghwangu, iputagha ukutiimba lingannie kumchala ubhanaloli bhubho himamite nishu.. ²⁰ Kunongwa ijha kulumbilila une negha kulonga nenepinyi nghwe niminyororo ukuti mkati mmwabho ijhughe namahala isa papo ingunyonjwa ukujhugha. ²¹ Lole umwe mmanyaghe imbombo shangu na mmwo ingughendela. UTikiko gwamwitu mghani ghwa sona umubhwombeli ughwa naloli mkati mwa Chala atiakabhalingannie shoshi shila. ²² Namtuma kukwinyu kunongwa ijhi mmanye imbombo ukutesha utwe libhanghile ukubha suibhisho ndubula shinyu. ²³ Ulutengano ubhwe kumweghwa nu lughano pampene nulwitiko ukufuma Chala UBhabha nu Yeesu Ukristi. ²⁴ Ichisa chibhwe pampene nuwe mwishi bhabhobhamuughanite UYesu UKristi kulughano lulwo lutakufywa.