¹ Sona mbhange bhandu bhakumkonga Uchala, ungati bhana bhabho bhaghanigwe. ² Mughendage mlughano isa papo UKristi mumwo atughanile bhubhubho itishishishe umwene kunogwa jyitu. Umwene itishishe ukubha sadaka nadhabihu ukununga akisa ijya kumhobhosha Uchala. ³ Ubhushipani pamubhunyari nifinyoywa iti bhibhi manye fijyu ghigwange mkati mmwinyu isabhubhoshi kulondigwa kubhabho bhitikite. ⁴ Manye ifujyo shijyughinge ukujyugha ubhulema pam imizaa nukubhombelana imbibhi gho ghata mwommwo, lole tumpalaghe. ⁵ mbhaghile ukubha nubwana loli ukuti kuli nubhushipani nubhunyali pamjyujyo akunyomwa ujyu akwiputa kufifwani atanichilingo nachimo nubhunyafale bwa Kristi nu Chala. ⁶ Umundugweshi manye akushobhaghe kumashu ghene kunongwa sha mbombo isho atanilyojyo lya Chala jyikwikwisa kubhana bhabho bhatakwijyisha. ⁷ Sona manye ubhombaghe pampene nabho. ⁸ Papo umlwe kubhwandilo mwa umchisi lole ulu mlibhakubwelu mkatimwa Chala. Ulumgendaghe uti mlibhana bha lumli. ⁹ Papo iseke sha lumli shikwongania ubhisa bhoshi ubwanaloli bhoshi. ¹⁰ Londagha kako kaku kukusekesha kwa Chala. ¹¹ Manye ubhangekwo ukubhomba imbombo sha mchisi shisheshita niseke lole shibhikaghe pabwelu. ¹² Papo imbombo shisho bhakubhomba mchisi chasoni ingani nukushilingania ¹³ Imbombo shoshi shishoshi kwighulibwa nukumlishi kubha pabwelu. ¹⁴ Papa ichindu choshi chichochili pabhelu chikubha pawelu. Lole akujyugha akutilamusha ugwe, gwaghonite, nya tut ukufuma kubhafwenu Kristo itiakelupe kukwako. ¹⁵ Ulu mbhange mdaso mmwomkwendela manye mbhange utibhandu bhabho bhatakushaghania lole bhakukushaghania. ¹⁶ Ukupoka akabhalilo papoma shikugha bhumalilo. ¹⁷ Manye mbange balemalole mmanyaghe ulughano lwa Chala. ¹⁸ Manye mghalaghe ubwalwa bhukutulufya kumbibhi lole mwiswe Umbepo Umwelu. ¹⁹ Jyughisanyanga nagweshi jyula kulusubhilo, nukwimba inyimbo sha mwambepo. Imbagha nukusifu kundumbula ijya Chala. ²⁰ Akabhalilo koshi tishana nukuparisha kumbombo shoshi mngamu ijya Kristi Umutwa gwitu kwa Chala nu Bhabha. ²¹ Mwitishange jyu mwemwe kwa jumo na kumnine nukwijyisha kwa Kristi. ²² Bhika mwitishe kubhalume bhinyu isaa kwa Chala. ²³ papo umlisha mtu gwa mkolo isapapo Ukristi mtu gwa chaliki mpokigwa mbhili. ²⁴ Lole papa ichaliki chili pase pa Kristi bhope abhakolo bhinyu mpaka bhabhombaghe isa kubhalume bhabho kumbombo shoshi. ²⁵ Mwibhalisha mbhaghanaghe abhakashi mbinyu isapapo Ukristi alighanite ichaliki ilisha jyujyo panogwa jyako. ²⁶ Abombite bhubhubho ukuti libhe lyelu. ausukite nu kulyosha na mishi kulishu. ²⁷ Abhombite bhubhubho ukuti alifikishe ichalichi kumwanya panu pamu ubhunyari bamu ni mbombo shoshi shisho shighe nashisho, lole lyelu lilyota lita au bhubhubhi. ²⁸ Kusila jyilajyila abhalisha bhakulondigwa ukubhaghana abhakashi bhabho ugatimibhili liyabho jyujyo akumghana umkashi gwake akwighana jyujyo. ²⁹ Atalipo na jyumo jyo akughhukalila umbhili gwake lole akughu lazimisha nu kughughana isa ³⁰ papo UKristi akuchigwana ichalichi. ³¹ Panongwa ijyi ulisha iti akamleke ubhabha gwake nu mama gwake iti bhakongane numkashi gwake bhoshi bhabhili iti bhakabhe mbhili ghumgwene. ³² Ughu ghimanite leleumei ngujyugha ukuti Kristi ni chaliki. ³³ sona gweshi jyula amghane umkashi gwake isapapo agwighana jyujyo numka gwake ijyishe kumlume ghake.