Umutu 13

1 Ili lishiku lwa bhutatu ukuti ungwi sa sona, "Amasitako ghoshi ndigha kasegwe nu kushaghanwa na bhaketi bhabhili ama bhatatu. 2 Unena jhugha ukuti bhabhao bhakabhomba imbibhi kubhwandilo na kubhanine bhoshi akabhalilo ko naliko kuko ilyakabhili, ngujhugha sona nguti: tingatingwisa sona tangabhu milile." 3 Ingubhabhula umwe kunongwa jhakuti mukulonda ubhuketi bhwa kiristi ukujhugha ukughendela une. Umwene tamupotwe kwinyu, lole umwene alinamaka mukati kinyu. 4 Papo akatesihwa mubhupotwe, lole ulu atafwile kumaka gha Achala. Papo nutwe tulibhapotwe mukati jhake lole tatukafwe naghe kumaka gha Chaala twebhamu. 5 Itesha jhumwemwe, muteshe ukuti muli nulwitiko. pima jhumwemwe, mutukumanya ukuti UYeesu Kristi alimkati kinyu? Umwene alimwo lole pamu pala mutushimikishishe. 6 Naingwijhamini ukuti ndimuumanye ukuti tutakanighwe. 7 Ulu tukusuma kwa Chala ukuti namise mubhombe choshi chila ichibhibhi. Ndakusuma ukuti tubhonekaghe twajhimala ingelo, lole ngusuma ukuti mumanye ukubhomba chochisa, ukuti pala tubhaghile ukupotwa ningelo. 8 Papo tutabhaghile ukubhomba choshi chila chochitakwendana nu bwanaloli. Lole nongwa jhamwa naloli jhene. 9 Papo tukiusekela lindi tulibhapo te numwe mulinamaka. Tukusuma sona ukuti mubhe bhabho bhamalishte shoshi. 10 Ngubhasimbila ishi bhwandi kutali numwe, inga linga nabha pamupene numwe name imbalangishange ubhukuri bhwangu. Ndakulonda ukubhombela ubhwamuli bhwo Uchala ambile kubha tula umwe nashiku ukubhakomanya umwe. 11 Popapo, abhoghwamwitu abhakolo nabhalisha sekelagha, bhomba imbombo jhabhughaluli, mpelighwe amaka, mupulika na mwibhene kwa mwibhene, mwikale nulutengano. NuChaala ghwa lughano nu lutengano andabhe pamupene numwe. 12 Lamukanagha kila mundu ukufipa kubhwinufu. 13 Abhachipanga bhoshi bhakubhalumuka. 14 Kulusajho lwamutwa UYeesu kristi, lughano lwa Chaala, ni chilu ndilo cha mbepo umwisa chibhe pamupene numwe.