1 Mpaka nifume, lole nachinu cho chikwongeleshigwa nicho, lole ndinendelele ukutesha isha mundashsi nukwighulighwa ukufuma kwa mutwa. 2 Imenenye umundu yumo mwa Kristijyujyo imwaka kalongo kamu na tuna jyo jya pululie-- jyo kumubhili nalinga kwo kumubhili ghwa muse une ndamenye Uchala amenye-- akapyelighwa kumwanya kumabhingu agha bhutatu. 3 Imenye ukuti umundu ujyu linga mwo munubhili nalinga mubhili ghwa muse une ndamenye, Uchala amenye. 4 Akeghigwa kumwanya mpaka kuchitangalala nukupulika ifindu ifishita nongwa ngani kumundu ghweshi ukughajyugha. 5 Kunongwa jya mundu ujyo itinifune. Lole kunongwa jyangu indangifuna. Lole ukukongana nu bhwonywa bhwangu. 6 Linga ngulonda ukwifuna, ngalinda mwalangani papo ngali ngujyugha ubhwanaloli. Lole itindeke ikwifuna, ukuti manye abhepo najyumo ughwakunyong'onela ngani kughagho gho ghakubhoneka mukati mumwangu ama ukupulika ukufuma kukwangu. 7 Ndangifuma pope ukukongana na ghaghagho amighulighwa agha kuswighilisha. pondangisushighwa namatingo, umwifwa ghwabhikighwe mumubhili ghwangu, umutumighwa ghwa setano, afinyanishe une, ukuti manye samike ukubha ghwa mifuno. 8 Tubhalilo tutatu namubhulite UMutwa ukukongana na lililyo, ukuti umwene atishe ukufuma kukwangu. 9 Ghwepe akambula, ulusajyo lwangu hijyile kukwapapo amaka ghakubhombighwa nu bhwongwa. Lole nanyonywa ngani ukwifuna ngani ukukongana nu bhwonywa bhwangu, ukuti ubhubhaghile ubhwa kilisti bhwikale pamwanya pangu. 10 Po ngwijyilania kunongwa jya kilisti pa bhwonywa pamahelu, pa ndamyo, nu kutesighwa kunongwa jya bhusulumanie. Papo akabhalilo ko uli mwonywa. Sona ndina maka. 11 Une nabha mwema! umwe mwaimbepeleshishe kulili, papo ngali umwe mwandufyishe. Papo ndakabha ghwapase ngani kubhabho bhakwitishighwa bhabhombelibhisa, nalinga ndakumanyikwa. 12 Ichilangisho cha naloli chocha bhombighwe nabhabhombeli pakati painyu kukwikasha, ichilangini fwika imbombo ingulu. 13 Kwokutiki mwli bha muhimu bha pase pafianga fyofya shatite, pspo ndali mushigho kukwinyu? Muhobhokele kumbibhi jyijyijyo. 14 Teshalune ndi tajyali ukwiskwinyu ilya bhutatu. nda ngabhe mushigho kukwinyu, papo ndakwilonda akandu ko kinyu. Ngubhalonda umwe. Papo abhana bhatakulondighwa ukusengulighwa kunojya bhapapi. Lole abhapapi bhakulondighwa ukusegula kunongwa jya bhabho. 15 Ninga hobhoka ngani ukubhombela nu kubhombeliwa kunongwa jya nafsi shinyu. Linga imbahanile ngani ngulondighwa ukughanighwa kaandi? 16 Lole ia mwombelile ndabhaghngile imishigho umwe. Lole papo une zngushaghaghenia ngani une ne jyula abhakolite umwe po nabha jyula abhaghite kubhumyashi. 17 Bhule neghite ukubhomba faida kubhoshijyo namutumite kukwinyu? 18 Namusumite ngani uTito ukwisa kwinyu, ona namutumite ughwamwinyu umunine pamupene naghwe bhule UTito abhabhombile ifaida umwe? Bhsule bhule tutaghendite musila shilashila? Bhule tutaghendite mufikandilo filafila? 19 Mukuti kukabhalilo akateshi tuli bha kwitetela jyu twetwe kukwinyu? Pandashi pa Chala, na mwaKilisti, twali tukujyugha kila kila kandu kunongwa jya kubhimika umwe. 20 papo ndinichoghofya ukuti linga nisa kukwinyu mbaghile manye inga bhaghe unuwe isa mwo ngnyonywa. Ngupasha ukuti mubhaghise manye mwanyaghe wa mwo ngunyonywa. Ngupasha ukuti kubhaghile kubha ni mijyughojyigho, ulwibhuno, ubhukatale, ifinyonywa ifya ghwimwene, ukujyughajyugha, Amatingo, nu bhwite. 21 Ngupasha ukuti linga naghaluka sona, Uchala, ghwangu abhaghile ukunyisha pandashi pinyu. Ngupasha ukuti mbaghile imbe nubhusulumanie ku bhingi bho bhabhombite imbibhi bhwo akabhalilo akakatafikite, na bhalabho bhatakitata ubhunyali, nu bhwo malajya ni mbombo sha finyonywa sho bhaku shibhomba.