Sura ya 5

1 Manyi umukemelaghe umulisha ukamkangale lola unupe amaka ukuti ghwi bhabha ghwako. Ubhape amaka abhalumyana abhalisha ukuti mbo ghwa mwinyu bhako. 2 Ubhape amaka agha mundu mbula abhakolo abhakangale ukuti bhomama bhako na bhali ndwana ukuti mayemba bhako kubhwelu bhwoshi. 3 Bhimikaghe abha fwile, bho bhafwile naloli. 4 Pala umufwile alinabhana pamo abhisukulu bhaleke a tashi bhikugishe ukukwo kunyumba isha bhanine. Bhaleke bhabhatule abhapapi bhabho kumyisa papo ishi shikumpala uchala pandashi papake. 5 Lole umufwile naloli naloli ghwe jyula alekelighwe mwene ghwepe akubhika ulusubhilo lwake kwa chala. Amashiku ghoshi akwikala kunyiputu nu kusuma pabhushiku na pamusi. 6 Palema sona, umukolo jyu jyu akwikala kubhushipanyi afwile, palema mumi. 7 Naa ghalumbilile agha kumbojya kuti manyi bhabhe nijhakolongighwa. 8 Isapala umundu atakubhatesha bho ghwamwabho ghwake ngoni ngoni bho bhali munyumba jyake, alukanile ulwitiko sona mubhibhi ukukinda bhabho bhatamwitikite. 9 Lole umukolo isimbishe mu chitabu ukuti mufwile pale alinifinja fyo fitakupunguka ifinja amalungo sita, sona mukolo ghwa mulume. 10 Shalondighwanga amanyikwe kumbombo shake inyisa pala alinabhana pala akubhapashikisha abhana akubha abha ghwabhupe, abhosha utulundi bho bhakwitika abhatula sona bhabho bhakutamighwa sona isosha kumbombo shoshi ininu. 11 Lole kubhafwile abhalumyano kenagha kubhasimba kuchitabhu cha bhafwile papo ndibhingila kufinyonywa ifya mumubhili ukumkinda uKlisiti, po bhalundaghe bhe ngighwe. 12 Po kusila ijyi po akwingila mubhutula nongwa ukuti akumenia kwake ukwa kufuma kubhwandilo. 13 Sona akwingila muchisubhila icha bhukata. Lole bhakushungula kwingila munyumba nu munyumba. Kutakwo kubha bhakata lole bhakubhwa bhaluyebho sona bhakuwe bhakwingila imbombo sho bhanine sona bhakuyinga liungwa shisho shitali sha kujyunga. 14 Une ponalondanga abhakolo abhakeke bheghighwange bha papange abhana bhimilile inyumba shabho, manyi sebhampe nafasi umulughu ukubhomba imbibhi. 15 Papo bhamo bhasanukite bhamusanukile usetano. 16 Pala umukulo weshi jyojyo ifikile lole alinabhafwile shamubhaghile ukubhatula, ukuti chipanga chikolanie ukuti chibhombe kubhabho abhafwile abha naloli. 17 Alole abhakangale bho bhakulongosha akisa shalundaghe ukubhimika sona bhakulondighwa ukwimikighwa bhabho bhakubhomba imbombo jya kumanyisha ishu lya chala. 18 Papo amasimbo gha kuti, "Manyi ujyipinyanghe ing'umbo umulomu palajyi kulwa amapeta, nu "Mubhumba mbombo akulonda ukumupa umufwalo ghwake. 19 manyi upokelaghe amasitako kumukangale lole pala palinabha keti bhabhili au bhatatu. 20 Bhasoke ubhusobhi bhwabho pandashi jya bhandu bhoshi ukuti abha bho bhashala pundibhogho paghe. 21 Ngukulaghisho ngani mundashi mwa chala sona mundashi wa Klisiti uYesu, nabhandumi bhake, ughasengule indaghilo isho lole manyi ubhombaghe isha kwipangula kwoshi manyi ubhombaghe imbombo najyimo ijyo kusala bhamo. 22 Manyi ukindaghe ukumubhikila umundu utukono mwalubhilo manyi ghwise ubhombe imbibhi jya mundu jyungi shakubhaghile kumanyila jyu ghwe ghwe ukuti ubhe mwelu. 23 Shitalondinga ukunywa amishi ghene. Lole shalondagha unywe ulwa lwa lunandi kunongwa jya lufwuke lwako namabhubhune ghako gho ghaku kubhabha amashiku ghoshi. 24 Imbibhi sha bhandu bhamo shikumanyikwa pabhweli, na shikubhatangila kubhulongi. Shimo imbibhi shikubhakonga mundashi. 25 Bhubhubho, imbombo shimo nyisa shikumanyikwa pabhwelu lole ni shingi shita shikimame.