1 Ulu umbepo akujyunga pabhwelu ukuti akabhalilo ku kakwisa abhandu bhamo ndibhakabhuleke ulwitiko sona ukubha bhandu bhakushanganio kipulikisha imbepo shashikushimbula ni fimanyilo ifya mbepo inyali shondikamanyishighwaghe 2 mubhumamyashi.Na kayilo kabho ndikakachangighwe. 3 Ndikabhakanishaghe kukwegha nu ukupokela ifyakulya fyo uchala akapela, bhakufipokela kwa kupalisha mubhabho abhitiki nukushimanya isha mwanaloli. 4 Papo kila chindo chicho uchala achipelite chisa. Chitaliko nachimo chicho tuchipokelite nu kupaisha cha londighwanga ukukaughwa. 5 Papo choshighwe ukughendela mwishu kya chala na musila sha nyiputo. 6 Nandighwashibhika mubhakamu, ndiubhe mubhombeli mwisa ubhwa Yesu Klisiti. Papo ghwamelesha kumashu gha lwitiko nifimanyilo ifinunu fifyo ghwafikunganga. 7 Lole kanagha akapango aka muchisu kako kakaghonighwa na bhakolo nabhosongo. Ukufumapo manyilagha jyu ghweghwe mubhwelu. 8 Papo ukobhomba isha mumubhili shalondighwanga panandi, pu ubhweli bhwalondighwanga ingoni ni mbombo shoshi. Ukusengula ukwitika ubhumi ubhwa lulu na bhula bho bhukwisa. 9 Amashu agha ghakubhwitikila mubhwa naloli nu kubhwitikila bhoshi. 10 Kunongwa ijyi tukulabha nu kubhomba imbombo ngani. Papo tulinamaka kwa chala umumi jyujyo mupuki ghwa bhandu bhwoshi lole ngani bhwo bhamwitikite. 11 Ugha yughe nukughamanisha amashu agha. 12 Umundu weshi jyule mashise abhufijye ubhulimyana ghwako. Lole ughwe ughwe chifwani kubhandu bho bhakwitika, munjugha mulwendo, mulughano, mubhwa naloli nu bhweli. 13 Mpaka papo ngujyakwisa ikalagha nu kukubhelenga, ukusoka nu kumanyisha. 14 Manyi ufuye ichikundiliwacho chili mukani mumwako cho upelighwe ukughendela kubhakunguluka ukubhikila utukuno abhakangale. 15 Ushi pashikishe imbombo isho ikalagha mushishisho ukukula kwako kubhe pabhwelu kubhandu bhoshi kunga ngani ulwendo lwako ni fimanyisho. 16 Ikalagha mumbombo isho lole kwakubhomba imbombo isho ndibhwipoke ghwimwene na kubhala bhakuku pulikisha.