sura ya 8

1 Ishi ilelo kutali kulongwa kutali kulongwa ubhibhi kubhala bhebhali kwa Kirisiti UYesu. 2 Indindajizyo lya mpepu uwa wumiwewuli waYesu Kirisiti yimbishile kuti injeleleshele ukutali ni ndajizyo iyimbibhi nu wufwe. 3 Gala gegatakuhana ku ndajizyo indajizyo yapotilwe kubhomba amabhili gali matutu, Umulungu ahamusondelezya, umwana wakwe wuyu kushiholanyo isha mabbbhili uwi mbihili abhe wasadaka iyi mbibhi, imbibhi ihalongwa kumubhili. 4 Abhombile isho inga inga kulajizya iga ndajizyo gagombeshe makasi yitu, itwe twetutakubhala kufwata umubhili, imbibhi ihalongwa kumubili. 5 Bhala bhebhe ku fwata umubhili, bhakukwina izya mbhili, ilelo bhebhakufwata umpepu bhakukwina izya mpepu. 6 Umubhili iwene wa wufwe, Ryoli umupepu wa wumi nu lwihalo. 7 Umubhili wukulwa nu Mulungu, wutakutejelevwa UMulungu, na te wuhagawezya kutejelevwa. 8 Bhebha bhakuwu fwata umubhili, bhatagawezya kumupendazya Umulungu. 9 She zili, mutali kumubhili ha, Ryoli kumpepu inga zyanalyoli Uulungu akwihala mkasi mumwinyu. Inga umundu atali nu mpepu uwa Kirisiti, uyote wakwe. 10 Inga UKirisiti ali mukasi yinyu, umubhili wafuye kugala igi mbibhi, ryoli mpepa mpama kuwana lwoli. 11 Inga umpepu uwa wula wamuzusizye uYesu kufuma ku bhafwe akudila mkasi mawinyu, wuwula wamuzusizye uKirisiti kufuma kubhafwe ahayigapa amabhili iginyu uwapuma kwidala ilya mpepu wakwe wakudila kukwinyu. 12 Itwe ishi, bholo bhani, itwe tukudayiwa, te kukumubhi kuti tukudila kumubhili. 13 Pe mukadila kumubhili, mlipapipi kufwa, nga kumpepu mkugoga injendo izya mubhuli, namwe muhayidila. 14 Bhondi bhebhakulongozwa nu mpepu uwa Mulungu. ibhobhebhana bha Mulungu. 15 Mutaposheleye umpepu wa wukungwa wewukuleta ilyoga. Ryoli muhaposhela umpepu kti mubhe mwe bhana, kulilyo tukulila, ''Tata wetukuti utata!'' 16 Umpepu umufinjile we mketi peka nu mpepu iwitu kuti twebha bha Mulungu. 17 Inga twe bhana, pe bhapwanila iwinza, abhapwanila bha Mulungu.Tuhajipwanila peka na Kirisiti, petukuteseha peka na wuyo,tuhayizuvwa peka nawo. 18 Pinga bhazya ayimba igashishi kubha mansi inganaholanya nu winza wewuhayigubulwa kukwitu. 19 Vipe lwi vwondi vikutetendela kumaha aminji kugubulwa ku bhanabha Mulungu. 20 Vwondi vya vipelile vwapelilwe pasi pa wabhibhi te wuwuyo sha kwanza, Ryoli kwa wugo wavipelile.kusubbila. 21 Vipelwi vwondi vihayi yeleshela vihayepa kuwukungwa uwa uwubhibhi, kwinjila kuyeleleshela uwa winza uwa bhana bhakwe. 22 Tumanyile kuti vipelwi vwondi vikulangulila peka vwope vikubhobha pa kishi. 23 Teshishisho basi ha, nitwe twabha kuwandilo ibha mpepu - nitwe tukulungulila mkasi zyitu, wetukugulila kuti tubhe twe bhana, kukuti uwokole uwa mabhili gitu. Iwene atusubhiye twokoshe. 24 Ilelo ihanduhewasubhiye inga haloleha ulusubhilo we lwasila, wunananu wangasubhila ahandu hehakulolela? 25 Ryoli inga twasubhila ahandu hehatakuloleha tukuhagulila kunjimbilila. 26 Sheshishisho umpepu wope utwavwa kuwututu witu. Habhili tutamanyile kulabha she yikwanziwa, mpepu wuyo akutulabhila, kubhobha kwe kutangolonje. 27 Iwene kwenya amoyo wa yimanyile injele iya mpepu, iwene wa kubhalabhila bhebha mwitishile she luli ulugano lwakwe. 28 Natwe tumanyile kuti bhondi bhe bha mumanyile UMulungu, bhakubhomba peka bhondi ku winza kubhala bhondi bhebhabhilishililwe kulugano lwakwe. 29 Kubhala bhamanyile kufuma yi mwata, iwinza abhachaguye kukumwata, bhaholanwe nu mwana wakwe, inga abhe mpapwe uwa kwanda muhaholo abhinji. 30 Bhala bha chaguye kufuma yi mwata, abhabhilishiye, bhahabhabhilishila ahabhabhazizya uwanalyoli. Bhabhabhazizye uwanalyoli bhope ahabhazuvwa. 31 Tulonje ahoni kugigo? UMulungu ingali imbali iya kuwitu, wunanu wali pa mwenya papitu? 32 Uwene watakumuleshelezya umwana wakwe ryoli amufumizye kwukwita itwe angapuma nashi kutwavwa ku gondi peka nawo? 33 Wunanu wahaibha sitaka abhasewa bha Mulungu? Umulungu wabhabhazizye uwanalyozi. 34 Wunanu wahayibhalonga insoshi? Kirisiti UYesu wahatufwila itwe peka nigo, ahazunswa iwene akutabhala peka nu Mulungu pala pitogo iwinza wakulabhila itwe. 35 Wunanu atwefwe mulugano lwa Kirisiti? amalabha, awe ishida, awe amanyimba, awe inzala, awe uwulaliwe, awe uwulugu, awe ipanga? 36 Vye zisimbililwe, '' kuwinza bhahatugogaga msanya wondi. Bhatubhazizye anzingole iya kugoga. '' 37 Kugigo gondi twepa mwanya kubhebha kutola kwa wugo watuganile. 38 Ine ishi imanyila kuti zyana lyoli, awufwe, uwumi, awe uhabhizya, awe kubijila, awe ivindu vwevikwinza, awe amaha, 39 Awe gegalikumwanya, awe gegalipasi, awe shipelwi shoshondishila, tehahawenze kwefwa nu lugano lwa Mulungu, We wu Kirisiti UYesu umwene iwitu.