sura ya 7

1 Bhaholo bhani mutamanyile, ha kuti (Ingulonga na bhebhazimanyile indajizyo), indajizyo zikumuzenga umunduwe mpuma? 2 Umwanda wa yejilwe akungilwe ni indajizyo kwa mulume iwakwe wemupuma, inga umulume iwakwe afwa, apela asatulwa kufuma kundajizyo iweji. 3 We mupuma umulume, ingabha nu mulume uwunji akubha mubhembu.pope she gegwaga nu mulume uwunji. 4 Shezili bhahlo,bhani, nimwe abhulo mwalimwe bhafwe kundajizyo kwidala ilya uYesu ku mubhili iwakwe zihabha shinisho ingamuhomanywe nu wunji, iwene wahazyuha kufuma ku bhafwe, ingatumpapile UMulungu insanga. 5 We twali twe bhamubhili, ishunguswo izyimbibhi zihadamahaga mumabhili igitu kwidala ilyi indajizyo na kiyipapila ifwo insanga. 6 Ishi twebhasatule kufuma kundajizyo.tuyifilije yeyatuhanaga. Inga itwetutale kubhomba imbombo ku wupwa nu umpepu, Te kukuti shezyali hali amandiho. 7 Tulonje ahoni ishi? Indajizyo mbibhi? ha indayimanya imbibhi inga indajizyo italipa, haninda ku manyile kusunguha ingaindajizyo italonjile kuti utahasungushe.'' 8 imbibhi yihamanyiha indajizyo ihaleta mukosi yani kusunguha kwokwondi kula. Imbibhi inginda ajizyo italipa ifuye. 9 Ine nali ne mupuma wi indajizyo italipa ilelo we yinza indajizyo, imbibhi ihazyuha, nine i hafwa. 10 Ihayilola indajizyo yikweta uwumi ihapindala ihabha wufwe kukwani. 11 Kukuti imbibhi yihabha yilipo kuyila indajizyo ihasapiha yihangoga. 12 Ishi indajizyo finjile, ni yile indajizyo finyile iyanalyoli, na nyinza. 13 Ishi lelo yila ye yali nyinza yihaleta uwufu kukwani ine?Itahabhe isho nalumo. Ilelo imbibhi, ingayiloleshe kuti mbibhi kushala inyinza yikuleta uwufwe mkasi mumwani, inishe yali kushilila indajizyo. Imbibhi ihololeha kubha itahondeye ha. 14 Tumanyile kuti indajizyo imwata yakwe ni ya mpepu, ilelo ine ne mundu uwamubhili. Nemukazye pasi pi mbibhi. 15 Ryingubhomba indakulimanya. she zili lila lyindiganile,indakulibhomba, Ryoli lila lyindihatambile, lyingilibhomba. 16 He inganalibhomba lila lyindaliganile, ikwitihana ni ndajizyo kuti nyinza. 17 Ishine te nene nu nene mkasi yani ni gubhombo linilyo. Ryoli yiyila imbibhi yikwihala mkasi mumwani. 18 Imanyile kuti mkasi mumwani, mkasi mumubhili mamwani, litakwiha ilyinza. Ilelo indakubhomba ha. 19 Rila lye lyinza indakubhoma, lyoli ibhibhi lyindaliganile lingabhomba. 20 Ishi ilelo ingubhomba lyindaliganile, ryoli yiyila imbibhi yikwiha mkasi mumwani. 21 Namanya iwinza indajizyo ini inga ine lyikwanza, kubhomba inyinza, rilipo ni ibhibi. 22 Ilelo ingusha ni ndajizyo ya Mulungu ku wundu uwa mukasi. 23 Ilelo ingulola indajizyo yeyili isholo ishinji mubhili wani. Yikulwa ibho mu ndajizyo ipwa mnjele zyani. Yikwanza kundema kundajizyo iyimbibhi yeyili mumubhili wani. 24 Ine ne mundu uwa kusungama! Wananu wati ndobhole nu mubhili unu uwawufwe? 25 Ilelo tumusali fwaje UMulungu ku UYesu Kirisiti! Utata iwitu. Ishi ine nunene ine ingushu ni ndajizyo iya Mulungu, ku, njele zyoni riyoli ka mubhili ingasha ni indajizyo ya uwubhibhi.