sura ya 11

1 Ishi ingupembuzya, je, Umulungu abhasi tile abhandu bhakwe? Hala ine.Mwisraeli, nine ibhashiholo isha Bulahamu, ni indungo iya Benjamini. 2 Mulungu atabhasitile abhandu bhakwe, abhamanyile kufuma kuwandilo. Je hamujui uwusimbe wukutibhuli ku Eliya, she alonjile nu Mulungu ku wandu ibha ku Israeli? 3 ''Umwene, abhagojile abhakubhi bhaho, bhope bhabongoye ishigema shaho. Ine basi isyaliliye, bhope bhakuwanza uwupuma wani.'' 4 Ilelo UMulungu akutibhuli kukwaho? ''Imbabhishile abhandu elufu saba bhebhatakusugamila kwa Baali.'' 5 Isalizi iwinza, bhalipo bhebhasyaye bhebha chagule kulugano. 6 Inga kukulugano, te kukunjendo.Inga teshishisho ulugano lutanyabha lugano. 7 Ishi pe honi? Hala ibhaku Israeli bhahanzaga bhatahaga, ryoli abhawilishile bhahahaga, bhamu zihabhamwamila. 8 Inzashe zisimbile; ''UMulungu ahabhapa umwoyo uwa kusinzila, amiso bhatahalole, makutwe bhativwe paka umusanyunu.'' 9 Wope UDaudi akulonga, ''zileshe imeza zyabho zibhe mavi, ni nsandiho, iziyakugwila, na kutabhulizya kukwabho. 10 Bhaleshe amiso igabho gabhe na hisiinga bhatahalote. Uhagimilizye asana igabho wila abhu.'' 11 Ishi ingulonga, ''Bhakundiye paka kugwa?'' Zibhanje inzashinisho wila. Ishi kwa kutolwa kwabho uwulokole wafiha kubha munsi, inga abhene bhibho bhabha nu mwone. 12 ishi pe kutolwa kwabho wudubwe wa munsi, inga hasala kukwabho pe wadubwe wa munsi zingabha bhulibhuli hasa kuti bhabhe alinza? 13 Ishi ingulonga nimwe mu bhandu ibha munsi. Inene musondelezye uwa bhandu ibha insi inyinyi ingubadila imbombo yani. 14 Intibhe nu mwone bhebha nu mubhili weka nine. Bhanga ingabhokola bhamu. 15 Shezyali kubhasita kwabho kuhabha kubha kundanya kumunsi, kuposhelewa kwabho kuhayibha wupuma kufuma ku bhafwe? 16 Inga injendo zyabho mbishe, shezili kwikundi lya wushu. Inga umubhembu abhishilwe ni samba izgakwe zyope mbishe. 17 Inga insamba dumulezimo, inziwe, insambaizya mwilala izya mzeituni, wuhawalwa mumwo inga mwalipeka ku mazi iga wu dubwe uwa mizeituni, 18 Utahayibadile ku nsamba. inga ukuyibadila, te wewe wukugafwa amanzi, Ryoli amanzi gakukwavwa ive. 19 Ryoli utilonje, ''Insamba zihadumulwa inga uwalwe mwikwi. '' 20 Izyo zya nalyoli. We bhatamwitiha bhahadumulwa, ilelo iwe ihimilili ahinza ku lwitiho lwaho utayibade wunewe na kuyizuvwa pamwanya nifwa. Ryoli uyogope. 21 Pu Mulungu atazileshile insamba izyimwata, atahakutuyile niwe ha. 22 Tendela, ilelo, uwinza nu uhali wa Mulungu. imbali yimo, uhali winzile ku bha Yahudi bhebhahagwa. Ilelo imbali yimo, uwinza wa Mulungu wuhinza ku a te shishisho iwe wunewe. Ahayikuhana ukutali. 23 Na iwinza, ingabhakwendelela she bhatakumwitiha abhene bhahayiwalwa iwinza. Umulungu awene akuwenza kubhawala iwinza. 24 Imwe pe mwadumulilwe wewuli ku mwata muzeitini uwa mwilala, kulusalo ku mwata muhawalwa kubha mzeituni umwinza, te nifwa ibha abha Yahudi, ibhene bhe nsamba izyi mwata, kuwatwa mumuza tuni iwabho hibho? 25 Bhaholo bhani intayiganile, kuti mutahanye ikwilu ini inga mutahayilole kubha ni njele izyinyu munemwe kukwilu uku abha Israeli, bhahabha bhagomu pakakumanyiha kwa munsi kuhayinza. 26 Abha Israeli bhondi bhahayokoha, inza she zisimbile; ''kufuma ku Sayuni ahayifuma umwokole. Ahayefwa uwubhibhi kufuma kwa Yakobo. 27 Ili likwinza kubha ndogo yani peka nabho, inazyefwa imbibhi izyabho.'' 28 Imbali yimo kudumbililo, bhakubhatamba kwajili iyinyu. Imbali yimo kufumilana nu wulongozi wa Mulungu, bhaganilwe kwajili ya bhamama. 29 Insamalizyo nulugano lutakugaluhana. 30 Kuwondi imwe mwamuhanile UMulungu, ilelo ishi muluposheleye ulugano ibhene we bhamuhana. 31 Kwidala linilyo, ibhene bhahamuhana. She zinginza zibhe kufumilana ni tuyilo iyakwe ye abhapiye iwene iwinza kushela ulugano. 32 UMulungu akunjile abhandu bhondi ku wubhibhi inga abhatuyile bhondi. 33 Vwe zili imbiti uwutubwe injele ni imbombo zya Mulungu! Zitakutendeleha indogwi izyakwe, amadala gakwe gatakumanyiha! 34 '''Wananu wamanyile UMulugu zya kusibha? awe wunanu we amubhuzya? 35 Wananu wamupiye hohondi UMulungu, inga mulipe iwinza?'' 36 Kufuma kukwakwe, na kumadala igakwe na kukwakwe wondi vilipo. Kukwe kuluwinza wila. Amina.