1 Holo, ginguganza sana mumwoyo wani ni ndabhozyanikwa Mulungu kuku bhibho ku wokole wabho. 2 Ine ngubhabhuzya kuti mundaga kumwanza Umulungu, te kukuti pe bha manyile. 3 Bhatawumanyile uwanalyoli uwa Mulungu, na bhakwanza uwanalyoli uwabho bhibho. Bhatalibhativwu ku wanalyoli wa Mulungu. 4 UKirisiti we wakumwisho uwi indajizyo ku uwana lyoli uwa umundu wa mwitishile. 5 UMusa akwandiha uwanalweli we wuli kundajizyo; ''Umundu wakubhomba uwanalyoli uwi ndajizyo adile kuyiniyo.'' 6 Uwana lyoli wukupatihana kulwitiho wukulonga wukuti, ''Utahalonje mumwoyo waho wunanu wa hayizubha kumwanya?' (Ipo kukumwizyu UKirisiti pasi). 7 Iwinza utalonje, 'Wunanu wahayiha ku lyina?''' (Kukumzuvwa, Ukirisiti kumwanya kufuma kubhafwe). 8 Gakulonga ahoni? ''Izwi lilipapipi niwe, mwilomu lyaho na mumwayo waho.''Hili lizwi lya, lwitiho lye tukulonga. 9 Inga kwilomu lyaho ukumwitiha UYesu kuti we wumwene, na kwitiha mumwoyo waho kuti UMulungu ahamuzyusya kufuma kubhafwe, utupone. 10 Kumwoyo umundu ukwitiha na kubha nu wanalyoli, kwilomu akulonga kubha nu wokole. 11 Uwusimbe wukuti, ''Wa mwitishile atahasupile.'' 12 Muyahudi nu Muyunani bhaholine, umene wuwula we wumwene wa bhondi, Iwinza wudubwe wa bhondibhe bhakukumu bhilishila. 13 Wowondi mundu wa kulibhililishila itawa lwa mwene atiyokoshe. 14 Bhagamubhilishila bhulibuli iwene wa bhatamwitishile?Iwinzaukumwitiha we bhata mwivuye? Bhumwivwu inga umulumbilili numo? 15 Ungalumbilila nashi inga bhatakutwalile? - Inza she zisimbile, ''Vwinza inza honi ivinama ivwabho bhebhakulumbilila aminza!'' 16 Te bhondi bhebhahatejele vwa indumbilili. Iwene UIsaya ahalonga, ''Mwene, wunanu wa yivuye zye tukulonga?'' 17 Ulwitiho lukwinza we wivwa, na kwivwa kwizwi lya Kirisiti. 18 Ilelo ingulonga, '' abhe bhativuye?'' Ee, bhivuye ni fwa. ''Isauti iyabho ifumile kunzi munsi yondi, na zye bhalonjile kubhala kumbelela kunsi.'' 19 Ku gondi, Ingulonga abha, ''Israeli bhatamanyile?''Musa akulonga, ''Indibhandilizye ku mwone kubhandu bhe te bhafinjile kwitaifa. Lelitamanyile indibhazunjizye inga bha vitwe.'' 20 UIsaya atakwogopa akulonga, ''Bhahanaga bhala bhebhatananzile. Ihaloleha kubhala bhetahananzaga.'' 21 Ilelo kubha ISraeli akulonga, ''Insiku zyondi nagolosizya inyobhe yani bhebhatakwivwa na bhagomu.''