1 Isiku ilya pa Mulungu wekwasha, bhahabhala kumbipa, bhamile na mafuta, we bhali nganyilye uwa kumupala. 2 Bhahalola iwe libhungulusye lilipambali ni mbipa. 3 Pe bhahinjila mukasi bhahaga umubhili wa mwene u Yesu na wumo. 4 Webhakuswiga, bhahagandushilwa, bhabhili bhe bhakwatile amenda amazelu gega kumituha bhimiliye papipi nabho. 5 Abhantanda bhahalemwa ni lyoga, bhahasulamiha amatwe gabho pasi, bhahabhuzya bhahati honi he mukumwanza we mwumi kubhafwe? 6 Atalipo ipa, azyushile! Mukumbushe zye amalonjile nimwe weali ku Galilaya, 7 Yikwanziwa umwana wamuntu atwalwemunyobhe zya bhabhomba imbibhi bhamugoje isiku ilya wutatu, azyushe.'' 8 Abhantanda bhala bhaha kumbuha amazwi gakwe, 9 Pe bhahafuma mumbipa bhahabhala kubhabhuzya bhala ishumi na weka na bhanji bhonti. 10 Ishi Umaliya magedelena, u Yohana, nu Maliya unyina wa Yakobo, peka na bhantanda abhanji bhe bhamile peka nabho bhaha twala inongwa izi kubhabhomba imbombo. 11 Abhasundikwa we bhivwa inongwa zinizyo bhahalola zyilenga, bhatahabhitiha. 12 Ilelo u Petro ahimilila, ahabhala akushimbila kumbipipa, ahayunzama ahananjizya mumbipa, ahalola umwenda mwene, ahasogola ahabhala kunhaya yakwe akuswiga zye zifumiye. 13 Bhabhili bhahabhalaga ku haya aha Emmau, ahahaya hanaho hamile apatali apa kujenda amasala gabhili kufuma ku Yerusalemu. 14 Bhahalongaga inongwa zye zya fumiye. 15 We bhashili bhakulonga, zinizyo u Yesu wuyo ahinza akujenda peka nabho. 16 Ilelo amiso gabho gahagumbishiwa kumumanya iwene. 17 U yesu ahabhabhuzya, ''Ahati mukulonga nongwa zyoni kumo mukujenda. 18 Weka mubhanabho, itawa lyakwe wu Cleopa, ahamwamula ahati, ''Iwe we mujeni wumwene mu Yerusalemu we utamanyile zye zibhombishile kunukwo insiku izi?'' 19 U Yesu ahati, ''Kuli nongwa zyoni?'' Bhahamwamula bhati, ''Zyebhamubhombeye u Yesu uwa Ku Nazareti, amile mkwi, amile namaha aminji mumbombo, mwa Mulungu na bhantu bhonti. 20 Abhapiti abhapipiti bhitu bhahamufumwa kuti alongwe na kumugoga. 21 Wuyo we twamusubhiaga kuti atitule itwe tubha Israeli. Ishi, lisiku ilya wutatu pe zinizi zyonti zya bhombeshile. 22 Habhili, abhantanda mushipuga shitu bhatugandusizye kunongwa ye kukusha bhabhalile kumbipa. 23 Ilelo bhajile umubhili na wumo, bhinzile kutubhuzya kuti bhaloleshelilwe na bhahabhizya bhebhabhabhuzizye kuti mupuma. 24 Bhalipo abhasahala bhebhamile peka nitwe, bhabhalile kumbipa, bhajile zili shishila she abhantanda bhala bhalonjile ilelo, uwene bhatamulolile.'' 25 U Yesu ahabhabhuzya ahati, ''Imwe mwe bhalema, honi he amoyo ginyu magomu kwitiha zyonti zye zyalongilwe na bhakuwi! 26 Bhatatili yihanziwaga kuti Ukristo ashilile mumanyimba gala gonti, pilongolela ayinjile mu wumwamu wakwe?'' 27 Pe ahabhabhuzya inongwa zyonti izya mu wusimbe uwufinjile zye zyasimbilwe kuzyawene kwandila ivitabu ivwa Musa nivwa bhakuwi. 28 Webhapalamila muhaya, he bhahabhalaga u Yesu ahabha bagati akushizanya. 29 Ilelo bhahamuamba, bhahati uyihale ipa pekanitwe, ishikukwila ahisi hapalamila pu Yesu ahitiha kwinjila munyumba. 30 U Yesu ahega ikati ahamsalifwa umulungu ahamesula ahabhapa. 31 Ahabhalilo bhahamanya kuti wu Yesu panapo ahategenya pilongolela yabho. 32 Pe bhahabhuzilizanya bhahati, ''Amoyo gitu gahalamuha nhani, watusomela uwusimbe?'' 33 Ahabhalilo hanaho bhahasogola, kugaluha ku Yerusalemu. Kunukwo bhahabhalola bhala ishumi na weka bhabhunganile peka na bhanji, 34 Bhahamubhuzya, ''Bhahati, ''Umwene witu yoli azyushile amulolesheye u Simoni.'' 35 Pe bhahabhapanjila zyonti zye zibhafumiye kwidala, na she anza bhamumanya u Yesu we akumesula ikati. 36 Webhakujendelela kulonga ganago, u Yesu wuyo ahimilila pakasi yabho ahabhabhuzya ahati, ''Umulungu abhape uwutenganu.'' 37 Bhahaganduha bhahogopa, kunongwa ye bhahasibhaga kuti bhamulola muzimu. 38 U Yesu ahabhabhuzya ahati, honi he mukwelela? Honi hemukusingana mumoyo ginyu? 39 Yeyi inyobhe zyani, ni vinama vwani, pe mumanye kuti nene. Mupalamansye mulole. Kunongwa ye umuzimu atali nu mubhili ilelo ine anashe mukulola indi nu mubhili.'' 40 We amala kubhabhuzya ganago, ahabhalanga inyobhe ni vinama vwakwe. 41 Wekumo bhakuswiga bhahafishila kuti pamu te lyoli, u Yesu ahabhabhuzilizya ahati, ''Mulini shakulya shimo ipa?'' 42 Bhahamupa ishibeza ishi nswi inyoshe. 43 Yesu akakichukua, na kukila mbele yao. 44 Ahabhabhuzya ahati, ''Zinizi zye nabhabhuzizye, we namile peka nimwe kuti zyonti zyezisimbilwe kundajizyo zya Musa na kubhakuwi na mu Zaburi zikaziwa zibhombeshe.'' 45 Pe ahabhamanyizya kwidala ilya kubha pa uwumanyi uwa kuwaganya uwusimbe wunuyo. 46 Ahabhabhuza kuti, ''Yisimbiwe kuti Ukristi ayimbe, isiku ilya wutatu azyushe kufuma kubhafwe. 47 Habhili mwitawa lyakwe abhantu bhalumbililwe kuti bhalate, imbibhi zyabho kwandila ku Yerusalemu. 48 Imwe wme bhakati kunzinizi. 49 Ishi, mwihale munhaya ini. Kufishila pe muhayiposhela amaha kufuma kumwanya. 50 U Yesu ahafuma nabho we bhapalamila aha ku Bethania. Ahabhusya inyobhe zyakwe kumwanya, ahabhasaya. 51 Weakujendelela kubhasaya, ahapemuha, pe ahegwa kubhala kumwanya. 52 Pe bhahamuputa, bhahagaluha ku Yerusalemu kumo bhashiye. 53 Bhahihalaga mwilinga ilyi nyumba imfinjile, bhahamupalaga Umulungu.