1 Pe ishi, ingetwaleha hetumanyiye kuwandilo kwanza inongwa zya Kilisiti, ikwanzilwa kubha namaha kubhala kugoma, tutabhihaje imbombo ya luputo kufuma kumbombo zyezitali nuwupuma ni zyakuzilema kwa Mulungu, 2 pope tekuti ulumanyizyo ulwa kwonza, nakubhabhishila inyobhe, uluzyoho ulyabhafwe, na uwolongwe uwawila na wila. 3 Tetubhombe ishi ungumlungu atwiteshizya. 4 Ishi itakuwezehana hala kubhala bhebhapatile uluhozyo kuwandilo, bhebhabhonjile uwinza uwakumwanya, nakubhabhiha kubhabhaputi ibhampepu umfinjile, 5 na bhebhabhonjile uwinza wa mazwi iga Mulungu na maha gegakwinza, 6 na bhahangwa- itakuwezehana kubhagaluswa iwinza mluputo. Eni ya bhamyivizya umwana wa Mulungu ulwa wibhili kuzyao, webhakumbhiha kuti shililo isha kusufwa pambili. 7 Pe kurusuto lwelwaposheleye ivula yikutonya wila na wila kwajili iyakwe, naihafumwa ivindu ivyinza kubhala bhebhabhombile imbombo mrusuto, bhakuposhela uwinza kufuma kwa Mulungu. 8 Ilelo ungukupapa amifwa na mahohoti, pewitali ni mbombo nimowili kulongwa na kutipwa. Peikwazilwa kupemba. 9 Pope tukulonga ishi, bhamanyani ibhalyoli, tukuvutwa ninongwa inyizya zyezyinyu imwe zya upone. 10 Pu Mulungu zyinyu nulugano lyemlolesizye kwitawa ilwakwe kulili mwabhabhombeye bhebhammanyile na shemkubhabhombela. 11 Na tuyiganile nifwa kuti wondi weka winyu aloleswe amaha gagala paka pakumanya zye zyanalyoli. 12 Tutakwanza kuti mbhe mwahata, ilelo mbhe mwabhalandati ibhabhala bhebhalemile apinza palusubhilo na kuvunilila. 13 Pu Mulungu ampiye Abrahamu indajizyo, halapa iwo ulyakwe, imbanje atahalapaga kuwamwao wemsongo kuliko iwene. 14 Ahati, "Ishi indikusaye, na indiyonjeze kupakwaho.'' 15 Kwidala ili, Abrahamu ahaposhela shila shebhamlajile weagulila kwa kutukumila. 16 Abhandu bhakulapa kwa wuyowe mpiti kuliko ibhene, kwa mashindano gondi kukulapa kwa kusimishizya. 17 Wakati uMulungu wakwinaga kuloleswa apazeru ihani kupwanila nulusobhilo lyukinile lyakwe ulwinza lweluhayaluhana, akasimishizya kwakulapa. 18 Abhombile isho kuti ivindu vibhili vyevitagawezya kubadiliha, ishi kulilyo uMulungu atugawezya ilenga, itwe twetushimbiliye ipangwebha tubhe numwoyo kulemelela kumaha zyetulemeleye zetubhishile pilongolela iyitu. 19 Tulinago amaha iga inza petwi miliye ahinza wetusubhiye upepu uwitu, amaha igogakwinjila kukwetu mhati mwigolole. 20 UYesu ahinjila anzawatanguliye kukwitu, pewabhombiliwe kubha msongo mpiti paka wilanawila mnemwe wingufwatilila Melkizedeki.