Sura ya 5

1 Kwekuti kila umputi mkuu, wachaguliwe kufuma mbhandu, achaguliwe kwimilila kufumila mvindu vye vikufumilana nu Mulungu, ishi afumwe peka ulualifwo nifinjile kumbibhi. 2 Awezizye kuyibhombezya kubhutosu na bhalema ibhamadali kwekuti wuyo wene azunguliwe nuwubhinu. 3 Kunongwa yalili, abhamanyile ibhakuyifumwa amabhili kumbibhi izyakwe izya bhandu. 4 Atalipo mndu wakwega ulushindiho ha ini yakwe woyo imwene, lakini ilelo, paka uMulungu ambhilishile, anza shamali u Haruni. 5 Nu Kilisiti atayipiye wiyoya na kuyibhiha kuti uputi mpiti. Umulungu alonjile kukwakwe, ''Iwe wamwanawani, umsonyunu ingubha na tata waho.'' 6 Pe anza shakulonga na pamwao, "Iwe wakuwi utata uwawila inzi zya Melkizedeki.'' 7 Ishi pepupo ipa mbhili, alabhile na kulabhila, labhile u Mulungu kumansozi, kwawene awezizye kumponya kufuma kuwofwe. Kuwutonsu wakwe uMulungu, bhahamwivyaga. 8 Pope waali mwana, amanyiye kwetiha imbombo zyezihanivaga. 9 Akwanisizye na kumadala iga abhombile kwa mndu wammanyile kuwinza uwawila, 10 kunibha nu Mulungu unzu mkubhi umpiti utata wepakwe ipa Melkizedeki. 11 Tulininyinji izyakulonga kwa Yesu, ilelo mbombo kubhabhozya imwe mwabhahata ibhakweva. 12 Pope kushishi mwanziliwe kubha mwabhamwalimu, pope pakwanzilwa umndu kubhamanyizya izya kuwamanyizya izya kuwandilo izyi nongwa zyambungu. 13 Mkwanza amazibha te shakulya ishigomu. Unu wowondi wakumwela amazibha te wawila nuwujumbe wanalyoli, pe mwana. 14 Kulugano ulwinji, ishakulwa ishigomu shabhasongo, bhala bhebhazimanyile bhibho kuholanya izyana lyoli ni mbibhi bhabhamanyizizya kumanya ilyinza ni bhibhi.