1 Ilelo ulugano lwa bhaholo lujendelele. 2 Mtiwaje kubhaposhela abhajni, kwa kubhomba inshi bhabhaposheleye abhahawizya pakuti bhamaye. 3 Mkumbuhaje bhondi bhebhali mwijera, pakuti mwalinabho peka kula, inga amabhili ginyi gabhombilwe inza bhene. 4 Abhaganani yipazwaje na bhondi ni shitala isha bhaganani shibhombwe kubhahiza, uMulungu alibhalonganya abhabhembu na bhapopo. 5 Amadala ginyu agakudila gabhe ga kuyileshela kulugano ulwa ihela. Mubhe bakuliziha ni vindu vyemlinavwo kwe kuti uMulungu alonjile, "Ndangabhalehanalume na kubhateganya imwe.'' 6 Pe twitihaje na kulonga kumaha, "Tata ukunavya indakwogopa umundu angambombashi?'' 7 Mubhasibhililaje bhala bhebhahabha longozya, bhala bhalonjile izwi lya Mulungu kukwinyu mtahiwe ukwakufumila nu kubhulilana kwabho; Linjizyaji inyitiho zyabho. 8 UYesu Krisiti ghuyo mazubha, umusanyanu na wila. 9 Utahalongolwe ni manyizyo inyinji izya shijeni inshi nyinz pakuti umwoyo wuzengwe kuwiza, na tekundajizyo kutishakulya igo tegabhavwe ibho bhebhakudila kililyo. 10 Tulinishigemo bhebhakubhombo mkasi mshibhaza bhatali nu mulonji uwakulya. 11 Pekuti ibhanda lya vihanu zyezifumilw ifingile kumbibhi, nusongo umupiti mkasi muwiza, ilelo amabhili gabho gapembile kuzi kumabhibhi. 12 UYesu wope ahalubha kuzi kushilyango shamhaya inga kubhiya uwiza abhandu kwa Mulungu kushilila ibhanda lyakwe. 13 Ilelo tubhalaje kukwakwe kuzi yimbibhi, ingatwapimbo isoni zyakwe. 14 Inshi tutalinapakwihala mwemuhayendelelemhaya unu ilelo twanze ihaya yeyikwinza. 15 Kushilila uYesu mukwaziwa popondi kuyifumwa ifingile kumupala uMulungu, kumpala kuti uwiza wamalomu gitu lyiti she itawa lyakwe. 16 Na utahiwe kubhomba amiza na kwavwa na munemwe kwa munemwe, pekukufinjile inziyo ya uMulungu akuhondesa ihani. 17 Myisyaje kubhalongozi bhinyu ingabhabhasengu kwa kwisha na tekushisa, yeyitakubhavwa. 18 Tuputilanaje, inshi tuli ni yoli kuti kukwinilila ukwiza tukwigana kudila kuhilo nu lutiniho kumambo gondi. 19 Ku vwondi ingabhapa umoyo ihani imbombe inshi, inyakuti ibwezye kugaluha kwinyu nalubhilo. 20 Nu Mulungu uwakwitiha, we abhaliile kufuma kubhafwe umudimu umupiti uwingole, umwene witu uYesu, kwibhanda kulwi vwano ulwa wila. 21 Ahayibhapa ubhuwezyo kukila ahandu ahiza kubhomba gegakwe, ukuabhomba mbombo mkasi yitu yila yenyiza na kuhondizya pamiso gakwe, kushilila uYesu kukwakwe bhubhewiza uwa wila na wila. 22 Isalizi ingakupo amaha, holo, kubhalilananizyi ilya kupelana amaha lye kubhusi nasimbile ku kwinu. 23 Mmaje kuti uholo witu utimoti bhamuleshile bhulo, we peka inawo indi bhalola ingakwiza ishi bhulo. 24 Lamha abhalongozyi bhaho bhondi na bhebhitishile bhondi. Bhala bhebhakufuma kuitali bhakubhalamha. 25 Nu wiza bhubhe ni mwe mwendi.