Sura ya 12

1 Pe inza,bhwetu zungulibhwe ni bhingu ipiti ilyabhaketi pe tusumbe she shitulemeleye, peka ni mbibhi yeyituzyunyuluye kubhupupusu. Tuhomaje ishimbilo kwa saburi kumushindano gegabhishilwe kwilongolela lyitu. 2 Tugalongole amisogitu kwa Yesu, wahandizya na wahatubhihu inyitiho iyitu, we kulusho lwe lubhishilwe kwilongolela yakwe ahashibhwezya ishihobhehanyo, na akuyisufwa isupilo yakwe, nu ahihala pasi inyobhe iyukundilo kwitengo lya Mulungu. 3 Pe mumusibhaje ghula wahagabhwezya amazwiagaluhaluzyo kufuma kubhambibhi, kukwakwe ghuyo inga mtuhize mlite nu kufwa amoyo yinyu. 4 Mtalabhile pope mtateseshile kupotana na mabhibhi pasi kusililwa ibhanda. 5 Hubhili mwibhile kula kupa umwoyo kwe kukubhalinganya inza abhana abhashisahala: "Mwanu wani utuhageje kubhupupusu, amugaluswo ga mwene pope utainuje pukulinganywa nawo.'' 6 Pe inzu bhwe umwene akumgalushila wowonti wamganile na kumhoma wowonti umwana wa kumposhela. 7 Zibhwezaje indingo iza kugulushilwa. UMulungu akushuguliha nimwe iza bhwakushuguriha nu bhana, ilelo pe mwanu woni we uyise atanyumganishila? 8 Pe lelo inganukumo kuanishilwa, kwe twenti tukwavwana, ilelo imwe pe mwe bhubhibhi nu te mwebhunu bhakwe. 9 Kugondi, twame na bhayise bhitu pansi abhakutugarushila, nu tuhabhahniha. Pe lelo yitakwazibhwa natwe tumtinishe utatakumpepu nu kudila? 10 Mulyoli abhatata bhitu bhuhutuhuma kumahu amasi iza vwe yihuloleha yoli kukwabho, pepe uMulungu, akutuhoma lwakwe. 11 Mulimo ibhibhi lye likushelwa kuhubhulilo iho. Gakubha ni mbabho. Inza pe shumunti gakupapa, itunda ilya lugano ulwa bhiza kubhala bhebhamanyizwe nulwo. 12 Pe bhusyaji inyobhe zyinyu zye zitali nu maha nu kugomba uvisugumo ivwinyu vwe vituli na maha kubha vwa maha hawiza; 13 Gorolaji ivililo vya nyobhe zyinyu, inga wowondi we alemaye tahulongole kubhutejelo yoli apone. 14 Yanzaji ulutengano na hubhili ubhwezu bhwe pepotalibhubhwo numu wa hayimlola umwene. 15 Mubhe miso inga aluhabhepenepo walibhapatali nu wiza wu Mulungu, hubhili litahize ilyina lya mubhazyo lye lilifuma nu lihulete amayimba na kutezya abhiji. 16 Yenyaji kuti kutali ni mbibhi hubhili umutu we atuli na mabhibhi inzu uEsau, we kundyo yeku ahakazya ulusaho lwakwe ulwa kupapwa. 17 Iza she mmanyile kuti shamandi, vwa hazaga kupwana inyiza ahahunwu she atuhayaga inafasi iyakwefwa peka nu tatuiwakwe, pope inza vwa hunzu ihani ku asonzi. 18 Iza vwe mtahiza kwigamba lye lingapara muswa, lgamba lyelikwaha umwoto, ahisi kuvunza umwoyo nu muyimba. 19 Mtahizu kwizwu lya kakavu na kuazwi gegakufumilana nizwi lye lihasababisya bhondi bhebhakwivwa bhatalabhaje izwu lyolyondi kulongwa kukwabho. 20 Iza vwe bhatahujimbilila shila sheshihamlilwa: "Pope inga ishihanu she shikupalamasya igamba kubijila ahomwe na mabhwe.'' 21 Musisya ihani gagalolile uMusa ahulonga, "Nogopa ihuni ishipimo ishi kuteleteha''. 22 Pepe mwize, kwigamba Sayuni na mhuya ya Mulungu we mpuma, kuyerusalemu kumwanya, na kubhuhubhizya amashumi kumi bhebhapapwi. 23 abhakubhwandilo bhondi abhabhombezi abhakumwanya, kwa Mulungu umulonji wa bhondi nu kumpepu zya winzu bhebhayilinwe. 24 Mwizile kwa Yesu umulinganyi wa lwitiho ulupwa, nu kwibhanda lyebhapashile lyelikulonga amiza ihani kuliko ibhandu lu Habili. 25 Yenyaga kuti utahizo umuhane wa kulonga. Pepe ingabhatuhakwepa pebhahambana weka wahabhasoha pansi. Kuhabhalilo iho izwi lyakwe lihayizya insi. 26 Pe ilelo isalizi alajizizyenu kulonga, "Ishili wiza kuhabhalilo ahamwabho indaliyizya isi yene, yoli na kumwanya.'' 27 Amuzwi iga, "Yikulolesya kwefwa kuzindu vila vye vikuyizwa,ivi vwe vindu vila vye vigombilwe, inga kuti ivindu vila vwe vitukuyizwa visyale. 28 Pelelo tuposhele ishi kunjilwa she shitakuyizwa, twishaje mwindula ilya kumputa uMulungu kwitiha peka nu kwiha nu kuyinga. 29 Pe uMulungu witu wu mwoto wo ghukupemba.