Sura ya 5

1 Ishi mbhe mwabhandu ibha kumulandatila uMulungu, aiza abhana bhebhaganile. 2 Mjendaje mlugano anza shu Krisiti atuganile itwe, ayifumizye wene kukwitu itwe. Iwene yamile sadaka ni dhabihu, kubha kunushilila ahiza kwa Mulungu. 3 Uwumalaya awinza nu wubhibhi wowondi nu kusuguha ukubhibhi kutalongwaje kukwinyu, azashikwaziwa kubhaputi. 4 Wope umlaha wutalongweje, kulonga ukwa ulema, nu wutani uwakusupizya, vwetevivyo, yoli kubhaje kusalifya. 5 Mgasimishizya kuti kuli nu wumalya, uwubhibhi, iwinza wa uyo wakuputa abha zimuata kuwezya kupwanila kumwanya ukwa Yesu nu Mulungu. 6 Umundu wowondi atadanganyihaje kumaneno amene, kuginga umlahaa wa Mulungu wu kwinza pamwanya panabhebha takwitiha. 7 Ishi utivwanaje peka inabho. 8 Kuti imwe kulusalo mwalimwa hisi, ilelo mwabha mwabha zelu kwa Mwene. Ishi jendaji anza abhana ibha shamusanya. 9 Kukuti amiza iga shamsanya gakulolyesya uwinza wondi lyelilwovwlyiza. 10 Mwanzaje heha kumpala umwene. 11 Mwutabhonehaje mukwa vwana ni mbombo izya kuhisi zyete, zya minza yoli zibhe apa zelu. 12 Kukuti amambo gebhakubhomba wope kuhisi zyi soni ihani na kulonga. 13 Imbombo zyondi aza zya gubuliwa zikubha apa zelu, 14 Kukuti ahandu hehagumbuliwa hakubha apa zelu ishi bhagulonga bhakuti iwo, "Wugonile, bhuha kufuma kubhafwe nu Krisiti alalame pa mwanya paho.'' 15 Ilelo mubhaje amiso wekujenda, mutabhaje anza bhebha takumanya yoli bhebha kumanya. 16 Mbhombaje ahiza kukuti isiku izi zya wubhibhi. 17 Mtabhaje mwabhalema, yoli ilelo, mmanyaje uwinza uwatata. 18 Mtamwelaje na kuholwa, yikutwala kuwubhibhi, yoli mposhele umpepu umfijile. 19 Mlongaje nu wamwinyu ku zaburi, na kupara, nu nyimbo izya mmyo. Mwimbaje na kupara kumwoyo nutata. 20 Yoli musalifwaje amambo gondi kwitawa ilya Krisiti uYesu utata witu uMulungu utata. 21 Munyifumwaje munemwe umundu wondi kwa wuji kulugano ulwa Krisiti. 22 Mubhashi, yifumwaje kubha lume bhinyi, aza utata. 23 Kukuti umulume litwe lya mushe, aza uYesu shelitwe kukanisa. Wakutwokola kumbhili. 24 Ilelo anza ikanisa helili pasi pa Yesu, ikwanza abhandada bhabhombaje kubhalume bhabho hohondi. 25 Mbhasahala, mbhagane abhashi bhinyu anza uYesu shali ganile ikanisa ahanyifumwa wunyo kukwakwe. 26 Abhombile isho azalibhe lwinza. Alizelufizye na kuligezya na minzi kumazwi. 27 Abhombile ishi anza awezye kulilolesya ikanisa, nu winza pepali uwubhibhi nu hakuholana niga, yoli lwinza lyelitali na makosa. 28 Kwindala lilila, abhasahala bhakwanza bhabhaganaje Abhashi bhabho anza amabhili gao. Ula wa kumgana umshi wakwe akunyigana wope. 29 Atalipo numo wakuwupata umubhili wakwe. Yoli akuwulisya, akuwugana anza shu Yesu aliganile ikanisa. 30 Kwe kuti itwe tuli mumubhili uwakwe. 31 "Kulili umsahala atamuleshe ubaba wakwe nu yina wakwe na atahomane numshe wakwe, ibha bhabhili tebhe umbhili weka". 32 Ili lya fisishile. Ilelo ikulonga kuti uYesu ni kanisa. 33 Ikwanza kuuti umundu kukwinyu amgane umushi wakwe, wope umushi amgane umlume.